BIBLE MUTAL
Psalm 122
[Psalm lal David]
Soko On In Kaksakin Jerusalem
Nga engan ke elos fahk nu sik,
“Lela kut in som nu in lohm sin LEUM GOD.”
Ac inge kut utyak tari
Nu in kalkal lom, O Jerusalem!
Jerusalem, sie siti su sifil musaiyukla,
Ac arulana naweyukla wo.
Pa inge acn ma sruf uh tuku nu we,
Sruf lun Israel,
In sang kulo nu sin LEUM GOD
Fal nu ke ma El sapkin.
Pa inge acn se tokosra lun Israel
Elos muta we in kol mwet lalos ke suwoswos.
Pre tu Jerusalem in misla:
“Lela tu elos su lungse kom in kapkapak.
Lela tu in oasr misla in kalkal lom,
A in wangin ma aklokoalokye inkul fulat we.”
Ke sripen mwet in sou luk a mwet kawuk luk
Nga fahk nu sin Jerusalem, “Mutana in misla.”
Ke sripen lohm sin LEUM GOD lasr
Nga pre tu in wo ouiyom.
BIBLE MUTAL. Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · SourceEdition imported 2026-10-25.