Leidung 95

Anui ketwa leidung tei cugo

1Oh gwanglu, anui lei tei RAMPAUBE de peu go;

anui suiyi leitei anui tsura kelikelube de peugo.

2Anui suiyi makai teu pe dwaga nlüt go;

anui reca leidung tei pecu peu go.

3Kedanemene RAMPAUBE au kengkieng Tinggwang lu

nah heradung pelane reu hegwang kengkiengbe.

4Kideu heni kecokdung RAMPAUBE ba ga bam;

lamlwa gu kecehudung pegu.

5Jaaidi au pegu, pane cide tei kegai ziemne,

nah pe ba le hangdeu kecanghdung teigai.

6Oh gwanglu, anui keumie reca go;

anui RAMPAUBE dwaga kwaktung lugo, anuide tei kegaibe:

7Kedanemene pa au anui Tinggwang,

nah pa anui mapie kela pe minadung nah pe ba ga kebam meurün,

Henai, oh, nnui pe kwa kingneilu kera!1

8“Meribah2 ga nnui paumedung nzwa, nnui nlung tak diso,

mede hetaideu ga Massah3 tingba benai nzwa.4

9Cikade nnui paumedung acu kedei

nah acu kedakpie, penui a batadung ngau liede.

10Mmi riakdai ge ziemne Ih cipau ceheu dede a rata di

eh rang, ‘Mina aidungde penui mlungdung gade pak mdei la; penui a lampuidung cilu meda.’

11Cine a rata le Ih sampet teigai

penui madaude a kemtakni de ga nlüt gailak.”5