Leidung 67

Anui reuga n zu baa gailo

Kenlang leibungkekwame ziemne; peria ketei leibung ge ga. Ketwalei ge, lei ge.

1Tinggwang de peu anuide ngaunggia nah anuide samlam lo

nah pe zu anui da baa pet kera peulo Selah

2ciciu de n zaidung kideube cilu kerane,

n kelikelu heleuhdung pelane kakga.1

3Peu minadung de ncu hetwa peulo, Tinggwang;

peu minadung de ncu hetwa peulo.

4Oh, heleuhdung de peu pe sui yilu nah suiyi ziemne lei teigai,

kedanemene nang kemzuibe teu minadung tutiak zie

nah kideu ga heleuhdung reu kedi teu zie. Selah

5Peu minadung de ncu hetwa peulo, Tinggwang;

peu minadung de ncu hetwa peulo.

6Kideube pe meilüt peuda

nah Tinggwang, anui Tinggwang, anuide samlam beuda.

7Tinggwang anuide samlam beu da,

nah kideube penlidung pelane pecu herüt peu.