Biblica® IBhayibhili Elingcwele LesiNdebele Elifinyelelekayo

AmaHubo 113

Dumisani uThixo.

Dumisani uThixo, lina zinceku zakhe,

dumisani ibizo likaThixo.

Kalidunyiswe ibizo likaThixo,

khona manje kanye laphakade.

Kusukela okuphuma khona ilanga kusiyafika lapho elitshona khona,

kufanele lidunyiswe ibizo likaThixo.

UThixo uphakeme ngaphezu kwezizwe zonke,

inkazimulo yakhe ngaphezulu kwamazulu.

Ngubani na onjengoThixo uNkulunkulu wethu,

oNguye ohlezi ebukhosini phezulu,

okhothama akhangele phansi

emazulwini lasemhlabeni?

Uyabavusa abampofu othulini,

aphakamise abaswelayo esilotheni;

abahlalise lamakhosana,

amakhosana abantu bakibo.

Lomfazi oyinyumba umenza ahlale kuhle emzini wakhe

afane lalowo ongunina wabantwana.

Dumisani uThixo.

Biblica® IBhayibhili Elingcwele LesiNdebele Elifinyelelekayo. Copyright © 2003, 2006, 2022 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.