Nahali Bible
गिनती 26
इस्राएलान दुसरी गेणती
ज्यी मोटली बेमारीन बाद बोगवान मुसा एने हारून चाकऱ्यान बिटोख एलीआजाराह केयो, “इस्राएलीन आखी मोंडली माय जोला विह वोरह्या, एने ताह रेन वोदार वोयान हेते इस्राएलीन विचीम लेड़ाणेन केरता लायकीन हेते, तान डायडायान गेराणान गेत ता आखान गेणती किरो।” तेवी मुसा एने एलीआजार चाकऱ्यो यरीहोन आहने यरदन नेदीन टेका पोर मोआब ने अराबा माय ताह सोमजाड़ीन केयो, विह वोरह्यान एने ताह रेन वोदार वोरह्यान माणहान गेणती किरो, जीह केरीन यहोवा मुसा इस्राएलीह मिस्र देसा माय रेन निकलीन आवणे बुखेत उकुम आपेल इतो।
रूबेन, जो इस्राएलान जेठालो इतो, तान ज्या सोरा एता, मतलब हनोक, जा पोर रेन हनोकान गेराणो चालनो, एने पल्लु, जा पोर रेन पल्लुइयो ने गेराणो चालनो। हेस्रोन, जा पोर रेन हेस्रोन ने गेराणो चालनो, एने कर्मी, जा पोर रेन कर्मीन गेराणो चालनो। रूबेन ने गेराणा ज्यास एता; एने न्या माय रेन जा गेणाय जायेल ता त्रेचाड़ीस एजार सात होव तीस एदमी एता। एने पल्लुन बिटोख एलीआब इतो। एने एलीआबान सोरा ज्या एता नमुएल, दातान, एने अबीराम। ज्यो तोच दातान एने अबीराम जा सबासद एता; एने जी टेम कोरह ने मोंडेली यहोवा हेरी राड़ किरेल एती, ती टेम माय ती मोंडली हेऱ्या मिलीन ता बी मुसान एने हारूनाह लेड़ायेल एता। एने जेवी ता एड़ी होव माणहान आक्ठा माय हेलगी जाणे से ती मोंडली खेतेम एय गीयी, तीच टेम देरती मुय उगाड़ीन कोरह बेल न्याह बी गील लेदी; एने ता एक चेतावणीन किस्सो ठेराना। पुण कोरह ने सोरा नाह मुरेल एता।
शिमोन ने बिटोख जा पोर रेन तान वोस निकेलना, ता ज्या एता, मतलब नमुएल, जा पोर रेन नमुएलान वोस चालनो, एने यामीन, जा पोर रेन यामीनान वोस चालनो, एने याकीन, जा पोर रेन याकीनान वोस चालनो। एने जेरह, जा पोर रेन जेरहियोन वोस चालनो, एने शाऊल, जा पोर रेन शाऊलान वोस चालनो। शिमोनान वोस ज्योच एतो, ता माय रेन बावीस एजार दुय होव एदमी गेणाय जायेल एता।
गादानान सोरा जा पोर रेन तान गेराणो निकेलना, ता ज्या एता, मतलब सपोन, जा पोर रेन सपोनियो ने वोस चालनो, एने हाग्गी जा पोर रेन हाग्गियो ने वोस चालनो, एने शुनी, जा पोर रेन शुनियो ने वोस चालनो। एने ओजनी जा पोर रेन ओजनियो ने वोस चालनो एने एरी, जा पोर रेन एरियो ने वोस चालनो। एने अरोद, जा पोर रेन अरोदियो ने वोस चालनो एने अरेली, जा पोर रेन अरेलीयो ने वोस चालनो। गादान वोसीन वोस ज्यास एता, ता माय रेन साड़े चालीह एजार एदमी गेणाय गीया।
यहुदान एर एने ओनान नावान सोरा पायदा एना, पुण ता कनान देसा माय मोर गीया। एने यहुदान जान सोरा पोर रेन तान वोस निकेलना, ता ज्या एता, मतलब शेला, जा पोर रेन शेलियो ने वोस चालनो, एने पेरेस, जा पोर रेन पेरेसियोन ने वोस चालनो, एने जेरह, जा पोर रेन जेरहियो ने वोस चालनो। एने पेरेस ने सोरा ज्या एता, मतलब हेस्रोन, जा पोर रेन हेस्रोनियो ने वोस चालनो, एने हामुल, जा पोर रेन हामुलीयो ने वोस चालनो। यहुदान गेराणान माणहे ज्याच एता, ता माय रेन शात्तर एजार पाच होव एदमी गेणाय जायेल एता।
इस्साकारान बिटोख जा पोर रेन तान वोस निकेलना, ता ज्या एता, मतलब तोला, जा पोर रेन तोलीन वोस चालनो, एने पुव्वा, जा पोर रेन पुव्वियोन ने वोस चालनो। एने याशुब, जा पोर रेन याशुबियो ने वोस चालनो, एने शिम्रोन, जा पोर रेन शिम्रोनियो ने वोस चालनो। इस्साकारान वोस ज्याच एता, ता माय रेन चोवसाठ एजार तीन होव एदमी गेणाय जायेल एता।
जबुलूनान सोरा जा पोर रेन तान वोस निकेलना, ता ज्या एता, मतलब सेरेद, जा पोर रेन सेरेदियोन ने वोस चालनो, एने एलोन जा पोर एलोनियोन ने वोस चालनो, एने यहलेल, जा पोर रेन यहलेलियोन ने वोस चालनो। जबुलूनीन वोस ज्याच एता, ता माय रेन साठ एजार पाच होव एदमी गेणाय जायेल एता।
युसूफ ने सोरा जा पोर रेन तान वोस निकेलना ता मनश्शे एने एप्रेम एता।
मनश्शेन सोरा ज्या एता, मतलब माकीर, जा पोर रेन माकीरियोन ने वोस चालनो, एने माकीर पोर रेन गिलाद पायदा ईनो, गिलाद पोर रेन गिलादियोन ने वोस चालनो। गिलादान सोरा ज्या एता, मतलब ईआजर, जा पोर रेन ईआजरियोन ने वोस चालनो एने हेलेक, जा पोर रेन हेलेकियोन ने वोस चालनो। एने अस्रीएल, जा पोर रेन अस्रीएलियोन ने वोस चालनो, एने शकेम, जा पोर रेन शेकेमियोन ने वोस चालनो। एने शमीदा, जा पोर रेन शमीदियोन ने वोस चालनो एने हेपेर, जा पोर रेन हपेरियोन ने वोस चालनो। एने हेपेरान बिटोख सलोफादान बेटहेख नाह, पुण बेट्युख एन्यु, ज्यु बेट्युख ने नाव महला, नोवा, होग्ला, मिल्का, एने तिर्सा हे। मनश्शेन वोस ते ज्याच एता; एने न्या माय रेन जा गेणाय जायेल ता बावन एजार सात होव एदमी एता।
एप्रेम ने बिटोख जा पोर रेन तान वोस निकेलना, ता ज्या एता, मतलब शुतेलह, जा पोर रेन शुतेलहियोन ने वोस चालनो, एने बेकेर, जा पोर रेन बेकेरियोन ने वोस चालनो, एने तहन जा पोर रेन तहनियोन ने वोस चालनो। एने शुतेलहान ज्यो बिटोख ईनो; मतलब एरान, जा पोर रेन एरानियोन वोस चालनो। एप्रेमान वोस ज्याच एता, ता माय रेन बत्तीस एजार पाच होव एदमी
गेणाय जायेल तान वोसीन गेत युसूफान वोसीन माणहे ज्याच एता।
बिन्यामीनान सोरा जा पोर रेन तान वोस निकेलना, ता ज्या एता, बेला जा पोर रेन बेलियोन ने वोस चालनो, एने अशबेल, जा पोर रेन अशबेलियोन ने वोस चालनो, एने अहीराम, जा पोर रेन अहीरामियोन ने वोस चालनो। एने शपुपाम, जा पोर रेन शपुपामियोन ने वोस चालनो, एने हुपाम, जा पोर रेन हुपामियोन ने वोस चालनो। एने बेलान बिटोख अर्द एने नामान एता; एने अर्द पोर रेन अर्दियोन ने वोस निकेलनो, एने नामान पोर रेन नामानियो ने वोस चालनो। तान वोसीन गेत बिन्यामीनी ज्याच एता; एने न्या माय रेन जा गेणाय जायेल ता पंचेचाड़ीस एजार सोव होव एदमी एता।
दानान बिटोख जा पोर रेन तान वोस निकेलनो ज्य एतो, शुहाम, जा पोर रेन शुहामियोन ने वोस चालनो एने दानान गेराणो ज्योस एतो। एने शुहामियो माय रेन जा गेणाय जायेल तान वोस माय चोवसाठ एजार चार होव एदमी एता।
आशेरान सोरा जा पोर रेन तान वोस निकेलना, ता ज्या एता, यिम्ना, जा पोर रेन यिम्नियोन ने वोस चालनो, यिश्वी, जा पोर रेन यिश्वीन वोस चालनो, एने बरीया, जा पोर रेन बरीयोन ने वोस चालनो। ओवतो बरीयान ज्या सोरा एना; हेबेर, जा पोर रेन हेबेरियोन ने वोस चालनो, एने मल्कीएल, जा पोर रेन मल्कीएलियोन ने वोस चालनो। एने आशेर ने बेटीख ने नाव सेरह एतो। आशेरियो ने वोस ज्यास एता, ता माय रेन त्रेपन एजार चार होव एदमी गेणाय जायेल एता।
नप्तालीन सोरा जा पोर रेन तान वोस निकेलना, ता ज्या एता, यहसेल, जा पोर रेन यहसेलियोन ने वोस चालनो, एने गुनी, जा पोर रेन गुनियोन ने वोस चालनो। येसेर, जा पोर रेन येसेरियोन ने वोस चालनो, एने शिल्लेम, जा पोर शिल्लेमियोन ने वोस चालनो। तान वोसी पारमाणे नप्तालीन वोस ज्यास एता; एने न्या माय रेन जा गेणाय गीया ता पंचेचाड़ीस एजार चार होव एदमी एता।
आखा इस्राएली माणहाम रेन जा गेणाय जायेल एता, ता ज्याच एता, सोव लाख एक एजार सात होव तीस एदमी एता। 2
ओवतो यहोवा मुसाह केयो, “न्याह, तान गेणती पारमाणे, तो जागो न्यान ईसो एणेन केरता वाटाय जाय। एने जा वोस माय वोदार एती, ताह होवटो ईसो, एने जा माय कोम एती, ताह कोम ईसो आपज्ये, एने एकेक वोसीह तान ईसो तान गेणायेल माणहा पारमाणे आपाय जाय। तीबी जागान वाटो चिट्ठी टाकीन वाटाय जाय, इस्राएलीन डायडायान एक एक गेराणान नाव, जीहे जीहे निकेलना, तिहेस केरीन ता आप आपणो ईसो सापड़ावे। तान जागान ईसो मोटला एने आतल्या वोसीन विची माय चिट्ठी टाकीन वाटाय जाय।”
ओवता लेवी माय रेन जा आपणा वोस पारमाणे गेणाय गीया ता ज्या हेते, गेर्शोनियो माय रेन निकलेल गेर्शोनियोन ने वोस कहात पोर रेन निकलेल कहातीन गेराणो; एने मरारी पोर रेन निकलेल मरारीन वोस। लेवीयोन वोस ज्या हेते, लिब्नियोन ने बिटोख इतो, हेब्रोनियो ने बिटोख इतो, महलियोन ने बिटोख इतो, मुशियोन ने बिटोख इतो, एने कोरहियोन ने वोस। एने कहात रेन अम्राम पायदा ईनो। एने अम्राम ने बायकुन नाव योकेबेद एतो, ती लेवीन वोसीन एती, जी लेवीन वोस माय मिस्र देसा माय पायदा इयेल एती, एने ती अम्राम रेन हारून एने मुसा एने तान बोणीख मरीयम बी एनी। 3एने हारूनाह नादाब, अबीहु, एलीआजार, एने ईतामार पायदा एना। 4नादाब एने अबीहु ती टेम माय मोर जायेल एता, जेवी ता यहोवान सामने अस्वीकार आक्ठान बेट चेड़ायेल एता। आखा लेवी माय रेन जा गेणाय गीया, मतलब जोला बी माणहे एक मोयनान एने ताह रेन वोदार वोयान एता, ता तेवीस एजार एता, ता इस्राएली हेऱ्या ज्यान केरता नाह गेणाना, काहाकाय ताह देसान काल्लो ईसो नाह आपायेल इतो।
मुसा एने एलीआजार चाकऱ्यो जा मोआब ने अराबा माय यरीहोन आहनेवाली यरदन नेदीन टेका पोर इस्राएली माणहाह गेण लेदा, तान गेणायेल माणहे ओलास एता। पुण जा इस्राएली माणहाह मुसा एने हारून चाकर्यो ताह सिनाय ने जेंगला माय गिणेल इतो, ता माय रेन एक बी एदमी ज्यी टेमान गेणायेल माय नाह इतो। 5काहाकाय यहोवा तान बाराम कियेल इतो, “ता खेरीस जेंगला माय मोर जाती।” केरीन यपुन्नेन बिटोख कालेब एने नुन ने बिटोख यहोशुह सोड़ीन, ता माय रेन एक बी एदमी नाह वोचनो।
Source notes (5)
- Cross-reference गिनती 1:1-46
- Cross-reference गिनती 34:13; यहोशु 14:1-2
- Cross-reference नहुम 3:2
- Cross-reference लेव्यवस्था 10:1-2; गिनती 3:4
- Cross-reference गिनती 14:26-35
Nahali Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.