কুলিজকুরাআ কামি 15

যিরুশালেম শেহার রে দরবার।

1হেৎদ ইহুদিয়া মুলুক হাতেন কথক হড় হিচেনা কু হেৎদ পাতিয়ান হাগা কুকে চেচেদ এম লাগায় নাকু যে, আপে যদি মোশি রাঃআ আরিচালি লেকাতে সুন্নু চুটি -গেৎ কাপেয়া এন্খান রুক্ষীয়া কাপে নামেয়া (লেবি . 12:3)

2হেৎদ ইঙ্কূ লঅ পৌল হেৎদ বার্ণবা রাঃআ গাদা তর্কা তর্কি হেৎদ নিপিয়ায় হুইয়েনা খানঃঅ হাগাকু গটা কেৎয়াকু, ইনা তর্ক গটা গুটি রাঃআ নাতিনাং হেৎদ ইঙ্কূয়া অটঅ কথক হড় যিরুশালেম শেহার তে কুলিচ কু রাঃআ হেৎদ মুরুব্বি কু রাঃআ হান্ডে সেনোয়াকু।

3এন্তে মন্ডলী ইঙ্কূকে কুল কেৎকুয়ায়্য় হেৎদ ইঙ্কূ ফৈনিকিয়া হেৎদ শমরিয়া টলা হরকাতে সেন সেনতে বিন ইহুদিকু রাঃআ পাল্টা রাঃআ বাবত গাম কেৎয়াকু হেৎদ যত পাতিয়ান হাগাকু কুঠিন রাস্কায় নাকু।

4চিন্তং ইঙ্কূ যিরুশালেম শেহার তে সেটেরেনাকু, মন্ডলী হেৎদ কুলিচ কু হেৎদ মুরুব্বিকু ইঙ্কূকে আতাং দারমকেৎ কুয়াকু হেৎদ ঈশ্বর ইঙ্কূ লঅ তাহি কাতেন অকা কামি করাতাৎ আয় ইনা যতগে গামকেৎ কুয়াকু।

5মেন্খান ফরিশী দল হাতেন কথক হড় পাতিয়ান তিঙ্গুয়েন তেকু গাম লাগায় নাকু, ইঙ্কূ য়া সুন্নু চুটি -গেৎ কুঠিন জরুর তানা হেৎদ মোশি রাঃআ যত আরিচালি মানা বাতা রাঃআ হুকুম এম হুইওকা।

6এন্তে নিয়া বাবত তে আলোচনা নাতিনাং কুলিচ কু হেৎদ মুরুব্বিকু হুন্ডিনাকু।

7হেৎদ গাদা নিপিয়ায় হুইরাঃআ তায়মতে পিতর বিরিদ কাতে তিঙ্গুইয়েন্তে ইঙ্কূকে গামাৎ কুয়ায়্য় য়, এ হাগাকু, আপে সারিয়াপে যে, গাদামাহা মাড়াঙতে ঈশ্বর আপেয়া তালা হাতেন ইঞকে বাছা তিঞায়, যেন ইঞা মচা হাতেন বিনইহুদিকু বুগিন বার্তা রাঃআ জাগার নিশ্চয়ই আয়ুমে কাআকু হেৎদ পাতিয়া কাআকু।

8ঈশ্বর, অকয় হৃদয় রাঃআ অন্তঃকরণ সারিয়ায়, ইনি ইঙ্কূ য়া পক্ষে লুকুন্দী এমতাৎআয়, আলেকে চিল্কা, ইঙ্কূকেহঅ এনকা রীলামালা আত্মা রীলামালা আত্মা দানা তাৎ কুয়ায়্য় য়;

9হেৎদ আলেয়া হেৎদ ইঙ্কূ য়া তালারে যাহানা বিশেষ বাছবিছ কায় দঃহ তাৎআয়, পাতিয়া দিয়াতে ইঙ্কূ য়া অন্তর রীলামালা তাৎআয়।

10এন্তে আপে নাহা চিয়া ঈশ্বর রাঃআ বিডায়ই তানাপে, চেলাকু রাঃআ তারানরে আরাড় চিয়া লাদি তানাপে, অকারাঃআ হাম্বাল চি আলেয়া আপুইঞ-বুঢাইঞতুকু চি আলে গঃঅ দাড়িয়ালে।

11মেন্খান আলে পাতিয়ালে ইঙ্কূ চিল্কা, আলেহঅ এনকা প্রভু যীশু রাঃআ দায়া-দুলাড়তে রুক্ষীয়া নামেয়ালে। 12ইন্তং যতচ দরবাররে থিরথারেনাকু, হেৎদ বার্ণবা হেৎদ পৌল রাঃআ হরকাতে বিনইহুদিকুরাঃআ তালারে ঈশ্বর কিনা কিনা চীনহা-কামি হেৎদ হাহাড়া লক্ষণ পুরাতাৎআয়, ইনা রাঃআ বিবরণ ইঙ্কূ য়া হান্ডে হাতেন আয়ুমে কেনাকু।

13ইঙ্কিনাআ থুতি চাবা তায়মতে, যাকোব উত্তর এমকাতে গাম এহব কেয়ায়্য়, হাগাইঞ কু ইঞা থুতি আয়ুমেপে।

14ঈশ্বর নিজে রাঃআ নুতুম রাঃআ নাতিনাং বিনইহুদিকু রাঃআ তালা হাতেন মিৎ দল হড়কে আতাং রাঃআ দিশা চিল্কা মাড়াঙ ইঙ্কূকে আশীষ লাৎ কুয়ায়্য়, ইনা কুদ শিমোন ব্যখ্যা কেয়ায়।

15হেৎদ ভাবি জাগারিজ কুরাঃআ জাগার ইনি লঅ মেশা মেনাআ, চিল্কা শাস্ত্র রে অল মেনা,

16নিয়া যত রাঃআ তায়মতে ইঞ রুয়াড় হিচ য়াইঞ, দাউদ রাঃআ নুর-উয়ু গিডিয়াকান পারগানা অট বাইয়েআইঞ, যত লান্দুড় থাং অটঅ বাইয়েআইঞ, হেৎদ দোহরা তিঙ্গুয়াইঞ,1

17এন্তে, বাকি যত হড় যেন প্রভুকে পাঞ্জাই কাআকু হেৎদ অকা জাতি রাঃআ চেতাংরে ইঞা নুতুম কীর্ত্তিত হুইয়াকানা, ইঙ্কূ যেন যতচ পাঞ্জাই কাআকু।

18প্রভু নিয়া থুতি গামেয়ায়, অকয় মুশিং হাতেন নিয়া যত বাবত সারিআয়।2

19এন্তে ইঞা দরবার নিয়া যে, অকয় এটা জাতি অইহুদি কুরাঃআ তালা হাতেন ঈশ্বর হান্ডে রুয়াড় হিচয়াকু ইঙ্কূকে আলে কালে কষ্ট এমাকুয়ালে,

20মেন্খান ইঙ্কূ কে অলকাতে কুলকুয়ালে, যেন ইঙ্কূ হাসা ঠাকুর বাবদতে অছুথী তা, হড়মো লটম, হটটিপা কাতেন গজাকান পশুকু রাঃআ জিলু হেৎদ মায়ম হাতেন সাঙ্গীনরে তাহিন কাআকু।3

21চিয়াচি মিমিৎ শেহার রে কূলপিড়ি হাতেন মোশি রাঃআ নাতিনাং এনকান হড় মেনাআ কুয়া, অকয় ইনিকে পাসনা য়াকু হেৎদ মিমিৎ ঝিরা মাহারে সমাজ অড়াকুরে ইনিরা পুথি পড়হা হুইও তানা।

অইহুদি পাতিয়ান কু রাঃআ হান্ডে গিরা।

22ইন্তং কুলিচ কু হেৎদ মুরুব্বিকু মাড়াঙরাঃআ যত মন্ডলীরাঃআ দেঙ্গাতে, নিজেরাঃআ তালা হাতেন বাছায়ান কথক কথক হড়কুকে, অর্থাৎ বার্শবা নুতুমতে পরিচিত যিহুদা হেৎদ শেলাস, হাগাকু রাঃআ তালারে পরিচিত নিকিন বার হড়কে পৌল হেৎদ বার্ণবা লঅ আন্তীয়খিয়াতে কুল নাতিনাং লাক্তি আটকার কেৎয়াকু ;

23হেৎদ ইঙ্কূ য়া তিহিরে নেএনেকা অল কুলকেৎয়াকু আন্তীয়খিয়া শেহার, সুরিয়া দিসুম হেৎদ কিলিকিয়া মুলুক রিঙ্কূ অইহুদি হাগাকু রাঃআ হান্ডে কুলিচ হেৎদ মুরুব্বি হাগাইঞ কুকে জোহার।

24আলে আয়ুম কেৎয়ালে যে, আলে অকয়কে যাহান সুন্নু চুটি -গেৎ হুকুম কালে এমতাআকুয়া, ইঙ্কূ কথক হড় আলেয়া ভীতির হাতেন সেন কাতেন থুতি রাঃআ হরকাতে আপেয়া জিউ চঞ্চল কাতে আপেকে চিন্তারে দঃহঅতাৎ পেয়াকু।

25নিয়া মেন্তে আলে মিৎ মদেন্তেকু কথক হড়কে বাছাতাৎ কুয়ালে হেৎদ আলেয়া দুলাড়িয়া যে, বার্ণবা হেৎদ পৌল,

26আবুয়া প্রভু যীশু খ্রীষ্ট রাঃআ নুতুম রাঃআ নাতিনাং মনে জিউতে কুরুমুটু তানাকু, ইঙ্কূ লঅ ইঙ্কূ এ আপেয়া হান্ডে কুল লাক্তি মনেক কেয়াইঞ।

27এন্তে বার্সাবাস যিহুদা হেৎদ শেলাশ কেহঅ কুলকেৎ কিনালে নিকিন হঅ আপেকে নিয়া যত বাবত গামা পেয়াকু।

28চিয়াচি রীলামালা আত্মা রাঃআ হেৎদ আলেয়া নিয়াগে বেশ মেন্তে মনে কেয়ালে, যেন নিয়া চিমিনটা জরুরী বাব্ত্ত ছাড়া আপেয়া চেতাংরে যাহানা হাম্বাল আল এমেকালে,

29ইনাতে হাসা ঠাকুর প্রসাদ হেৎদ মায়ম হেৎদ হট টিপাকাতে গজাকান জিয়ানকু রাঃআ জিলু হেৎদ হড়মো লটম হাতেন সাঙ্গিনরে তাহিনো আপেয়া লাক্তি তানা; নিয়া যত হাতেন নিজেকুকে সাঙ্গিনরে দঃহ লেংখান আপেয়া মঙ্গল হুইওয়া।4

30এন্তে ইনকিন, কয়্তুকা হাতা কাতে আন্তীয়খিয়াতে হিচেনা কিন হেৎদ হড়কুকে হুন্ডিকেৎ কুতেকিন গিরা সেকাম এমকেৎ কুয়াকিন।

31গিরা পড়হা তায়ম ইঙ্কূ ইনা জিউ রাড়েজ রাঃআ থুতিতে।

32হেৎদ বার্সাবাস যিহুদা হেৎদ শেলাস নিজেহঅ ভাবি জাগারিজ তাহিন কেনাকিন মেন্তে, গাদা থুতিতে হাগাকুকে আশ্বাস এমকেৎ কুয়াকিন হেৎদ থির-থারকেৎ কুয়াকিন। 33কথক মাহা এনথাংরে তাহি তায়ম, অকয়কু ইঙ্কিন কে কুললাৎ কিনাকু, ইঙ্কূ য়া হান্ডে সেন রুয়াড় নাতিনাং ইঙ্কিন হাগাকুরাঃআ হান্ডে হাতেন ইঙ্কিন সুলুক তেকিন কয়্তুকা হাতাকেয়াকিন।

34যীশু ইঙ্কূ কে গামকেৎ কুয়ায়্য়, আপেয়া হান্ডে চিমিনটা পিঠা মেনা? ইঙ্কূ গামকেৎয়াকু, সাতটা, হেৎদ কথক হুডিং হাকু।

35মেন্খান পৌল হেৎদ বার্ণবা আন্তিয়খিয়া শেহার রে এটা গাদা হড়কু লঅ তাহিনাকিন, কদেরে ইঙ্কিন প্রভু রাঃআ জাগার চেচেদ এমেৎকেনা কুয়াকিন হেৎদ বুগিনবার্তা পাসনাৎ কেনাকিন।

পৌল হেৎদ বার্ণবা ভিন্নায় নাকিন

36কথক মাহা তায়মতে পৌল বার্ণবাকে গামকিয়ায়, দঅ আলং অকা যত শেহার রে প্রভু রাঃআ জাগার পাসনা লাআলাং, ইনা যত শেহার রে রুয়াড় সেনকাতে হাগাকুকে পরিচর্চা কুয়ালাং হেৎদ নেললিকুয়ালাং ইঙ্কূ চিল্কা মেনাকুয়া।

37হেৎদ বার্ণবা নানামেনায়, যোহন, অকয়কে মার্ক গামিয়াকু ইনিকেহঅ সঙ্গেতে ইদি ধরাইয়ায়।

38মেন্খান পৌল মনেকেয়ায় অকা হড় পামফুলিয়া মুলুক রে ইনিকিন বাগিগিডি কাতেন সেনলেনায় হেৎদ ইনিকিন লঅ অটঅ কামি কায় সেনা কানায় ইনি মার্ককে সঙ্গেতে ইদি গটা কা হুইওয়া।

39ইন্তং ইঙ্কিন তালারে মনরাঃআ মেল কা হুইলেনা, এন্তে ইঙ্কিন আপান-আপিন ভাগে নাকিন; হেৎদ বার্ণবাস মার্ককে সঙ্গেতে ইদিকিয়তে জাহাজতে কুপ্রেঢিপতে সেনে নাকিন;

40মেন্খান পৌল শেলাস কে বাছাকিয়ায় হেৎদ হাগাকু রাঃআ দ্বারায়তে প্রভু রাঃআ দায়া-দুলাড়তে সম্পানতে কয়্তুকা হাতাকেয়ায়।

41হেৎদ ইনি সুরিয়া হেৎদ কিলিকিয়া হরকাতে সেন সেনতে মন্ডলীকে সুস্থির হেৎদ কেটেজ কেৎকুয়ায়্য়।