Koya Bible
ନିହିମୀୟା 7
ନେଟା ତିଆର୍ ଆସ୍ ୱାନାକେ, ନାନ୍ କାପାଟି ସାରେ ୱେଃତ୍ତାନ୍, ମେଣ୍ଡେ ଗେଟ୍କେପାନଡ଼୍ ନୁ ପାଟାପାରାନଡ଼୍ ନୁ ଲେବିୟଡ଼୍ ଏଞ୍ଚିଆତ୍ତଡ଼୍। ଆସୁଙ୍କ୍ ନାନ୍ ନିଜର ଦାଦାଙ୍କ୍ ହନାନିଙ୍କ୍ ନୁ ଡେଙ୍ଗ୍ପଡ଼ିୟେତ୍ ଶାସନକର୍ତ୍ତାଲ୍ ହନାନୀୟଙ୍କ୍ ଯିରୁଶାଲମତେ ପର ଏଞ୍ଚିତାନ୍; ବେତେଙ୍କ୍ଇତ୍କେ ହନାନିୟ ବିଶ୍ୱସ୍ତ ନାରୁଣ୍ଡ୍ ମାତ୍ତଣ୍ଡ୍ ନୁ ଅଣ୍ଡ୍ ନାର୍ଗେନାରୁଡ଼୍ ପେର୍କେବା ପରମେଶ୍ୱରଦିଙ୍କ୍ ୱେର୍ସମାତ୍ତଣ୍ଡ୍। ମେଣ୍ଡେ, ନାନ୍ ଅଡ଼୍କିଂଙ୍କ୍ କେତ୍ତାନ୍, “ପଡ଼ଦ୍ କାମ୍କେ ଆଇୱାକେ ଯିରୁଶାଲମତେ ଦୁୱାର୍ ସାରେ ତେର୍ମାକିଡ଼୍; ନାରୁଡ଼୍ କେପାନ୍ ପାଡ଼୍ୟିଦେକନ୍ ନିତାନ୍ ୱେଲେ ଦୁୱାଡ଼୍ ସାରେ ବନ୍ଦ ମାଡ଼ାଟ୍, ମେଣ୍ଡେ ମିଡ଼୍ ଗେଡ଼ା ଇମୁଟ୍; ଯିରୁଶାଲମ ମାନ୍ଦାନଡ଼୍କ୍ କେପାନଡ଼୍ମାଡ଼ି ଏଞ୍ଚାଟ୍, ଅଡ଼୍ ସାରେ ନିଜର ନିଜର ସମୟ୍ତେ ନୁ ସାରେତଡ଼୍ ନିଜର ନିଜର ଲତ୍ତେ ମୁନେ ମାନୁଟ୍।”
ବଟ୍ ତାଗାଙ୍ଗ୍ ମାଲ୍ସ୍ ମାନ୍ଦାନ୍ ନାରୁଡ଼୍ ପେଦେ
ନଗର ଓସାର୍ ନୁ ବାଡ଼ିୟେ ମାତ୍ତେ; ମାତର୍ ଆଗାକନ୍ ସୁକୁ ନାରୁଡ଼୍ ମାତ୍ତଡ଼୍ ନୁ ଲତ୍ତେ ସାରେ ତିଆର୍ ଆୟିୱେ ମାତ୍ତେ। ଇଦିନାଗ୍କଞ୍ଜ୍ ପିଲୁଡ଼୍ ଲେକାମ୍ ଲେକ୍ ଆଦାନ୍ ମାଇଦିଙ୍କ୍ ଲେକେତ୍ ନାରୁଣ୍ଡ୍ ନୁ ବାଡ଼ିୟଡ଼୍କ୍ ନୁ ନାରୁଡ଼୍କିଙ୍କ୍ ଅଣ୍ଡୟ୍ତାଗ୍ ମାଡ଼ାନଙ୍କ୍ ନା ପରମେଶ୍ୱର ନା ମନ୍ଦାଗ୍ ଏର୍କେ ୱାଟ୍ତିତ୍ତଣ୍ଡ୍। ମେଣ୍ଡେ, ବେନଡ଼୍ ପ୍ରତମ୍ ୱାସ୍ ମାତ୍ତଡ଼୍, ନାନ୍ ଅଡ଼୍କିଂଙ୍କ୍ ପିଲୁଡ଼୍ ବଇତ୍ ମାଇଦିଙ୍କ୍, ଆଗେ ଇଲା ଲେକା ମାନ୍ଦାନାଦ୍ ଉଡ଼୍ତାନ୍, ବେନଡ଼୍ ବନ୍ଦୀ ଇନା ଆସ୍ ୱାସ୍ ମାତ୍ତଡ଼୍, ଅଡ଼୍ଆଗାକ୍ ପ୍ରଦେଶୀୟ ଇ ପିଲାକିନ୍ ସାରେ ଯିରୁଶାଲମ ନୁ ଯିହୁଦାତେ ନିଜର ନିଜର ନଗରତା ମାଲ୍ସ୍ ୱାତ୍ତଡ଼୍, ବାବିଲ୍ତେ ରାଜାଲ୍ ନବୂକଦ୍ନିତ୍ସର ଇଡ଼୍କିଙ୍କ୍ ଅସ୍ ମାତ୍ତଣ୍ଡ୍ ; ଇଡ଼୍ ଯିରୁବ୍ବାବିଲ୍, ଯେଶୂୟ, ନିହିମୀୟା, ଅସରୀୟ, ରୟମା, ନହମାନି, ମର୍ଦ୍ଦକୟ, ବିଲ୍ଶନ୍, ମିସ୍ପର, ବିଗ୍ବୟ, ନହୂମ, ବାନା ତଡ଼୍ ମାଲ୍ସ୍ ୱାତ୍ତଡ଼୍। ଇସ୍ରାଏଲ୍ ପିଲୁଡ୍ତେ ମାନେୟିଇଡ଼୍ ସଂକ୍ୟା ଇଦ୍, ପରିୟୋଶରତେ ମାର୍ ଦୁଇ ହଜାର୍ ଏକ ଶହ ବାସ୍ତରି ଜାନ୍। ଶଫଟିୟରତେ ମାର୍ ତିନି ଶହ ବାସ୍ତରି ଜାନ୍। ଆରହରତେ ମାର୍ ଚଅ ଶହ ବାବାନ୍ ଜାନ୍। ଯେଶୂୟ ନୁ ଯୋୟାବରତେ ମାର୍କିଡ଼୍କନ୍ ପହତ୍ ମୋୟାବରତେ ମାର୍ ଦୁଇ ହଜାର୍ ଆଟ୍ ଶହ ଅଟର ଜାନ୍। ଏଲମ୍ରତେ ମାର୍ ଏକ ହଜାର୍ ଦୁଇ ଶହ ଚଉବନ୍ ଜାନ୍। ସତ୍ତୂରତେ ମାର୍କ୍ ଆଟ୍ ଶହ ପଞ୍ଚିଚାଳିଶ ଜାନ୍। ସକ୍କୟର୍ତେ ମାର୍କ୍ ସାତ ଶହ ଷାଠିଏ ଜାନ୍। ବିନ୍ନୁୟିରତେ ମାର୍କ୍ ଚଅ ଶହ ଅଟଚାଲିଶ୍ ଜାନ୍। ବେବୟରତେ ମାର୍କ୍ ଚଅ ଶହ ଅଟାଇଶ ଜାନ୍। ଅସ୍ଗଦରତେ ମାର୍କ୍ ଦୁଇ ହଜାର୍ ତିନି ଶହ ବାଇଶ ଜାନ୍। ଅଦୋନୀକାମରତେ ମାର୍କ୍ ଚଅ ଶହ ସତଷଠି ଜାନ୍। ବିଗ୍ବୟରତେ ମାର୍କ୍ ଦୁଇ ହଜାର୍ ସତଷଠି ଜାନ୍। ଆଦୀନରତେ ମାର୍କ୍ ଚଅ ଶହ ପଞ୍ଚାବନ ଜାନ୍। ହିଜକୀୟତେ ପିଲୁଡ଼୍ପୁଟ୍ତେ ଆଟେରତେ ମାର୍କ୍ ଅଟାନବେ ଜାନ୍। ହଶୂମତେ ମାର୍କ୍ ତିନି ଶହ ଅଟାଇଶ ଜାନ୍। ବେତ୍ସୟତେ ମାର୍କ୍ ତିନି ଶହ ଚବିଶ ଜାନ୍। ହାରୀଫତେ ମାର୍କ୍ ଏକ ଶହ ବାର ଜାନ୍। ଗିବୀୟୋନ୍ତେ ମାର୍କ୍ ପଞ୍ଚାନବେ ଜାନ୍। ବେତ୍ଲିହିମ୍ ନୁ ନଟୋଫାତେ ନାରୁଡ଼୍କ୍ ଏକ ଶହ ଅଟାଅଶୀ ଜାନ୍। ଅନାତୋତ୍ତେ ନାରୁଡ଼୍ ଏକ ଶହ ଅଟାଇଶ ଜାନ୍। ବେତ୍ ଅସ୍ମାବତତେ ନାରୁଡ଼୍ ବୟାଲିଶ ଜାନ୍। କିରୀୟତ୍ ଯିୟାରିମ୍ତେ, କଫୀରାତେ ନୁ ବେରୋତତେ ନାରୁଡ଼୍ ସାତ୍ ଶହ ତେୟାଲିଶ୍ ଜାନ୍। ରାମା ନୁ ଗେବାରତେ ନାରୁଡ଼୍ ଚଅ ଶହ ଏକୋଇଶ ଜାନ୍। ମିକ୍ମସରତେ ନାରୁଡ଼୍ ଏକ ଶହ ବାଇଶ ଜାନ୍। ବୈତେଲ୍ ନୁ ଅୟରତେ ନାରୁଡ଼୍ ଏକ ଶହ ତେଇଶ ଜାନ୍। ୱେର୍ତ୍ ନବୋର୍ତେ ନାରୁଡ଼୍ ବାବାନ୍ ଜାନ୍। ୱେର୍ତ୍ ଏଲମ୍ରତେ ମାର୍କ୍ ଏକ ହଜାର୍ ଦୁଇ ଶହ ଚଉବନ୍ ଜାନ୍। ହାରୀମତେ ମାର୍କ୍ ତିନି ଶହ କୋଡ଼ିଏ ଜାନ୍। ଯିରୀହୋରତେ ମାର୍କ୍ ତିନି ଶହ ପଞ୍ଚାଳିଶ୍ ଜାନ୍। ଲୋଦ୍, ହାଦୀଦ୍ ନୁ ଓନୋରତେ ମାର୍କ୍ ସାତ୍ ଶହ ଏକୋଇଶ ଜାନ୍। ସନାୟାରତେ ମାର୍କ୍ ତିନି ହଜାର୍ ନଅ ଶହ ତିରିଶ ଜାନ୍। ଯାଜକିଡ଼୍ ସଂକ୍ୟା; ଯେଶୂୟ ପିଲୁଡ଼୍ତେ ଯିଦୟୀୟରତେ ମାର୍କ୍ ନଅ ଶହ ତେସ୍ତରି ଜାନ୍। ଇମ୍ମେରତେ ମାର୍କ୍ ଏକ ହଜାର୍ ବାବନ୍ ଜାନ୍। ପଶ୍ହୂରତେ ମାର୍କ୍ ଏକ ହଜାର୍ ଦୁଇ ଶହ ସତଚାଳିଶ ଜାନ୍। ହାରୀମତେ ମାର୍କ୍ ଏକ ହଜାର୍ ସତର ଜାନ୍। ଲେବିୟଡ଼୍ ସଂକ୍ୟା; ହେଦବାରତେ ମାର୍କ୍, ଯେଶୂୟରତେ ମାର୍କ୍, କଦ୍ମୀୟେଲତେ ମାର୍କ୍ ଚଉସ୍ତରି ଜାନ୍। ପାଟାପାରାନଡ଼୍ ସଂକ୍ୟା; ଆସଫରତେ ମାର୍କ୍ ଏକ ଶହ ଅଟଚାଲିଶ୍ ଜାନ୍। ଗେଟ୍କେପାନଡ଼୍ ସଂକ୍ୟା; ଶଲ୍ଲୁମ୍ରତେ ମାର୍କ୍, ଆଟେରତେ ମାର୍କ୍, ଟଲ୍ମୋନରତେ ମାର୍କ୍, ଅକ୍କୂବତେ ମାରକ୍, ହଟୀଟାରତେ ମାର୍କ୍, ଶୋବୟରତେ ମାର୍କ୍ ଏକ ଶହ ଅଠତିରିଶ୍ ଜାନ୍। ସେବାକାରିଡ଼୍ ସଂକ୍ୟା; ସୀହରତେ ମାର୍କିଡ଼୍, ହସୂଫାରତେ ମାର୍କିଡ଼୍, ଟବ୍ବାୟୋତରତେ ମାର୍କିଡ଼୍; କେରୋସରତେ ମାର୍କିଡ଼୍, ସୀୟରତେ ମାର୍କିଡ଼୍, ପାଦୋନରତେ ମାର୍କିଡ଼୍; ଲବାନାତେ ମାର୍କିଡ଼୍, ହଗାବରତେ ମାର୍କିଡ଼୍, ଶମ୍ଲୟରତେ ମାର୍କିଡ଼୍; ହାନନ୍ରତେ ମାର୍କିଡ଼୍, ଗିଦ୍ଦେଲରତେ ମାର୍କିଡ଼୍, ଗହରରତେ ମାର୍କିଡ଼୍; ରାୟାର ମାର୍କିଡ଼୍, ରତ୍ସିନତେ ମାର୍କିଡ଼୍, ନକୋଦରତେ ମାର୍କିଡ଼୍; ଗସମରତେ ମାର୍କିଡ଼୍, ଉଷରତେ ମାର୍କିଡ଼୍, ପାସେହରତେ ମାର୍କିଡ଼୍; ବେଷୟରତେ ମାର୍କିଡ଼୍, ମିୟୂନିମତେ ମାର୍କିଡ଼୍, ନଫିଷୀମରତେ ମାର୍କିଡ଼୍; ବକ୍ବୁକରତେ ମାର୍କିଡ଼୍, ହକୂଫାରତେ ମାର୍କିଡ଼୍, ହର୍ହୂରତେ ମାର୍କିଡ଼୍; ବସ୍ଲୁତରତେ ମାର୍କିଡ଼୍, ମହିଦାତେ ମାର୍କିଡ଼୍, ହର୍ଶାରତେ ମାର୍କିଡ଼୍; ବର୍କୋସରତେ ମାର୍କିଡ଼୍, ସୀଷରାରତେ ମାର୍କିଡ଼୍, ତେମହରତେ ମାର୍କିଡ଼୍; ନତ୍ସୀହରତେ ମାର୍କିଡ଼୍, ହଟୀଫାରତେ ମାର୍କିଡ଼୍। ଶଲୋମନତେ ଦାସଡ଼୍ ମାର୍କିଡ଼୍ ସଂକ୍ୟା; ସୋଟୟରତେ ମାର୍କ୍, ସୋଫେରତରତେ ମାର୍କ୍, ପରିଦାରତେ ମାର୍କ୍; ଯାଳାରତେ ମାର୍କ୍, ଦର୍କୋଣରତେ ମାର୍କ୍, ଗିଦ୍ଦେଲରତେ ମାର୍କ୍; ଶଫଟିୟରତେ ମାର୍କ୍, ହଟୀଲାରତେ ମାର୍କ୍, ପୋଖେରତ୍- ହତ୍ସବାୟିମରତେ ମାର୍କ୍, ଅମୋନ୍ରତେ ମାର୍କ୍।
ପ୍ରବୁନ୍ ଲତ୍ତାଗ୍ ସେବାକାରିଡ଼୍ ନୁ ଶଲୋମନରତେ ଦାସଡ଼୍ ମାର୍କ୍ ସଂକ୍ୟା ତିନି ଶହ ବୟାନବେ ଜାନ୍। ମେଣ୍ଡେ, ତେଲ୍-ମେଲହ, ତେଲ୍-ହର୍ଶା, କଋବ୍, ଅଦ୍ଦନ୍ ନୁ ଇମ୍ମେରତେ, ଇ ସାରେ ପଡ଼୍ୟେକନ୍ ନାରୁଡ଼୍ ୱାତ୍ତଡ଼୍; ମାତର୍ ଅଡ଼୍ ଇସ୍ରାଏଲୀୟତେ ନାରୁଡ଼୍ ଇଞ୍ଜ ନିଜର ନିଜର ବାବାନ୍ ପିଲୁଡ଼୍ ନୁ ଗୋଷ୍ଟିତେ ପ୍ରାମାଣ ଦର୍ଶା ମାଡ଼୍ ପାର୍ୱଡ଼୍ ଆତ୍ତଡ଼୍; ଆ ନାରୁଡ଼୍ ଇଦ୍, ଦଲୟିୟରତେ ମାର୍, ଟୋବୀୟରତେ ମାର୍, ନକୋଦରତେ ମାର୍, ଚଅ ଶହ ବୟାଲିଶ ଜାନ୍।
ଯାଜକ୍ନଡ଼୍ ଆଗାଙ୍କ୍ ହବାୟରତେ ମାର୍କ୍, ହକ୍କୋସ୍ରତେ ମାର୍କ୍, ବର୍ସିଲ୍ଲୟରତେ ମାର୍କ୍, ଇ ବର୍ସିଲ୍ଲୟ ଗିଲିୟଦିୟ ବର୍ସିଲ୍ଲୟରତେ ଅଣ୍ଡୟ ମାୟାଡ଼୍ତିଙ୍କ୍ ପେଣ୍ଡୁଲ୍ ମାଡ଼ାନଙ୍କ୍ ଅନ୍ ପେର୍ଅନୁସାର୍ତେ ପେଦେର୍ ଆସ୍ ମାତ୍ତେ। ଇଡ଼୍ ପିଲୁଡ଼୍ଲେକାମ୍ ଲେକ୍ତେ ନାରୁଡ଼୍କନ୍ ନିଜର୍ ପିଲୁଡ୍ତେ ଚିଟି ମେକ୍ତଡ଼୍, ମାତର୍ ଦର୍କଡ଼୍ ଆତ୍ତଡ଼୍; ଇଦିନ୍ମାଇଦିଙ୍କ୍ ଅଡ଼୍ ଅଶୁଚି ଲେକା ଆସ୍ ଯାଜକ ପଦ୍କନ୍ ଟେଣ୍ଡ୍ଡ଼ିତ୍ତଡ଼୍। ମେଣ୍ଡେ, ଶାସନକର୍ତ୍ତାଲ୍ ଅଡ଼କ୍ କେତ୍ତଣ୍ଡ୍ ଯେ, ଊରୀମ୍ ନୁ ତୁମ୍ମୀମ୍ଦାରୀ ଯାଜକ ପେୟିୱା ଜାକ୍ ମିଡ଼୍ ଯାଜକ ବାଗକନ୍ ପବିତ୍ର କାଦି ତିନ୍ମାଟ୍। ମେଣ୍ଡେ, ସାରେ ମାନ୍ଦେ ବୟାଲିଶ ହଜାର୍ ତିନି ଶହ ଷାଠିଏ ଜାନ୍। ଇଦି ୱିଡ଼୍ସି ଅଡ଼୍ ଦାସଦାସି ସାତ ହଜାର୍ ତିନି ଶହ ସଇଁତିରିଶ ଜାନ୍ ମାତ୍ତଡ଼୍; ମେଣ୍ଡେ, ଅଡ଼୍ ଦୁଇ ଶହ ପଞ୍ଚାଳିଶ୍ ଜାନ୍ ପାଟାପାରାନାନଡ଼୍ ପାଟାପାରାନାୱୁ ମାତ୍ତଡ଼୍। ଅଡ଼ାୱୁ ସାତ ଶହ ଛତିଶ ଗୁରାକ୍; ଦୁଇ ଶହ ପଞ୍ଚାଲିଶ୍ ଡାଡ଼୍ଗଦ ମାତ୍ତା; ଚାରି ଶହ ପଞ୍ଚତିରିଶ ଉଟ୍; ଚଅ ହଜାର୍ ସାତ ଶହ କୋଡ଼ିଏ ଗଦ ମାତ୍ତା। ମେଣ୍ଡେ, ବାବାନ୍ ପିଲୁଡ଼୍ ବାଡ଼ିୟଡ଼୍କନ୍ ବେନ୍ ବେନ୍ ଆ ପାଡ଼୍ୟିଦେ ମାଇଦିଙ୍କ୍ ଦାନ ମାଡ଼୍ତଡ଼୍। ଶାସନକର୍ତତାଲ୍ ଗୁଦାମ୍ତାଗ୍ ଡ଼ାରିକ୍ ପେଦେର୍ତେ ଅଣ୍ଡୟ୍ ହଜାର୍ ସୁନାଡ଼ାବୁକ୍, ପଚାଶ ତାପେଲ୍ଲି, ପାଞ୍ଚ ଶହ ତିରିଶ ଯାଜକିୟ ସିଲେ ଇତ୍ତଣ୍ଡ୍। ମେଣ୍ଡେ, ବାବାନ୍ ପିଲୁଡ଼୍ ବେସ୍କ୍ ବେଡ଼୍ୟଡ଼୍ ନାରୁଡ଼୍ ନିଜର ଗୁଦାମ୍କନ୍ ଡ଼ାରିକ୍ ପେଦେର୍ତେ କୋଡ଼ିଏ ହଜାର୍ ସୁନା ଡାବୁକ୍ ନୁ ଦୁଇ ହଜାର୍ ଦୁଇ ଶହ କେଜି ରୁପା ପାଡ଼୍ୟିଦେ ମାଇଦିଙ୍କ୍ ଇତ୍ତଣ୍ଡ୍। ୱେର୍ତ୍ ନାରୁଡ଼୍ ସାରେତଡ଼୍ ଡ଼ାରିକ୍ ପେଦେର୍ତେ କୋଡ଼ିଏ ହଜାର୍ ସୁନା ଡାବୁକ୍ ନୁ ଦୁଇ ହଜାର୍ କେଜି ରୂପା ନୁ ସତଷଠି ଯାଜକିୟ ସିଲେ ଇତ୍ତଡ଼୍। ଇଦିନ୍ପେର୍କେ ଯାଜକିଡ଼୍, ଲେବିୟଡ଼୍, ଗେଟ୍କେପାନଡ଼୍ ନୁ ପାଟାପାରାନଡ଼୍, ମେଣ୍ଡେ ବେସ୍କତଡ଼୍ ନାରୁଡ଼୍ ନୁ ସେବାକାରିଡ଼୍ ସାରେ ଇସ୍ରାଏଲ୍ ନିଜର ନିଜର ନଗର୍ ତାଗ୍ ମାତ୍ତଡ଼୍। ମେଣ୍ଡେ ସାତ୍ ନେଲ୍ଞ୍ଜତେ ୱେଲେ ଇସ୍ରାଏଲତେ ମାର୍କ୍ ନିଜର ନଗର୍ତାଗ୍ ମାତ୍ତଡ଼୍।
Koya Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.