Hebrewme

Hebrews

Hebrewme dage raukegai laisiu

Mraisam

Hebrewme laisiu raukegaibe de cilu meliede, laisiukwak aide AD 60 kekamle dau ge raugai auzie. Cidau ting Rome ga ngqwa ga mina de teikeherei eh kenang bamsüt di. Laisiu aide Palestine ga mede Rome ga Jew Khristianme de mine teikeherei kecu ziemne penui kenlumde gidi eh Jewme kenlum ga cailigwang dilai eh mteipwa kebamme dage raukegai ge.

Hebrewme laisiu aide Jew Khristianme dage Khristianme kenlum au ma pelane gade Jewme kenlum swa yiki lie ledeu eh raugai. Khrista au Tinggwang dade gwang nah tinggimgwame, Moses, Joshua, cingku keheibe swade yiki, nah pa rünne ratak cangsiak kecube lie raugai. Keraube ne Jisu au kemau ratak kamtube tei eh Jewme kenlum teicang beu lie eh ranglia gai. Pe tsit cai, Samkak Kehegwabe ratakdung kette teisi me de yidi. Perwak kereieket ga raupwala kecu Samkak Kehegwabe ting ga mipei mipui kenlummedung de, mine teikeherei kebam Khristianmedung de keregui kedige peu auzie nah Tinggwang da kenlum bamlu kera nghabeu auzie.

Pelung ga keladung

Khrista-Tinggwang de keulia cangsiak kegaibe (1:1-3)

Khrista-tinggimgwame swa diki (1:4-2:18)

Khrista-Moses penai Joshua swade diki (3:1-4:13)

Khrista-cingkube swa diki (4:14-7:28)

Khrista-samkakkelu nah ratak au diki (8:1-10:18)

Teibam lulo rangkegai (10:19-12:29)

Ledeukegai kekambe (13:1-25)