Biblica® Open Nkanda wu Moyo, Nguizani Yimona ayi Minkunga 2002
Minkunga 15
Nani wulenda zinga ayi Nzambi
Nkunga Davidi.
A Yave, nani wulenda vuanda mu nzo aku yi ngoto e ?
Nani wulenda zinga ku mongo aku wunlongo e ?
Woso mutu wundiatanga mu kambu tsembolo,
wumvanganga mambu ma busonga
ayi wuntubanga mambu ma kiedika
mantotukanga mu ntimꞌandi.
Katubidilanga ko batu mu ludimi luandi ;
Kavangilanga ndiandi mambimbi ko
ayi kabivisanga nzitusu wu ndiandi ko.
Weti lenza mutu weti vanga mambimbi
Vayi wunzitisanga bobo bankinzikanga Yave.
Wunkebanga zindefi ziandi.
Ka diambu ko yela kummonisa phasi.
Katombanga ndandu ko va yilu zimbongo
ziozi kadevisa.
Ayi kakikininanga ko makaba mu diambu di
bedisa mutu kambulu zaba diambu.
Woso wumvanganga mambu momo
kalendi nikunu ko.
Biblica® Open Nkanda wu Moyo, Nguizani Yimona ayi Minkunga 2002. Copyright © 2002 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.