Mikunga 23

Yave kele Muvungi ya munu

1Mukunga ya Davidi.

Yave kele Muvungi ya munu,

mu ke kondwa kima ve.

2Yandi ke pemisaka munu na matiti ya maza,

yandi ke nataka munu na maza ya kuzuna

3Yandi ke pesaka mwela ya munu ngolo,

yandi ke twadisaka munu na banzila ya ludedomo,

samu na Nkumbu ya yandi.

4Ntangu mu ke tambulaka na mudimba ya mpewo ya lufwa,

mu ke talaka boma ve, samu ti nge kele na munu.

Mukawa na yinti ya nge ya Muvungi ke kebaka munu.

5Nge me kubika mesa samu na munu

na mantwala ya mitantu ya munu.

Nge me dukula munu mafuta na yintu,

mbungu ya munu me fuluka,

mafuta ke na kumwangana.

6Ya tsyelika, buyenge mpe bumbote ke vwanda na munu

bilumbu nyonso ya luzingu ya munu.

Mu ke vutuka dyaka na Yinzo ya Yave

bilumbu nyonso ya luzingu ya munu.