Leidung 84:11

A rabe au RAMPAUBE ki regui bam

Lei kempwakme muiteube ziemne; Gittith dage kerau tie telei kegai. Korah napeidung gu lei ge.

1Nang lungh kebam ni de dai kenzwa gede yino,

Reugwame reu RAMPAUBE!

2RAMPAUBE kigudung ga Ih bam kera regui lie, a hengim cide ziemne acu tei leu dida.

Ih a keringria nah a nlung pelane teu lei tei ring kela Tinggwang de twa zie.

3Tangkine liede pe ki ngaulu

nah tanghaine pekatei pe ziemne peciep ge mtei lu cika pe na de mbumlu kerane

n recabam taiga, reugwame reu RAMPAUBE,

a gwangpei, nah a Tinggwang.

4N ki ga lungh kebamme au samlam pung lie;

penui ncu twa jüja bam. Selah

5N dade mina pe kengkieng ngaulu kelame daikenzwa gede yi no,

penui Zion deutu ga reca beu neu lala.

6Miakduidung Langkam1 de tetkah gwang, penui dui sak kera duiletdung ngaulu.

Tingrui keraibe ne cide samlam pui beula.

7Penui kengkieng gade kengkieng keda ga miela;

penui pelane Zion2 ga Tinggwang dwaga gwang.

8RAMPAUBE Tinggwang, a kekie kingnei lo;

Jacob Tinggwang, Ih dai rang au bi kingnei lulo! Selah

9Tinggwang, anui gu reunet ma piebeu lo;

nangne keniak kelu hegwangpei de.

10Kedanemene keda ga pecang swade n tutiak kidung ga tingnai ge be yiki.

Ih a Tinggwang kiga kikam kekwabe tei neu,

kesiame paikidung ga lungh kebam swade.

11Kedanemene RAMPAUBE Tinggwang au anuide gum kelabe nah anui geu;

RAMPAUBE ne ngaugia nah kendu peu zie;

keyi tei kelame de pa madaude keyibe peu tadi lama

12Reugwame reu RAMPAUBE,

ncu nlum kelu minabe au samlam pung lie.