Biblica® Open Nkanda wu Moyo, Nguizani Yimona ayi Minkunga 2002
Minkunga 141
Bika wutsimba mu koko kuaku
Nkunga Davidi.
A Yave, ngeyo nditela ; yiza nsualu kuidi minu.
Wa mbemboꞌama mu thangu ndilembo kutedi.
Bika lusambulu luama luba va ntualꞌaku banga ansa1
bika mvumbudulu yi mioko miama yiba banga dikaba di masika.
Tula nsungi va munu ama, a Yave ;
keba bumboti muelo wu bididi biama.
Kadi yinika ntimꞌama ku mambimbi,
mu baka kuku mu mavanga mambimbi
va kimosi ayi bamvanganga mambimbi ;
kadi tala ti ndidia bidia biawu bidi lueki.
Bika mutu wusonga kambeta, diodi didi dimboti ;
bika kathemina, diodi didi mafuta va ntuꞌama ;
ayi ntuꞌama wulendi manga mawu ko.
Muaki lusambulu luama luela nuanisanga mu zithangu zioso
mavanga ma batu bamvanganga mambimbi.
Minyadi miawu miela lozo ku tsi tona ku yilu ngumbu
ayi batu bambimbi bela longuka ti mambu mama ndituba,
matubu bumboti.
Bela tuba : “mutu bu keti kabila ntoto ayi vasila ntoto
buawu bobo mimvesi mieto mididi misasakana
va muelo tsi bafua”.
Vayi meso mama madi kaka kuidi ngeyo Yave,
mutu wumvanganga makazodidi
Kuidi ngeyo ndintombila suamunu,
kadi kundiekula mu lufua.
Wukheba mu makondi bathambila
ayi mu mintambu mitula batu bamvanganga mambimbi.
Bika batu bambimbi, babua mu makondi mawu veka
vayi minu ndiviokila vawu mu luvovomo.
Source notes (1)
- Footnote ansa : Tala Matayi 1.11.
Biblica® Open Nkanda wu Moyo, Nguizani Yimona ayi Minkunga 2002. Copyright © 2002 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.