Mathiơ 28

1Jơ gư̆n, ma-ngkơi nge Saƀat, dơ̆ brê ang ndrư̆m nge sơm nơ̆m du-poh ndăng trôh, Mari Madơlen î Mari nde trôh còp mơ̆ntô ƀùc. 2Lăng năy, du jơno wăñ-lơnggơh ù dơng sŏng tom tơlôh, bơh du hôi cro gơndrơh Yang dê, ma-ngkơi jơ bơh trồ jư nteàh gừn trôh en, sŏng tơmblă lô̆ mande gừn nggui nơ̆m gư̆n. 3Dơ̆ rơ̆, rồp-să cro gơndrơh gư̆n gừn gư̆ptî lơp, hôm ao gô dê gừn bẵu gư̆ptî pliê. 4Gư̆n-jîng, bơh anẵu kơ̆mbrit-kơ̆mbròt cro gơndrơh, tơmpôl lĭñ kŏng ntơ-să gừn gôjîng gư̆ptî cro sơ̆t. 5Mơya tơm tô̆ pẵư dẵư, cro gơndrơh tơs î tơmpôl cro-ua lah: “Ƀòn e bư̆ng kơ̆mbrit, bơh ăñ gư̆t lah ƀòn e jôi Jesu, Bơtao sŏng kŏng pư̆ng điñ. 6Kơnràñ ơ̆ ăm nơ̆m dô ơ̆, bơh Kơnràñ sŏng dî lơh jîng wăl lờt, jăt gư̆ptî jơno Kơnràñ sŏng tơs. Trôh nơ̆m dô jờh, lăng cĕ anẵu mà Kơnràñ sŏng bĭc. 7Sŏng gư̆n ma-ngkơi jơ swà khơñ nơ̆m gung, tơs wăl ma lơ̆gay cro bơtê Kơnràñ lah: ‘Kơnràñ sŏng jîng wăl bơh anẵu sơ̆t. Gừn lăng năy, Kơnràñ ndăng swà lai oh mi rôh lŏ trôh nơ̆m Galile, Nơ̆m gư̆n, oh mi rôh lŏ rơp tơmpơl Kơnràñ.’ Lăng dô, ăñ sŏng tơs ma ƀòn e gư̆t lờt gư̆n.” 8Gừn dơ̆ swà khơñ tơlôh bơh mơ̆ntô ƀùc î jơno kơ̆mbrit-kơ̆mbròt gư̆m jơno sơhờp-sờhơn ơ̆ gư̆t lơh, ƀòn gô sŏng cơplŏk swà lơi tơs ma lơ̆gay cro bơtê Kơnràñ. 9Lăng dô, Yang Jesu tơmtom ƀòn gô, tơs lah: “Niem să ƀòn e!” Gừn ma-ngkơi jơ trôh en, ƀòn gô ùc jư̆ng Kơnràñ î cun-khoai Kơnràñ. 10Pơnjăt te, Yang Jesu tơs î ƀòn gô: “Bư̆ng kơ̆mbrit. Swà cĕ tơs tơnggư̆t ma lơ̆gay oh mi ăñ lơi ƀòn digơlăn swà gung trôh nơ̆m Galile, gừn nơ̆m gư̆n, ƀòn gô rơp tơmtom ăñ.”

11Jơ gư̆n, dơ̆ ƀòn gô ndăng swà nơ̆m gung, lăng dô, nhẵư hê nơ̆m khà tơmpôl lĭñ ăm jư, ma-ngkơi jơ mơ̆t nơ̆m ƀòn dơng, tơs wăl ma lơ̆gay cro gơnoăr bơlăm-găl ăn jơno duh-khoai dơng lơ̆gay bră sŏng tom tơlôh. 12Gừn dơ̆ sŏng dî bơjư̆m băl î lơ̆gay cro kwăng kra, sŏng tơmbơyê î găp lờt, ƀòn gô sŏng e tơmpôl lĭñ du khà priè dơng ngăn, 13tơs lah: “Kư̆ tơs: ‘Ma-ngkơi jơ trôh nơ̆m brê tơmăng, lơ̆gay cro bơtê gô sŏng kơntô̆ng ƀùc gô nơ̆m dơ̆ ƀòn hî ndăng bĭc lơhà.’ 14Gừn dilah jơno pơndrơ dô dî tơs ma cro kwăng dơng lơgơ, ƀòn hî rơp tơs mơ̆ndơm ông rơ̆ gừn lơh ma ƀòn mê klàs bơh jơno kơlôi cơloă.” 15Bơh gư̆n, ma-ngkơi jơ dưñ-lăñ priè, tơmpôl ƀòn gư̆n lơh gư̆ptî sŏng dî ƀăn tơngkah, Jơno pơndrơ dô dî lam tơlôh kơp anẵu nhòng lang bol Juđa, tien gơs trôh dî nge dô.

16Jơ gư̆n, jư̆t-dul hê cro bơtê sŏng swà trôh nơ̆m Galile, trôh nơ̆m yồ mà Yang Jesu sŏng sơđah ma ƀòn gô. 17Gừn tơm tô̆ tơmtom Kơnràñ, ƀòn gô duh-khoai Kơnràñ, mơya nhẵư hê cro pên wêl-wăl. 18Ma-ngkơi jơ trôh en, Yang Jesu răk-sa î ƀòn gô, lah: “Lơ̆gay gơnoăr cŭngsî trồ gư̆m nơ̆m ù sŏng dî jao ma ăñ. 19Gư̆n-jîng, oh mi swà cĕ lơh lơ̆gay lang bol gôjîng cro bơtê ăñ jê, lơh ƀaptem cĕ ma ƀòn gô e sơnăn Yang Bàp, Yang Kon gư̆m Yang Hwîng Goh; 20ƀăn mơntău ƀòn gô lơi prăp ăn lơ̆ kơp jơno mà ăñ sŏng bơtău ma oh mi. Gừn lăng dô, ăñ ăm băl î oh mi kơp nge trôh dî nge lŭi-dơ̆t.”