Leidung 126

Anui gudung pwa anuide peu dailo, O RAMPAUBO

Kengha kekie lei ge.

1RAMPAUBE ne zion de tei mahei dai kebeudau,

anui au hemang mmi kebammedung nzwa da.

2Pecai anui muidung au kenui le puidi

nah anui mleudung dung lei keteidung le.

Pecai heleuhdung ranggai,

“RAMPAUBE ne penui ziemne ma kedidung teibeu.”

3RAMPAUBE ne anui ziemne ma kedidung teigai;

anui au daikenzwa gede misuiyi no!

4Anuide teimcang dai beulo, RAMPAUBO,

Negev ga reuceuna dungde nzwa.

5Heleuh kegidau hap kecumedung penui suiyi sah eh luhlüt zie.

6Hap eh heleuh punglwe tet kepetme,

penui sui keyi lei tei cailigwang zie, penui luhlüt pung lwe.1