Biblica® Open Nkanda wu Moyo, Nguizani Yimona ayi Minkunga 2002
Minkunga 14
Nza yidi yi biva
Nkunga Davidi kuidi pfumu minyimbidi.
Nkua buvulu wuntubanga mu ntimꞌandi ti :
Kuisiko Nzambi !
Baki bivisidi,
mavanga mawu madi mambimbi ;
kuisiko mutu wumvanganga mamboti.
Yave, ku yilu ku kadi, wulembo tadi bana
ba batu mu tala kani wulenda mona wumosi wunsundika,
kani wumosi wuntombanga Nzambi.
Baboso bavengama ayi bamana kibivisa va kimosi ;
kuisiko mutu wumvanganga mamboti,
kadi mutu wumosi.
Batu boso bamvanganga mambu mambimbi basi nzayilu ko e ?
Bobo balembo dia batu bama, banga batu bandia dipha
ayi bobo batelanga dizina di Yave ko.
Buna kuna bela tita mu diambu di tsisi
bila Nzambi widi va khatitsika
dikabu di batu basonga.
Beno mimvangi mi mambimbi,
lulenda vunza zikhanu zi nsukami.
Vayi Yave niandi suamunu kiandi.
A enati phulusu yi Iseli
yitotukila ku Sioni !
Mu thangu Yave kela vutula kiuka ki batu bandi
Bika Yakobi kamona khini ayi Iseli kayangadala.
Biblica® Open Nkanda wu Moyo, Nguizani Yimona ayi Minkunga 2002. Copyright © 2002 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.