Koya Bible
ଯିଶାଇୟ 20
ମିସର୍ ନୁ କୂଶଦେଶ୍ ଲପେ ଅଣ୍ଡୟ ଚିହ୍ନେ
ବେନ୍ ୱାଡ଼୍ସା ଅଶୂର୍ ରାଜା ସର୍ଗୋନତେ ପ୍ରେରିତ ତର୍ତ୍ତାନ ସେନାଦକ୍ଷଙ୍କ୍ ଅସ୍ଦୋଦ ନଗର୍ତେ ବିରୁଦ୍ଦ୍ତେ ରତ୍ତଣ୍ଡ୍ ମେଣ୍ଡେ ଯୁଦ୍ଦ୍ମାଡ଼ି ଅଣ୍ଡ୍ ଅଦିକାର୍ ମାଡ଼୍ତଣ୍ଡ୍; ଆସମୟତେ ଆମୋସର୍ ମାର୍ ଯିଶାୟ ଦାରା ସଦାପ୍ରବୁ ଇଦ୍ ଗଟ୍ କେତ୍ତଣ୍ଡ୍, ଆନ୍ ନି ସାରାଦେଶ୍କଞ୍ଜ୍ ବାସ୍ତେତ୍ ଚକା କୁସ୍ପି ନୁ ନି ଡେକେତ୍ ଏର୍ପୁକ୍ ଟେଣ୍ଡା, ମେଣ୍ଡେ ଅଣ୍ଡ୍ ଆଦ୍ ମାଡ଼ି ଚକା ସିଲେ ଇଲ୍ୱେ ଲେକାମ୍ ଆସ୍ ନୁ ଏର୍ପୁକ୍ କେର୍ୱକଟ ଉଡ୍ତଣ୍ଡ୍। ଆସୁଙ୍କ୍ ସଦାପ୍ରବୁ କେତ୍ତଣ୍ଡ୍, ମାନ୍ ଦାସ୍ ଯିଶାଇୟ ମିସର୍ ନୁ କୂଶ୍ ଦେଶ୍ତେ ପର ଅଣ୍ଡୟ ଚିହ୍ନେ ନୁ ବାକ୍ୱା ଉଡ଼ାନାଦ୍ ଲେକ୍ତାଦ୍ ଉଡ଼ାନାଦ୍ ବେଲାନ୍ କି ମୁଣ୍ଡ୍ ୱାଡ଼୍ସା ଚକା ସିଲେ ଇଲ୍ୱେ ଲେକାମ୍ ଆସ୍ ନୁ ଆସାମ୍ ଡେକେତେ ଉଡିମିନ୍ଦେଣ୍ଡ୍। ଆଦ୍ଲେକାମ୍ ଅଶୂର୍ ରାଜା ମିସ୍ରିୟନଡ଼୍ ସିଗ୍ ମାଇଦିଙ୍କ୍ ଲେୟଡ଼୍ ନୁ ଡକ୍ରାନଡ଼୍ ମିସ୍ରିୟ ବନ୍ଦୀ ନୁ କୂଶୀୟ ତିଆର୍ ମାଡ଼୍ତାଦ୍ ନାରୁଡ଼୍କିଙ୍କ୍ ଚକା ସିଲେ ଇଲ୍ୱେ ଲେକାମ୍ ଆସ୍, ୱେର୍ ଆସ୍ ନୁ ବାତ୍ତେ ଇଲ୍ୱାଗ୍ ନୁ ମୁସିମିକା ଆଦ୍ତଡ଼୍। ମେଣ୍ଡେ ନାରୁଡ଼୍ ମାନ୍ୱାଦ୍ ବିଶ୍ୱାସ୍ କୂଶ ନୁ ମାନ୍ୱାଦ୍ ଦର୍ପ ଲେକାମ୍ ମିସର୍ ମାଇଦିଙ୍କ୍ ମୁର୍ମରା ନୁ ସିଗ୍ ଆଦ୍ତଡ଼୍। ମେଣ୍ଡେ, ଆ ଦିନାମ୍ ଇଦ୍ ସମୁଦ୍ର ଗାରେ ନାରୁଡ଼୍ କେତିତଡ଼୍, ଉଡ଼ା, ଅଶୂର୍ ରାଜାନାଗାଙ୍କ୍ ଉଦ୍ଧାର ପାଏମ୍ ଆଦାନ୍ ମାଇଦିଙ୍କ୍ ସାହାଯ୍ୟ ମାଇଦିଙ୍କ୍ ବେଗେ ମିର୍ତି, ମାୱାଦ୍ ଆଦ୍ ବିଶ୍ୱାସ ଇଦ୍ ଲେକାମ୍ ; ଆଲାଇତ୍କେ ମାନାଡ଼୍ କି ବେଲା ବାଦ୍କିକାଡ଼୍ ?
Koya Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.