Filbu yi

Bulus Sẽkoo yɛnɛ shɔ

FILIBUYI

Yutasinɛ

Vigbete sɨnrɛ shɔ bee sẽkou aru shɔu dɔ̃ri shɔ Kirisa gbete i a Filipiya yɛ aru vigbete i shoshiu yɛ nɛu pɔ̃siunaa a ɗagbete kasiyɛ. Pɛli vishonɛ a yɛnki gbete kpaayɛ aru u kpaariyi sisɨn, aru gbete iyɛ kpaa bilakinɛ au yɛti yuu yɔrinɛ piti kpai ai ɓɛɛni. Gakiyi rɛ nɛi ɔ̃ a sisɨn yuu roorinɛ naa Yesɔ, a kang-gbete iyɛ ɔ̃ ai sisɨn vi kpaanɛkɔ sheeli a yuu baasinɛ. Kpaariyi sisɨn aru i ɔ̃nɛ yuu ɓasinɛ a Kirisini pɛ Ɗalapa vitɔ̃vɨng ãnɛ gbete ai tɛyɛ a kaa sisɨn ãnɛ, ɓanɛ aru Yahudawayi nya ãsinɛ yumusinɛɓa. Bee vim a sisɨn puru a ɔ̃nɛ tɔ̃vɨn gbete Ɗalapa ã shɔgbete ai ɔ̃nɛ yuɓasnɛ a Kirisiniyɛ.

Sẽkoom beenɛ nwanya ba a yuu ɔ̃nɛ sisɨn tɔ̃vɨn, bilakinɛ, yuuɓasinɛ, sisɨn maanɛ a ɔ̃nɛ Kirisa tɔ̃vɨn ãnɛ. Vim ɓeli wɔsɔ̃n gbete Bulus pɔ̃ au sisɨn aru shɔ Filipiyayi.

Vi au ɓuzɨn yɛ

Yutasinɛ (1.1-11)

Bulus nyanwanɛ aru ɔ̃nɛ gbete pɛliyɛ (1.12-26)

Ɔ̃nɛ a yɛti Kirisi (1.27-2.18)

Shɔ maasi Timoti Ruu a Ipaforoditu (2.19-30)

Yusho gɔ̃nɛ aru shɔ nɔ̃pɔ̃yi a shɔ nyɔnɛyi (3.1-4.9)

Bulus a ɓesa Filipiyayi (4.10-20)

Yisinɛ (4.21-23)