ଦାନି

ଦାନିୟେଲ ପୁସ୍ତକ

ଦାନିୟେଲ ପତି

ମୂଲୁ ହା଼ଡା

କ୍ରୀସ୍ତ ଜାର୍ନାତି ସ଼ ୱାଞ୍ଜା ବାର୍ସା ନ଼କେଏ ଦାନିୟେଲ ଈ ପତିତି ରା଼ଚାମାଚେସି।

ଦାନିୟେଲତି କାତା

ପତିତି କାଜା କାତା ଆ଼ହିମାନେ ତଲିତି କାତା (ଇତିହାସ), ରା଼ଜି ଅ଼ଡ଼େ ରାଜାୟାଁ ଲାକ ମାହାପୂରୁ ବାରେ ଦାର୍‌ତିତି ରା଼ଜି ରା଼ନେ

କାଜା କାତା

ବାରେୱାକି ପୂଜା କିହିମାନି ବେ଼ଲା ର଼ ନାମୁତି ଜୀୱୁତା ନୀଡିନାୟି, ଇଚିହିଁ ରଅସି ମାହାପୂରୁତି ହିୟାଁ ତଲେ ସେ଼ବା କିନାୟିମାନେ ୧ ପାର୍ବୁ।

ମାହାପୂରୁ ତାନି ସେ଼ବା କିନାରାକି ବା଼ଡ଼୍‌ୟୁ ହୀହାଲି ଆ଼ଡିନେସି ଏମିନାଣି ନାମାଆତାରି ଜିକେଏ ଗା଼ୱୁରମି କିନେରି ୨; ୩; ୬ ପାର୍ବୁ। ଆ଼ତିଜିକେଏ ନାମିନାରି ଅଣ୍‌ପିନାୟି ମାନେ କି ମାହାପୂରୁ ଏ଼ୱାରାଇଁ ବାରେ କସ୍ତଟି ଗେଲ୍‌ପିନେସି

ମାହାପୂରୁ ବଡପଣ ଗାଟାରାଇଁ ଊଣା କିନେସି ଅ଼ଡ଼େ ଊଣା ଲ଼କୁଣି ଲାକ ପେର୍‌ନେସି। ଇଲେକିଁ କାଜା କାଜା ରାଜାୟାଁ ହିୟାଁ ଏ଼ୱାଣି କେୟୁତା ମାନେ

ଈ ଦାର୍‌ତି ମାହାପୂରୁ ଲ଼କୁ ତାକି ଅ଼ପାଆଗାଟି ଟା଼ୟୁ ଆ଼ନେ, ନେହେଁ ଅ଼ଡ଼େ ପାଡାଆ଼ନି କିହାଁ ଲାଗେଏ ଆ଼ହାଲି ମା଼ଟ୍‌ନେ

ତଲିତି କାତାତା ମାହାପୂରୁ ବାରେ କିହାଁ କାଜାସି, ଆମ୍ବାଆରି ଏ଼ୱାଣି କ଼ପାଟି ନିଙ୍ଗିନେରି ଇଞ୍ଜାଁ ଏ଼ୱାଣି ଲ଼କୁଣି ନା଼ସା କିହାଲି ଅଣ୍‌ପିନେରି ଏ଼ୱାରାଇଁ ୮ ପାର୍ବୁ।

ବାବିଲତା ଅ଼ୱିଆ଼ନାୟି ଇସ୍ରାୟେଲତି ଗଡ଼୍‌ହା ଅ଼ଡ଼େ ନୀହାଁୟିତି ତଲିତି କାତା ଆ଼ଏ। ଡା଼ୟୁ ଇସ୍ରାୟେଲ ମାହାପୂରୁ କ଼ପାଟି ପା଼ପୁ ଡ଼ୟିନେ ଅ଼ଡ଼େ ଜିରୁସାଲମତି ତାମି ସାତ୍ରୁୟାଁ କେୟୁତା ହେର୍‌ପି ଆ଼ନେ, ଆମ୍ବାଆସି ତାମି ଦେ଼ୱୁଡ଼ିତି ନା଼ସା କିନେସି ଅ଼ଡ଼େ ଏଟ୍‌କା ଏଟ୍‌କାତି ଲାଗେଏତି କାମା କିନେସି

ଈ ଦାର୍‌ତିତା ନେହାୟି କି ଲାଗେଏ ଆ଼ହାମାନାୟି ଦୂତୁତି ବା଼ଡ଼୍‌ୟୁତା ର଼ କାଜା ଗଡ଼୍‌ହା ୧୦ ପାର୍ବୁ। ଇଲେତି ଆନାମାନା ବେ଼ଲାତା ପ୍ରା଼ତାନା ର଼ କାଜା ଆ଼ସ୍ତି ସମାନା

ଈ ବାରେ ଆନାମାନା ଅ଼ଡ଼େ ଗଟୱି ଆ଼ତାଣି ମାହାପୂରୁ ସା଼ଲୱି କିନେସି, ଏ଼ୱାସି ନସ୍ତ କିହାମାନାଣି ଏ଼ୱାସି ଊଣା କିନେସି, ଇଞ୍ଜାଁ ତାନି ଲ଼କୁତି ସା଼ସ୍ତି ରା଼ପ୍‌ହାଲି ତାକି ଏ଼ୱାଣି ର଼ କା଼ଲା ମାନେ। ଏଚିବେ଼ଲାତା ତାନି ଜାହାରା ଲ଼କୁଣି ନେହିଁ କିହାଲି ତାନି କେୟୁ ଦା଼ହ୍‌ନେସି ୧୨ ପାର୍ବୁ।

ଏଚିବେ଼ଲାତା ନାମୁଗାଟାରି ର଼ ସାତ୍ରୁତି ଦାର୍‌ତିତା ଆ଼ଟ୍‌ୱା ଜୀୱୁ ଅ଼ଡ଼େ ନାମୁ ଡ଼ୟିନାୟି ମାନେ, ଅ଼ଡ଼େ ଗେଲ୍‌ପି ଆ଼ହାଲି ତାକି ମାହାପୂରୁ ତା଼ଣା ସିନିକିନାୟି ମାନେ

ଦାନିୟେଲ ପତି ରୀ ବା଼ଗା କିୱି ଆ଼ହାମାନେ, ବାରେତି ତାନି ଗୂଣୁ ମାନେ। ମୂଲୁ ବା଼ଗା

ପତିତା ମାନାୟି

ବାବିଲ ରାଜା ଗା଼ଡ଼ାତା ଦାନିୟେଲ ଅ଼ଡ଼େ ତୀନି ଜା଼ଣା ଦାଂଗ୍‌ଣାୟାଁ

ଦାନିୟେଲଇଁ ମାହାପୂରୁ ତ଼ହ୍‌ନାୟି

ଦାନିୟେଲ ବାବିଲ ରା଼ଜିତା ୱା଼ନାୟି

୬୦୫-୫୩୬ କ୍ରୀସ୍ତ ଜାର୍ନା ଆ଼ଆ ନ଼କେଏ।

ଏ଼ୱାରି ରା଼ଜି ଏ଼ୱାରି ନ଼କେଏ ଅସୁରିୟ ଅ଼ଡ଼େ ଏ଼ୱାରି ଡା଼ୟୁ ପାରସିକ ରା଼ଜିକିନି କା଼ଲା କିହାଁ ଊଣା ମାଚେ, ଦାନିୟେଲତି ନ଼କେଏ ବାବିଲତି ରା଼ଜି ତଲିଏ କାଜାୟି ମାଚେ ଇଞ୍ଜାଁ ବାବିଲତା ଦସ୍‌ପି ଆ଼ହାଲି ତାକି ଏ଼ୱାରି ଦା଼ୟି ମାଚେ। ଦାନିୟେଲ ତା଼ନୁଏ ବାବିଲ ରା଼ଜିତି ନୀଟ୍‌ହା ଇଟାମାଚେସି, ଏମିନାୟି (କ୍ରୀସ୍ତ ଜାର୍ନାତି ନ଼କେଏ ୫୩୮) କା଼ଲାତା ପାରସିକ ତା଼ଣା ହେର୍‌ୱାମାଚେ। ଦାନିୟେଲ ମେସାମାନି ପାରସିକ ରା଼ଜି।