Sabo 43

1Meo to, ry Andrianañahare,

mañalañalaña ho ahy

amy fifeheañe tsy aman-Kàkey;

hahao am’ondaty mamañahy

naho mengokeo.

2Ihe ro Andrianañaharen-kaozarako;

Ino ty nifaria’o ahiko?

Ino ty ibokobokoako am-pigoboñañe ao

ie forekeken-drafelahy?

3Ahitrifo ty hazavà’o naho ty hatò’o,

hiaolo, hanese ahy mb’amy

vohi’o miavakey mb’eo,

vaho mb’an-kivoho’o mb’eo.

4Le homb’an-­kitrelin’ Añahare mb’eo,

mb’aman’Añahare

mampinembanembañ’ ahy,

vaho ho saboeko ami’ty marovany,

t’i Abo-Tia, Andrianañahareko.

5Ino ty ­mahalonjetse azo ty fiaiko tia?

inoñe ty angoihoia’o amako ao?

Mitamà an’Andriaenañahare;

fa mbe handriañeko,

i fandrombaham-piatrefako

naho Andrianañaharekoy.