Biblica® Open Nkanda wu Moyo, Nguizani Yimona ayi Minkunga 2002
Minkunga 101
Kukiyekula mu nuanisa mambimbi
Nkunga Davidi.
Ndiela yimbidila luzolo luaku ayi busonga ;
Kuidi ngeyo ndiela yimbidila minzitusu.
Ndiela lubaka mu diatila mu luzingu lukambulu tsembolo.
Thangu mbi wela kuiza kuidi minu e ?
Ndiela diatila mu nzo ama
mu ntima wukambulu tsembolo.
Ndilendi tula ko va ntuala meso mama
kadi kima kimosi ko kimbimbi.
Ndieti lenda mavanga ma bobo
bakambulu bakuikama
malendi kundama ko.
Batu badi mintima mi mbimbi thama bela kuthatukila
ndilendi vanga kadi diambu dimosi va kimosi ayi mambimbi
Woso wuntubidila mutu fikimini yandi mu kinsueki,
ndiela ku ntula dio sui.
Woso widi meso ma lunangu
ayi widi ntima wu luniemo ;
ndilendi ku nzingisa kuwombo ko.
Meso mama mela ba va mikhuikizi
mi tsi muingi bakalanga yama ;
woso wundiatila mu kambu tsembolo, wela kutsadila.
Kadi mutu wunsadilanga bukhita
lenda vuanda mu nzo ama.
Kadi mutu wuntubanga luvunu lenda telama
va meso mama.
Kadika nsuka, ndiela tula dio sui
batu boso bambimbi badi va ntoto ;
ndiela lalikisa kisadi kioso ki mbimbi
mu divula di Yave.
Biblica® Open Nkanda wu Moyo, Nguizani Yimona ayi Minkunga 2002. Copyright © 2002 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.