Leidung 96

Kemci ziuyi gade recalo

1Oh, leikeheci ge RAMPAUBE dage tei gailu;

RAMPAUBE dage lei tei gailu, kideu pelane.1

2RAMPAUBE dage lei tei gailu, pezi de peu samlampung kelu teilu;

tingba ramsangne pa kelikelube lie reci beu lu.

3Heleuhdung kakgage RAMPAUBE kendu zierang rangmci gailu,

mimakecangh pe batadung heleuh pelane kakgage.

4RAMPAUBE au di nah pe kedi de twasüt kerabe,

heradung keda pelane reu pecu be hing kerabe.

5Kedanemene heleuhdung pelane rabedung au mamiedung,

dede pa au RAMPAUBE tinggimdung tei kegaibe.

6Hetwa nah kedi au peda bam,

kengkieng nah hezukeyi au pe kemci kiga bam.

7RAMPAUBE de peulo, nnui pautsa namedung,

RAMPAUBE de ketwa peulo, pe kendu nah kengkieng ziemne.

8Kemdu pezi ngaulu kebui RAMPAUBE de peulo.

Makai teugwang eh pe kedi kidung ga lüt lu,

9Kemci suiyi teu RAMPAUBE dwa keumie lu;

Pe dwa gage henah gai lu, kideu pelane.

10Heleuhdung kakgage rang beulu, “RAMPAUBE kedi.”

Kideube de si eh teilu; cide teu mlai gailak.

Pa petaube gade mina tutiak zie.

11Peu tinggimdung de pesui yilu, nah peu kideube de renga lu;

peu jaaidi de mralu nah cika pui kebamdung de suiyi sah lu.

12Peu luhdung de suiyi lu nah cika kebam pelane de.

Iciu eh peu hegung ga tsingbangdung pelane de suiyi sah lu

13RAMPAUBE dwaga, pa gwang kela ziemne.

Pa au kideube tutiak zie lie gwang.

Pa kesangbe gade kideube tutiak zie

nah minadung pe kenlum gade zie.2