Munda Bible
ନିହିମିୟା 11
ଯୀରୁଶାଲେମ୍ରେ ଆଗୁଆଇକଆଃ ତାଇନଃ
ହଡ଼କଆଃ ଆଗୁଆଇକ ଯୀରୁଶାଲେମ୍ରେ ତାଇନ୍ୟାନାକ। ଏଟାଃ ବାଗିକାନ୍ ହଡ଼କ ପାବିତାର୍ ନାଗାର୍ ଯୀରୁଶାଲେମ୍ରେ ତାଇନଃ ନାଙ୍ଗ୍ ଗେଲେୟା ଗେଲେୟା ଝାନ୍ ହଡ଼ଏତେ ମିପିହୁଡ଼୍କେ ଏନ୍ ଠାୟାଦ୍ତେ ଆଉ ନାଙ୍ଗ୍ ଚିଠା ଉୟୁଃକେଦ୍ତେ ସାଲାକେଦ୍କଆକ ଓଡ଼ୋଃ ଏଟାଃ ଅରେୟା ଝାନ୍ ହଡ଼କକେ ଏଟାଃ ନାଗାର୍ରେ ତାଇନଃ ନାଙ୍ଗ୍ ଦହକେଦ୍କଆକ। ଏନ୍ତେ ଅକନ୍କ ଆପ୍ନାଃ ଇଛାସାନାଙ୍ଗ୍ତେ ଯୀରୁଶାଲେମ୍ରେ ତାଇନଃ ନାଙ୍ଗ୍ ହିଜୁଃୟାନାକ, ଇନ୍କୁକେ ହଡ଼କ ଧାନ୍ୟାବାଦ୍ ଏମାଦ୍କଆକ।
ନେ ଆଗୁଆଇକ ଯୀରୁଶାଲେମ୍ରେ ତାଇନ୍ୟାନାକ, ମେନ୍ଦ ଯିହୁଦାରେନ୍ ଇସ୍ରାଏଲ୍ ହଡ଼କ, ଯାଜାକ୍, ଲେବୀକ, ବିନ୍ତିଅଡ଼ାଃ ସୁନୁସାର୍କ, ଓଡ଼ୋଃ ସୁଲିମାନ୍ରାଃ ଦାସିକଆଃ ହନ୍କ ଆପ୍ନାଃ ଆପ୍ନାଃ ଆକ୍ତେୟାର୍ ନାଗାର୍ରେ ତାଇନ୍ୟାନାକ।
ଯିହୁଦାରେନ୍ କିଲିକ
ଓଡ଼ୋଃ ଯିହୁଦାରାଃ କିଲିଏତେ ଓଡ଼ୋଃ ବେଞ୍ଜାମିନ୍ଆଃ କିଲିଏତେ ଚିମିନ୍ ହଡ଼କ ଯୀରୁଶାଲେମ୍ରେ ତାଇନ୍ୟାନାକ। ଯିହୁଦାରାଃ କିଲିଏତେ ଉଷୀୟରାଃ ହନ୍ ଅଥାୟ, ଜିଖରିୟରାଃ ହନ୍ ଉଷୀୟ, ଅମରିୟରାଃ ହନ୍ ଜିଖରିୟ, ଶେଫାତିୟରାଃ ହନ୍ ଅମରିୟ, ମହଲଲେଲ୍ରାଃ ହନ୍ ଶେଫାତିୟ, ପେରସ୍ କିଲିଏତେ ମହଲଲେଲ୍ ମିହୁଡ଼୍ ତାଇକେନା।
ଓଡ଼ୋଃ ବାରୁକ୍ରାଃ ହନ୍ ମାସେୟ, ବାରୁକ୍ କଲ୍ହୋଷିରାଃ ହନ୍, କଲ୍ହୋଷି ହସାୟରାଃ ହନ୍, ହସାୟ ଅଦାୟାରାଃ ହନ୍, ଅଦାୟା ଯୋୟାରିବ୍ରାଃ ହନ୍, ଯୋୟାରିବ୍ ଜିଖରିୟରାଃ ହନ୍, ଜିଖରିୟ ଶୀଲୋନିରାଃ ହନ୍।
ପେରସ୍ରାଃ କିଲିଏତେ ଅକନ୍କ ଯୀରୁଶାଲେମ୍ରେ ତାଇକେନାକ ଇନ୍କୁ ୪୬୮ ଝାନ୍ ପାଲ୍ଟାନ୍କ ତାଇକେନା।
ବେଞ୍ଜାମିନ୍ଆଃ କିଲିକ
ବେଞ୍ଜାମିନ୍ଆଃ କିଲିକ ହବାଅଃତାନା, ମଶୁଲ୍ଲମ୍ରାଃ ହନ୍ ସଲ୍ଲୁ, ଏନ୍ ମଶୁଲ୍ଲମ୍ ଯୋୟେଦ୍ରାଃ ହନ୍, ଯୋୟେଦ୍ ପଦାୟରାଃ ହନ୍, ପଦାୟ କୋଲାୟାରାଃ ହନ୍, କୋଲାୟା ମାସେୟରାଃ ହନ୍, ମାସେୟ ଇଥୀୟେଲ୍ରାଃ ହନ୍, ଇଥୀୟେଲ୍ ଯିଶାୟାହରାଃ ହନ୍।
ଏନ୍ତେ ଇନ୍କୁକେ ବାଗିକେଦ୍ତେ ଗବ୍ବୟ ଓଡ଼ୋଃ ସଲ୍ଲୟଏତେ ୯୨୮ ଝାନ୍ ହଡ଼କ ତାଇକେନା। ଓଡ଼ୋଃ ସିଖ୍ରୀରାଃ ହନ୍ ଯୋୟେଲ୍, ଇନିଃ ଇନ୍କୁଆଃ ମୁଖିଆ ତାଇକେନାଏ, ଓଡ଼ୋଃ ହସନୟାରାଃ ହନ୍ ଯିହୁଦା, ଇନିଃ ନାଗାର୍ରେନ୍ ଏଟାଃ ମୁଖିଆ ତାଇକେନାଏ।
ଯାଜାକ୍କଆଃ କିଲିକ
ଯାଜାକ୍କଆଃ ଥାଲାଏତେ, ଜେ'ଲେକା, ଯୋୟାରିବରାଃ ହନ୍ ଯିଦୟୀୟ, ଯାଖୀନ୍,
ହିଲ୍କିୟରାଃ ହନ୍ ସରାୟ, ଏନ୍ ହିଲ୍କିୟ ମଶୁଲ୍ଲମ୍ରାଃ ହନ୍, ମଶୁଲ୍ଲମ୍ ସାଦୋକ୍ରାଃ ହନ୍, ସାଦୋକ୍ ମରାୟୋତ୍ରାଃ ହନ୍, ମରାୟୋତ୍ ଅହିଟୁବ୍ରାଃ ହନ୍, ଅହିଟୁବ୍ ପାର୍ମେଶ୍ୱାର୍ଆଃ ଅଡ଼ାଃରାଃ ମାରାଙ୍ଗ୍ ଆଗୁଆଇ ତାଇକେନାଏ। ଇନ୍କୁଆଃ ହାଗାକ ୮୨୨ ଝାନ୍ ତାଇକେନାକ, ଅକନ୍କଚି ଏନ୍ ଅଡ଼ାଃରେ କାମି ତାଇକେନାକ, ଓଡ଼ୋଃ ଯିରୋହମ୍ରାଃ ହନ୍ ଅଦାୟା, ଏନ୍ ଯିରୋହମ୍ ପଲଲୀୟରାଃ ହନ୍, ପଲଲୀୟ ଅମ୍ସିରାଃ ହନ୍, ଅମ୍ସି ଜିଖରିୟରାଃ ହନ୍, ଜିଖରିୟ ପଶ୍ହୁର୍ରାଃ ହନ୍, ପଶ୍ହୁର୍ ମଲ୍କିୟରାଃ ହନ୍, ଓଡ଼ୋଃ ଅଦାୟାରାଃ ହାଗାକ ୨୪୨ ଝାନ୍ ତାଇକେନାକ, ଇନ୍କୁ ସବେନ୍କ ଆକଆଃ ଆକଆଃ ଆପୁକଆଃ ମୁଖିଆକ ତାଇକେନା। ଅସ୍ରେଲ୍ରାଃ ହନ୍ ଅମ୍ଶୟ, ଏନ୍ ଅସ୍ରେଲ୍ ଅହସୟରାଃ ହନ୍, ଅହସୟ ମଶିଲ୍ଲେମୋତ୍ରାଃ ହନ୍, ମଶିଲ୍ଲେମୋତ୍ ଇମ୍ମେର୍ରାଃ ହନ୍, ଓଡ଼ୋଃ ଇନ୍କୁଆଃ ହାଗାକ ୧୨୮ ଝାନ୍ ପୁରାଃ ପେଡ଼େୟାନ୍ ହଡ଼କ ତାଇକେନା ଓଡ଼ୋଃ ହଗ୍ଦୋଲୀମ୍ରାଃ ହନ୍ ସବ୍ଦୀୟେଲ୍, ଇନ୍କୁଆଃ ମୁଖିଆ ତାଇକେନାଏ।
ଲେବୀୟକଆଃ କିଲିକ
ଲେବୀୟକଆଃ କିଲିକଆଃଏତେ, ହଶୁବ୍ରାଃ ହନ୍ ଶମୟିୟ, ଏନ୍ ହଶୁବ୍ ଅସ୍ରୀକାମ୍ରାଃ ହନ୍, ଅସ୍ରୀକାମ୍ ହଶ୍ବିୟରାଃ ହନ୍, ହଶ୍ବିୟ ବୁନ୍ନିରାଃ ହନ୍ ତାନିଃ।
ଲେବୀକଆଃ ମୁଖିଆକଏତେ ଶବ୍ବ୍ଥୟ ଓଡ଼ୋଃ ଯୋଷାବଦ୍ ପାର୍ମେଶ୍ୱାର୍ଆଃ ଅଡ଼ାଃରାଃ ବାହାରି କାମିରାଃ ଆଗୁଆଇ ତାଇକେନାକିନ୍।
ଆସଫ୍ କିଲିରେନ୍ ସବ୍ଦିରାଃ ଜାଇହନ୍, ଅକ୍ନିଃଚି ମୀକାରାଃ ହନ୍ ମତ୍ତନିୟ ବିନ୍ତିରେ ଧାନ୍ୟାବାଦ୍ରାଃ ଦୁରାଙ୍ଗ୍ରେ ଆଗୁଆଇ ରିକାନିଃ ତାଇକେନାଏ ଓଡ଼ୋଃ ବକ୍ବୁକୀୟ ଆୟାଃ ଦେଙ୍ଗାନିଃ ତାଇକେନାଏ, ଯିଦୁଥୁନ୍ କିଲିରେନ୍ ଶମ୍ମୁୟରାଃ ହନ୍ ଅବ୍ଦ, ଗାଲଲ୍ରାଃ ଜାଇହନ୍ ତାନିଃ।
ପାବିତାର୍ ନାଗାର୍ ଯୀରୁଶାଲେମ୍ରେ ତାଇନ୍ତାନ୍ ଲେବୀକ ୨୮୪ ଝାନ୍ ତାଇକେନାକ।
ଦୁହାର୍ ହର କିଲିକ
ଆକ୍କୁବ୍ ଓଡ଼ୋଃ ଟଲ୍ମୋନ୍ ନୁତୁମ୍ ବାର୍ହଡ଼୍ ଦୁହାର୍ ହରକିନ୍ ଓଡ଼ୋଃ ଇନ୍କିନାଃଲଃ ହରତାନ୍ ହାଗାକ ମେସାକେଦ୍ତେ ୧୭୨ ଝାନ୍ ନାଗାର୍ ବାହାରିରେ ହର ତାଇକେନାକ।
ବାକି ସାରେଜାକାନ୍ ଇସ୍ରାଏଲ୍ରେନ୍ ହଡ଼କ, ଯାଜାକ୍ ଓଡ଼ୋଃ ଲେବୀ ହଡ଼କ ଯିହୁଦାରାଃ ସବେନ୍ ନାଗାର୍ରେ ଆପ୍ନାଃ ଆପ୍ନାଃ ଆପୁକଆଃ ଠାୟାଦ୍କେ ଆକ୍ତେୟାର୍କେଦ୍ତେ ତାଇନ୍ୟାନାକ।
ବିନ୍ତିଅଡ଼ାଃରେ ସୁସାର୍ତାନ୍ ହଡ଼କ ଓଫେଲ୍ରେ ତାଇନ୍ୟାନାକ, ଜିହା ଓଡ଼ୋଃ ଗିଷ୍ପ ଇନ୍କୁଆଃ ଆଗୁଆଇ ତାଇକେନାକିନ୍।
ଆସଫ୍ କିଲିରେନ୍ ଦୁରାଙ୍ଗ୍ତାନ୍ ହଡ଼କଏତେ ଉଷି ଯୀରୁଶାଲେମ୍ରେନ୍ ଲେବୀକଆଃ ଆଗୁଆଇ ତାଇକେନାଏ। ଓଡ଼ୋଃ ପାର୍ମେଶ୍ୱାର୍ଆଃ ଅଡ଼ାଃରାଃ ସୁନୁସାର୍ ରିକାନିଃ ତାଇକେନାଏ। ଏନ୍ ଉଷି ବାନିରାଃ ହନ୍, ବାନି ହଶ୍ବିୟରାଃ ହନ୍, ହଶ୍ବିୟ ମତ୍ତନିୟରାଃ ହନ୍, ମତ୍ତନିୟ ମୀକାରାଃ ହନ୍ ତାଇକେନାଏ। ରାଜାରାଃ ଆନାଚୁ ଲେକାତେ ସବେନ୍ ହୁଲାଙ୍ଗ୍ ଦୁରାଙ୍ଗ୍ୟେଁ ନାଙ୍ଗ୍ ଏନ୍ ଦୁରାଙ୍ଗ୍ ହଡ଼କକେ କାଜିୟାନା।
ଯିହୁଦାରାଃ ହନ୍ତେକଡ଼ା ସେରହ କିଲିରେନ୍ ମଶେଷ୍ବେଲ୍ରାଃ ହନ୍ ପେଥାହିୟ, ହଡ଼କଆଃ ସବେନ୍ କାମି ବିଷାଏରେ ରାଜାରାଃ ଉଦୁବ୍ନିଃ ତାଇକେନା।
ଏଟାଃ ସାହାର୍ ଓଡ଼ୋଃ ନାଗାର୍ରେନ୍ ହଡ଼କ
ଯିହୁଦାରେନ୍ ହଡ଼କଏତେ ଚିମିନ୍ ହଡ଼କ ସାହାର୍ ହେପାଦ୍ରେ ଆକଆଃ ଆପ୍ନାଃ ଲୟଙ୍ଗ୍ ତାଇନଃ ହାତୁକରେ ତାଇନଃ ତାଇକେନାକ। ଇନ୍କୁ କିରିୟଥ୍ଅର୍ବ ସାହାର୍ ଓଡ଼ୋଃ ଏନାରାଃ ହେପାଦ୍ ହାତୁକରେ, ଦୀବୋନ୍ ସାହାର୍ ଓଡ଼ୋଃ ଏନାରାଃ ହେପାଦ୍ ହାତୁକରେ, ଯିକବ୍ସେଲ୍ ଓଡ଼ୋଃ ଏନାରାଃ ହେପାଦ୍ ହାତୁକରେ, ଓଡ଼ୋଃ ଯେଶୁୟରେ, ମୋଲାଦାରେ, ବୈଥ୍ପେଲଟ୍ରେ, ଓଡ଼ୋଃ ହତ୍ସର୍-ଶୁୟାଲ୍ରେ, ବେର୍ଶେବା ଓଡ଼ୋଃ ଏନାରାଃ ହାତୁରେ, ଓଡ଼ୋଃ ସିକ୍ଲଗ୍ରେ, ମକୋନା ଓଡ଼ୋଃ ଏନାରାଃ ହାତୁରେ, ଓଡ଼ୋଃ ଐନ୍ରିମ୍ମୋଣ୍ରେ, ସରାୟରେ, ଯର୍ମୁତ୍ରେ ସାନୋହ, ଅଦୁଲ୍ଲମ୍ ଓଡ଼ୋଃ ଏନାରାଃ ହାତୁରେ, ଲାଖିଶ୍ ଓଡ଼ୋଃ ଏନାରାଃ ଲୟଙ୍ଗ୍ରେ, ଅସେକା ଓଡ଼ୋଃ ଏନାରାଃ ସାହାର୍ରେ ତାଇନ୍ୟାନାକ। ନେ'ଲେକା ଇନ୍କୁ ବେର୍ଶେବାଏତେ ହିନ୍ନୋମ୍ ପିଡ଼ି ଜାକେଦ୍ ତାଇନଃ ନାଙ୍ଗ୍ କୁମ୍ବା ବାଇକେଦାକ।
ବେଞ୍ଜାମିନ୍ କିଲିରେନ୍ ହଡ଼କ ହଗି ଗେବାଏତେ ଆୟାର୍, ମିକ୍ମସ୍, ଅୟା, ବେଥେଲ୍ ଓଡ଼ୋଃ ଏନ୍ ହେପାଦ୍ରାଃ ହାତୁରେ ଅନାଥୋତ୍, ନୋବ ଓଡ଼ୋଃ ଅନନୀୟାରେ, ହାତ୍ସୋର୍, ରାମା, ଗିତ୍ତୟିମ୍, ହାଦିଦ୍, ସବୋୟିମ୍, ନବ୍ଲ୍ଲାଟ୍, ଲୋଦ୍, ଓନୋ ଓଡ଼ୋଃ ଖଦାକେଦ୍ତେ ବାବାଇ ହଡ଼କଆଃ ପିଡ଼ିରେ ତାଇନ୍ୟାନାକ। ଓଡ଼ୋଃ ଯିହୁଦାରେ ତାଇନ୍ତାନ୍ ଚିମିନ୍ ଲେବୀ ହଡ଼କଆଃ ଝୁଣ୍ଡ୍ ବେଞ୍ଜାମିନ୍ ହଡ଼କଆଃ ପାର୍ଗାନ୍ରେ ତାଇନ୍ୟାନାକ।
Munda Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.