Biblica® Open Lao Contemporary Version
ໂຢຊວຍ 19
ດິນແດນຂອງເຜົ່າຊີເມໂອນ
(1ຂຄ 4:28-33)
ຈັບສະຫລາກຄັ້ງທີສອງໄດ້ແກ່ເຜົ່າຊີເມໂອນ ຕາມແຕ່ລະຕະກຸນ. ກຳມະສິດຂອງພວກເຂົາຢູ່ໃນເຂດແດນຂອງຢູດາ. ລວມທັງເມືອງຕ່າງໆ ມີດັ່ງນີ້:
ເບເອນເຊບາ (ຫລື ເຊບາ),1 ໂມລາດາ, ຮາສາຊູອານ, ບາລາ, ເອເສມ, ເອນໂຕລັດ, ເບັດອູນ, ໂຮມາ, ຊິກລັກ, ເບັດມັກກາໂບດ, ຮາສາຊູຊາ, ເບັດເລບາໂອດ ແລະ ຊາຣູເຮນ ລວມມີ 13 ເມືອງ ແລະ ໝູ່ບ້ານຕ່າງໆຂອງເມືອງເຫລົ່ານັ້ນ.
ອາອິນ, ຣິມໂມນ, ເອເທ ແລະ ອາຊານ ເຊິ່ງລວມມີ 4 ເມືອງ ແລະ ໝູ່ບ້ານຕ່າງໆຂອງເມືອງເຫລົ່ານັ້ນ ແລະ ໝູ່ບ້ານຕ່າງໆທີ່ຢູ່ ອ້ອມເມືອງເຫລົ່ານັ້ນ ໄປໄກຈົນເຖິງບາອາລາດເບອາ (ຣາມາໃນເນເກັບ).
ນີ້ຄືກຳມະສິດຂອງເຜົ່າຊີເມໂອນຕາມແຕ່ລະຕະກຸນ.
ກຳມະສິດຂອງເຜົ່າຊີເມໂອນມາຈາກສ່ວນທີ່ແຕ່ກ່ອນມອບໃຫ້ຢູດາ, ເພາະສ່ວນທີ່ຢູດາໄດ້ຮັບນັ້ນມີຫລາຍເກີນກວ່າທີ່ພວກເຂົາຕ້ອງການ. ດັ່ງນັ້ນ ຊີເມໂອນຈຶ່ງໄດ້ຮັບກຳມະສິດໃນເຂດແດນຂອງຢູດາ.
ດິນແດນຂອງເຜົ່າຊາບູໂລນ
ຈັບສະຫລາກຄັ້ງທີສາມແມ່ນໄດ້ແກ່ເຜົ່າເຊບູໂລນ ຕາມແຕ່ລະຕະກຸນ:
ດິນແດນທີ່ເປັນມໍລະດົກຂອງພວກເຂົາແມ່ນໄປໄກເຖິງຊາຣິດ. ມາທາງທິດຕາເວັນຕົກ ຈົນເຖິງມາຣາລາ, ເຊິ່ງຕິດກັບດັບເບເຊັດ ແລະ ຂະຫຍາຍຈົນໄປເຖິງຫ້ວຍນ້ຳທີ່ຢູ່ໃກ້ກັບໂຢກເນອາມ. ໄປທາງທິດຕາເວັນອອກ ຈາກຊາຣິດໄປທາງຕາເວັນຂຶ້ນ ໄປຫາເຂດແດນກີຊະໂລດຕາໂບເຣ ແລະ ໄປຈົນເຖິງດາເບຣັດ ແລະ ຂຶ້ນໄປຢາເຟຍ. ຫລັງຈາກນັ້ນ ຊາຍແດນຍັງກາຍໄປທາງທິດຕາເວັນອອກ ຈົນເຖິງກາດເຮເຟ ແລະ ເອັດກະສິນ. ຊາຍແດນໄດ້ອອກມາທີ່ຣິມໂມນ ແລະ ລ້ຽວໄປສູ່ເນອາ. ຈາກທີ່ນັ້ນ ຊາຍແດນກໍໄດ້ອ້ອມຂຶ້ນໄປທາງທິດເໜືອ ໄປຫາຮັນນາໂທນ ແລະ ສິ້ນສຸດລົງທີ່ຮ່ອມພູອິບທາເອນ.
ເຂດແດນໄດ້ກວມເອົາເມືອງກັດຕາດ, ນາຮາລັນ, ຊິມໂຣນ, ອິດາລາ ແລະ ເບັດເລເຮັມ ເຊິ່ງລວມມີ 12 ເມືອງ ແລະ ໝູ່ບ້ານຕ່າງໆຂອງເມືອງເຫລົ່ານັ້ນ.
ເມືອງຕ່າງໆ ແລະ ໝູ່ບ້ານຂອງເມືອງເຫລົ່ານີ້ ເປັນກຳມະສິດຂອງເຜົ່າເຊບູໂລນ ຕາມແຕ່ລະຕະກຸນ.
ດິນແດນຂອງເຜົ່າອິຊາຄາ
ຈັບສະຫລາກຄັ້ງທີສີ່ແມ່ນໄດ້ແກ່ອິດຊາຄາ ຕາມແຕ່ລະຕະກຸນ. ດິນແດນຂອງພວກເຂົາໄດ້ກວມເອົາເມືອງຕ່າງໆດັ່ງນີ້:
ເມືອງຢິດຊະເຣນ, ເກຊຸນໂລດ, ຊູເນມ, ຮາຟາຣາອິມ, ຊີໂອນ, ອານາຮາຣັດ, ຣັບບິດ, ກີຊີໂອນ, ເອເບເສ, ເຣເມັດ, ເອັນກັນນິມ, ເອັນຮັດດາ ແລະ ເບັດປະສະເສັດ.
ຊາຍແດນໄດ້ໄປຮອດທາໂບ, ຊາຮາສູມາ ແລະ ເບັດເຊເມດ ແລ້ວສິ້ນສຸດລົງທີ່ແມ່ນ້ຳຈໍແດນ.
ລວມທັງໝົດມີ 16 ເມືອງ ແລະ ໝູ່ບ້ານຕ່າງໆຂອງເມືອງເຫລົ່ານັ້ນ.
ເມືອງຕ່າງໆ ແລະ ໝູ່ບ້ານຂອງເມືອງເຫລົ່ານີ້ ເປັນກຳມະສິດຂອງເຜົ່າອິດຊາຄາ ຕາມແຕ່ລະຕະກຸນ.
ດິນແດນຂອງເຜົ່າອາເຊ
ຈັບສະຫລາກຄັ້ງທີຫ້າແມ່ນໄດ້ແກ່ເຜົ່າອາເຊ ຕາມແຕ່ລະຕະກຸນ. ດິນແດນຂອງພວກເຂົາໄດ້ກວມເອົາເມືອງຕ່າງໆດັ່ງນີ້:
ເຮນກາດ, ຮາລີ, ເບເຕນ, ອັກຊັບ, ອັນລຳເມເຫລັກ, ອາມາດ ແລະ ມີຊັນ, ຊາຍແດນທາງທິດຕາເວັນຕົກແມ່ນຕິດກັບກາເມນ ແລະ ຊີໂຮເຣເລລິບນາດ. ຊາຍແດນໄດ້ອ້ອມໄປທາງທິດຕາເວັນອອກ ໄປສູ່ເບັດດາໂກນ, ຕິດກັບເຊບູໂລນ ແລະ ຮ່ອມພູອິບທາເອນ ແລະ ໄປທາງທິດເໜືອຈົນເຖິງເບັດເອເມກ ແລະ ເນອີເອນ, ຜ່ານກາບູນດ້ານຊ້າຍ. ຈົນເຖິງອັບໂດນ,2 ເຣໂຮບ, ຮາມໂມນ ແລະ ກະນາ, ໄປໄກຈົນເຖິງຊີໂດນໃຫຍ່. ຫລັງຈາກນັ້ນ ຊາຍແດນກໍກັບຄືນໄປຍັງຣາມາ ແລະ ໄປຫາເມືອງທີ່ມີປ້ອມປ້ອງກັນຂອງຕີເຣ, ລ້ຽວໄປທາງໂຮຊາ ແລະ ມາອອກທະເລເມດີແຕຣາເນໃນເຂດອັກຊິບ. ອູມມາ, ອາເຟັກ ແລະ ເຣໂຮບ.
ລວມທັງໝົດມີ 22 ເມືອງ ແລະ ໝູ່ບ້ານຕ່າງໆຂອງເມືອງເຫລົ່ານັ້ນ.
ເມືອງຕ່າງໆ ແລະ ໝູ່ບ້ານຂອງເມືອງເຫລົ່ານີ້ ເປັນກຳມະສິດຂອງເຜົ່າອາເຊ ຕາມແຕ່ລະຕະກຸນ.
ດິນແດນຂອງເຜົ່າເນັບທາລີ
ຈັບສະຫລາກຄັ້ງທີຫົກແມ່ນໄດ້ແກ່ເຜົ່າເນັບທາລີ ຕາມແຕ່ລະຕະກຸນ.
ຊາຍແດນຂອງພວກເຂົາແມ່ນເລີ່ມຈາກເຮເຫລັບ ແລະ ຕົ້ນໄມ້ໃຫຍ່ໃນສາອານາມນິມ, ຜ່ານອາດາມີເນເກັບ ແລະ ຢັບນີເອນ ໄປຈົນເຖິງລັກກຸມ ແລະ ສິ້ນສຸດຢູ່ທີ່ແມ່ນ້ຳຈໍແດນ. ຊາຍແດນໄດ້ໄປທາງທິດຕາເວັນຕົກ ຜ່ານອາສະໂນດຕາໂບເຣ ແລະ ມາອອກທີ່ຮຸກກອກ. ຊາຍແດນທາງທິດໃຕ້ແມ່ນຈຸກັບເຊບູໂລນ, ທາງທິດຕາເວັນຕົກແມ່ນຈຸກັບອາເຊ ແລະ ທາງທິດຕາເວັນອອກແມ່ນຈຸກັບແມ່ນ້ຳຈໍແດນ.3
ເມືອງທີ່ມີປ້ອມປ້ອງກັນຕ່າງໆນັ້ນມີດັ່ງນີ້: ຊິດດິມ, ເສເຣ, ຮາມມັດ, ຣັກກັດ, ກິນເນເຣດ, ອາດາມາ, ຣາມາ, ຮາໂຊ, ເກເດັດ, ເອັດເຣອີ, ເອນຮາໂຊ, ຢີໂຣນ, ມິກດາເອນ, ໂຮເຣັມ, ເບັດອານາດ ແລະ ເບັດເຊເມດ.
ລວມທັງໝົດມີ 19 ເມືອງ ແລະ ໝູ່ບ້ານຕ່າງໆຂອງເມືອງເຫລົ່ານັ້ນ.
ເມືອງຕ່າງໆ ແລະ ໝູ່ບ້ານຕ່າງໆຂອງເມືອງເຫລົ່ານີ້ ເປັນກຳມະສິດຂອງເຜົ່າເນັບທາລີ ຕາມແຕ່ລະຕະກຸນ.
ດິນແດນຂອງເຜົ່າດານ
ຈັບສະຫລາກຄັ້ງທີເຈັດແມ່ນໄດ້ແກ່ເຜົ່າດານ ຕາມແຕ່ລະຕະກຸນ. ດິນແດນໃນກຳມະສິດຂອງພວກເຂົາໄດ້ກວມເອົາເມືອງຕ່າງໆ ດັ່ງນີ້:
ເມືອງໂຊຣາ, ເອຊະຕາໂອນ, ອີຣະເຊເມດ, ຊາອານບິມ, ໄອຢາໂລນ, ອີທະລາ, ເອໂລນ, ຕິມນາ, ເອັກໂຣນ, ເອນເຕເກ, ກິບເບໂທນ, ບາອາລັດ, ເຢຮຸດ, ເບເນເບລັກ, ກາດຣິມໂມນ, ເມຢາຣະໂກນ ແລະ ຣັກໂກນ ລວມທັງດິນແດນທີ່ກົງກັນຂ້າມກັບເມືອງຢົບປາ.
(ເມື່ອຊາວດານໄດ້ສູນເສຍດິນແດນໃຫ້ກັບພວກເຂົາໄປ, ຊາວດານຈຶ່ງໄດ້ຂຶ້ນໄປ ແລະ ໄດ້ໂຈມຕີເມືອງລາເຊມ, ຢຶດເອົາເມືອງນີ້, ຂ້າຊາວເມືອງນັ້ນດ້ວຍດາບ ແລະ ໄດ້ຢຶດຄອງເມືອງນີ້. ພວກເຂົາໄດ້ເຂົ້າໄປອາໄສຢູ່ທີ່ເມືອງລາເຊມ ແລະ ເອີ້ນເມືອງລາເຊມວ່າດານ ຕາມຊື່ບັນພະບຸລຸດຂອງຕົນ).
ເມືອງຕ່າງໆ ແລະ ໝູ່ບ້ານຕ່າງໆຂອງເມືອງເຫລົ່ານີ້ ເປັນກຳມະສິດຂອງເຜົ່າດານ ຕາມແຕ່ລະຕະກຸນ.
ສ່ວນແບ່ງຂອງໂຢຊວຍ
ເມື່ອພວກເຂົາໄດ້ແບ່ງດິນແດນອອກເປັນສ່ວນສຳເລັດແລ້ວ, ຊາວອິດສະຣາເອນກໍໄດ້ມອບທີ່ດິນຕອນໜຶ່ງໃຫ້ໂຢຊວຍ ລູກຊາຍຂອງນູນ ໃຫ້ເປັນກຳມະສິດທ່າມກາງພວກເຂົາ, ຕາມທີ່ພຣະເຈົ້າຢາເວໄດ້ສັ່ງໄວ້. ພວກເຂົາໄດ້ມອບເມືອງໃຫ້ເພິ່ນຕາມທີ່ໂຢຊວຍໄດ້ຂໍ ຄືຕີມນາດເຊຣາ4 ໃນເຂດເນີນພູແຫ່ງເອຟຣາອິມ ແລະ ເພິ່ນກໍໄດ້ສ້າງເມືອງ ແລະ ຕັ້ງຖິ່ນຖານຢູ່ທີ່ນັ້ນ.
ທັງໝົດນີ້ແມ່ນດິນແດນຕ່າງໆ ເຊິ່ງປະໂລຫິດເອເລອາຊາ, ໂຢຊວຍ ລູກຊາຍຂອງນູນ ແລະ ບັນດາຜູ້ນຳຂອງເຜົ່າຕ່າງໆຂອງອິດສະຣາເອນໄດ້ແບ່ງ ໂດຍການຈັບສະຫລາກຢູ່ທີ່ຊີໂລ ຕໍ່ໜ້າພຣະເຈົ້າຢາເວ ທີ່ທາງເຂົ້າຫໍເຕັນນັດພົບ. ແລ້ວພວກເຂົາຈຶ່ງແບ່ງດິນແດນສຳເລັດຮຽບຮ້ອຍ.
Source notes (4)
- Footnote ຫລື ເບເອນເຊບາ, ເຊບາ ໃນ 1ຂຄ 4:28 ບໍ່ມີຄຳວ່າ ເຊບາ
- Footnote ຫລື ເອໂບນ
- Footnote ພາສາເຮັບເຣີວ່າ ທາງທິດຕະເວັນອອກມາຈຸກັບຢູດາ ແມ່ນ້ຳຈໍແດນ
- Footnote ຫລື ຕີມນັດເຫເຣດ (ເບິ່ງ ຜປ 2:9)
Biblica® Open Lao Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.