Tetkempet

Exodus

Tetkempet Laisiukwak

Mraisam

Tetkempet pekie kempet mede kecaili. Laisiukwak aide zi samkak kehegwabe ga Tinggwang pe minadung de kehung miswakegah bata ditube ge, Israelme de hebaang gade lungmpet nah Egypt püt kecu ha gade gwanglu.

Tetkempet laisiukwak de Tinggwang minadung, cu au Israelme lie qu kedime, ha de rau caisui gai. Israelme ha kendeu laisiukwak ga Abraham gade ndeulu.

Moses de nna kelu gade, Tinggwang pecu kemlang ta ge, Israelme de Egypt gade muiteu tei kerane kedetlu. Moses au laisiukwak aide ga kemlangbe nah rau kegaibe da. Pa au pe lamde mnei liede, Tinggwang au pe kengking le pecu tei ngking lu (7:6-11). Tinggwang au Israelme nah Egyptme dage kengkap kerei (7:14-11:10) teu eh pe kengking keuliagai; kengkap kamtube ne peu Israelme de Egypt pütti. Egypt kepüt dwa penui kahkegwang ngyi mneilu (12).

Israelme de tingna hemwa tsia nah tingmui mi tsia ne lampui sau eh Tinggwang ne gumbeu nah saubeu eh penui beuh ndeulu. Moses ne penuide sau eh Kegie Jaaidi (Hekuubang Jaaidi) de kahlu eh mmi ge ziemne Sinai Deutu pi hetaideu ga lunghlu. Aikade Tinggwang penuide kelungh nah kereca zaidung peu eh Israelme de kesamkak ge teilu.

Tinggwang penai Israelme kakga kesamkak kelude Israelme au Tinggwang gu kemci leuh lie eh keriangkeu eh kelung de ndeulu. Tinggwang pe minadung de sam kerei, cingkume, nah paiki ge peu penuide Tinggwang gu mina kesang lie lungh lialu kerane peugai.

Pelung ga keladung

Moses, Tinggwang gu muiteube (1:1-4:31)

Pharaoh de kerenia (5:1-13:19)

Egypt gade Sinai Deutu (13:20-19:20)

Tinggwang samkak nah hezaidung (19:3-24:8)

Kereca ziemne paiki (24:9-40:38)