BIBLE MUTAL
Psalm 150
Kaksakin LEUM GOD
Kaksakin LEUM GOD!
Kaksakin LEUM GOD in Tempul lal!
Kaksakin ku lal inkusrao!
Kaksakunul ke orekma ku su El orala.
Kaksakin fulatlana lal.
Kaksakunul ke pusren mwe ukuk.
Kaksakunul ke pusren harp ac lyre.
Kaksakunul ke pusren drum ac ke onsrosro.
Kaksakunul ke pusren harp ac flute.
Kaksakunul ke pusren cymbal.
Kaksakunul ke cymbal yohk pusra.
Kaksakin LEUM GOD, kowos ma orekla nukewa su oasr moul la!
Kaksakin LEUM GOD!
BIBLE MUTAL. Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · SourceEdition imported 2026-10-25.