Leidung 125

RAMPAUBE pe minadung de gumbam

Kengha kekie lei ge.

1RAMPAUBE da kenlum kebammedung

au Zion deutuh nzwa da, mlai dilak, kelungta bammui zie.

2Lamlwadung ne Jerusalem de twagwa kebam nzwa,

RAMPAUBE ne pe minadung de

cu nah kelung ta twagwa bam zie.

3Kenlienme gu tuitie dene peu makesangme deu teu kerabe ma.

Mecai makesangme kesia teidi lubui.

4Keyi teilu, RAMPAUBO, keyimedung dage

nah penui lung mzui kelamedung dage.

5Dede nang kenlienme dage ketei dau,

RAMPAUBE lampuidung gi kedime de ngngwa tet dizie.

Peu Israelme da lungciepbe bamlu.1