Skip to content
BibleKenya

Dao Ao Dai Literal Text

Hinđ-yangh 4

Tăng wa, yaz mangc songđ phătc, ah tungđ jeengh coib goib yămz wa guungh, yaz numđ zetx zâux wac stingb coong ănz yaz, cayx năngđ blungh blex stingb nâyx, coong: “Oix zuc staox nây taih, Yaz six phunz mâyh phătc cah đangz phanx zuc setb taih nyăngz dlayc.” Lênh dlih, Singx-Lingh taih cun yaz, yaz songđ mangc phătc, ah nomz huungh tinc yămz wa guungh! Yâuc naih ah Tauh stâyv wa huungh tinc. Stâyv wa huungh tinc wax Tauh quai eeng cayx năngđ njăuz zâuz meengz buđ cloon njăuz zâuz stib tâuf, yâuc naih ah tauh côngz cangx quinb wa huungh tinc quai cayx năngđ njăuz zâuz meengz imz nâyx. Wax nomz huungh tinc naih nhlic săpc stâyx nomz tinc quib nzêux, yâuc naih nhlic săpc stâyx lanh munh côx zuz guyz đao pec stâyv wax đomc tinc, stiz nyăngz pyây yâuc đongx sămz tany. Tăng wa huungh tinc naih wax đomc bungh bitc tâuf nzăpc nzăpc têx cloon bah congz buib buib buib têx. Naih nhlic zây toongz tâuf jinh đangh sac yămz wa huungh tinc cah đangc, six Zâu Tênb-Huungh nyăngz nhlic nomz mengc hoonh. Yămz wa huungh tinc cah đangđ naih cayx năngđ ah nomz coiđ đăngb zeengh, năngđ canyx nâyx, nzof yămz wa huungh tinc mungh tongx cloon wa huungh tinc cah sinh six naih pyâyz tauh săngh nyăngz tax huungđ, naih mâyc pong nzuf, njinh cah đangc cloon cah đangz. Zetx tauh săngh nyăngz tax huungđ six cayx năngđ njanh zongh, tah nyâyc tauh săngh nyăngz tax huungđ six cayx năngđ ngoongh wăngh câu, tah stamz tauh săngh nyăngz tax huungđ naih minb cayx năngđ bamh munh, nzof tah stâyx tauh săngh nyăngz tax huungđ six cayx năngđ clang lub jinh đangh đayv nâyx. Wa pyâyz tauh săngh nyăngz tax huungđ, muif tauh naih joz leepz đatz quib nzêux, cah njaf naih mâyc pong nzuf, noib munf stiz coong max setc tinyh, coong:

“Đăngb zeengh, đăngb zeengh, đăngb zeengh six Zâu, naih jab nyăngz Zâu Tênb-Huungh,

senz cah đangc yămz, nâyx zanyf yămz, cah đangz năngx taih wax Tauh.”

Laiv zanyf wax đomc săngh nyăngz tax huungđ stungx gwăngz eeng, zanyb saix, cloon sâuf hâuđ nyăngz wac phunz stâyv wa tinc wax Tauh, six stâyv quâyx săngh tauv banc stâyv banc đaic wax Tauh, wa nhlic săpc stâyx lanh munh côx songđ puc nzac stâyv wa huungh tinc wax Tauh nyăngz cah đangc ninyh, yâuc paix bongc stâyv quâyx săngh tauv banc stâyv banc đaic wax Tauh, stiz quanyf stiz nyăngz tany ănz wa huungh tinc cah đangc, yâuc coong:

“Zâu lex, buz nyăngz Zâu Tênb-Huungh,

Mâyh senz payh tuz stipx gwăngz eeng, tuz zanyb saix, cloon tômx jab,

wâyc Mâyh zuyx muif huungđ taih;

yâuc âyz Mâyh nyăngz zux ix buz bix tuz naih, yâuc tuz zuyx taih.”

Dao Ao Dai Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.