Mariko

Mburi Kulho sakigi igondiwe ni

Mariko

Chikaeye

Mburi Kulho igondiwe ni Mariko niwe ya vitabu vihai viaha he Iaghano ikua liyoiya mizokhoire yakwe Yesu Kiristo. Kira kitabu kiwe chisewe Injili nikuba, “Mburi Kulho.” Ka vitabu vyeegondiwe ni Matayo ne Mariko ne Luka ne Yohana ata Yesu areakhwa agaa. Ya kitabu chakwe Mariko ni kigitutu heka vitabu vihali vihai. Vahe vedarisha ite ya kitabu nicho chilholhoshie kugondwa kuro vihali. Cheegondiwe he miko sitini sari sitini na koi Yesu areakhwa aahoika. Vasomi vakumure veilie ite chigondiwe are Rumi kalo kuvabutu swaho hu vahe vemdarisha Kiristo veaha are Rumi.

Mariko naho eilike se Yohana Mariko, eekuliahana ne Paulo ne Barnaba, mira ukulho kuu teuakhoikane ite uraye areakugu he bari kini ya bosi ya yakubirikira Mburi Kulho,naho Mariko ekaso hawe ne Barnaba sacho chigondiwe he Miboire 15:37-39. Naho Mariko eelo usaho wa sina ne Petro, 1 Petro 5:13. Heya kita Mariko etayoisha he mburi ya kukhwa mhina wakwe Yesu na mahinyo yakwe Yesu eaija mburi ya madamo ya mkhito.

Yeata za

He Marko 1:1-13 etayoiya Kitabu kuu ite chikhwaemo

Naho he Mariko 1:14-8:21, etayoya nyamalo jakwe Yesu eaha he idi la Galilaya

Niho he Mariko 8:22-10:52, etayoya bari yakwe Yesu kuso Yerusalemu Galilaya 1:14-8:21

He Mariko 11:1-16:8 Marko ekafiriti kwakugonda miaze yakwe Yesu eeaha are Yerusalemu, kigame hawe na kuka kuli he kigame.