ጌኤዦ ማፃኣፖ
ዓይኑሞ ማፃኣፖ 130
ፂዮኔ ኬዞ ዓይኑሞ
ፆኦሲ ማኣዳንዳጉዲ ሺኢቂንቴ ሺኢጲሢ
ናንጊና ናንጋ ጎዳሢዮ! ዼኤፒ ዖዪሢዳ ዓኣዖ
ኔ ታና ማኣዳንዳጉዲ ኔ ባንሢ ታ ዒላታኔ።
ጎዳሢዮ! ታ ሺኢቃ ሺኢጲፆ ዋይዜ፤
ኔ ዋያ ታኣኮ ዒላቶ ዋይዛያ ማዖም።
ኔኤኒ ኑኡኮ ጎሞ ኮጲሳያ ማዔቴ
ዖኦኒ ፒዜ ማዒ ሜቶ ዔኩዋ ዓታንዳይ?
ጋዓንቴ ኔና ኑ ቦንቻንዳጉዲ
ኑኡኮ ጎሞ ኔኤኒ ዓቶም ጋዓኔ።
ታኣኒ ናንጊና ናንጋ ጎዳ ጶቂሢ ካፓኔ፤
ታ ሼምፓሢያ ዒዛ ጊቢ ካፓኔ፤
ዒዛኮ ቃኣሎዋ ታ ጉሙርቃኔ።
ዛቤ ካፓ ዓሲ ሳዓ ካራንዳጉዲ ኮዓያይዳፓ ባሼ
ታኣኒ ናንጊና ናንጋ ጎዳ ጶቂሢ ካፓኔ።
ዒስራዔኤሌ! ዒዛኮ ናሹማ ናንጊና ናንጋያ ማዔሢሮ
ዓሲ ዓውሳኒያ ዎልቄ ዓኣያ ማዔሢሮ
ናንጊና ናንጋ ጎዳይዳ ሃጋ ዎዛ ጌሢ ጉሙርቄ።
ናንጊና ናንጋ ጎዳ ፔኤኮ ዴሮ ዒስራዔኤሌ
ዔያቶኮ ጎሞ ቢያይዳፓ ዓውሳያኬ። 1
Source notes (1)
- Cross-reference ማቲ. 1፡21፤ ቲቶ 2፡14።
ጌኤዦ ማፃኣፖ. Copyright © 2008 The Word for the World International and The Bible Society of Ethiopia. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.