Dao Ao Dai Literal Text
Ma-tai 3
Yămz wax đomc noib, Yô-hanx Quaix-gâyf, ninyh wa stâyz phangz blănf nzônh gâyf yămz Yu-đê stâyz phangz, coong: “Oix zuc nhlimc stoif, wâyc Tênb-toongh côkz taih tauv stătx.” Nây six tâuc wac munh I-sa-ya coong tauv wax tauh, nănh coong:
“Naih munh yămz wa stâyz phangz blănf hamv stingb lub coong:
‘Oix zuc bênc săngh Zâu nyăngz jau,
Nănh nyăngz jau oix zuc ayx năngx yenh.’”
Nâyx tauh Yô-hanx zuz nyăngz guyz quav six nongc maf loh pyâyz ayx taih, nongc đupx ayx quav langb stayb clai, nănh nyăngz nhlinc hopb six jeengz đekx cloon jêmh nyăngz mâyf toongh. Wax zanyf Yê-lu-sa-lem dlanyh nyăngz songx munh, cloon yămz nzêux Yu-đê stâyz phangz yămz stătx Njoh-đen wăngx wax đomc, tinyh đoih ninyh Yô-hanx wa, stiz nhlimc stoif wax zanyf, stiz tuz Yô-hanx ayx quaix-gâyf yămz wa Njoh-đen wăngx. Tauv mangc phătc đuungx lanh Pha-li-si munh cloon Sa-đu-si munh taih wâyc stiz oix tuz ayx quaix-gâyf, Yô-hanx coong ănz stiz: “Nyâuh lâyc đomc nangz meengz nyăngz sây stunz lex! Mănv bux nyâuh tiuv đutb cayx zuc tingc stoif nyăngz jau heh? Wâyc nây, oix zuc ayx năngx hoopđ payh tuz coong nyâuh senz coi nyâuđ nhlimc stoif. Nyâuh yâuc năngx gâyf nyâyh ayx nzetx lub bix lanh coong ănz lanh: ‘Pănh naih claof jex Apx-la-ham.’ Yaz coong ănz nyâuh năngđ nây nâyx, Zâu Tênb-Huungh hayh ayx phunz nâyx đomc njăuz, phutx săngh Apx-la-ham nyăngz sây stunz. Nâyx zanyf pâu bâyf pob wa njăngx đuungh nzof. Wâyc nây, muif zâyz njăngx năngđ coong laiv zâyz max săngh pyâu gongx six zuc coix nzac bix quanyf ănz tâuf. Yaz nongc womz ayx quaix-gâyf phunz nyâuh, coong tauv nhlimc stoif nyăngz jau. Six taih đangz yaz wax Tauh năngx naih jab naih lanyf têx yaz, yaz cloon wax Tauh yaz six ah lanh lôx max payh tuz ninyv Nănh nyăngz stub. Nănh six nongc Zâu Singx-Lingh cloon tâuf ayx quaix-gâyf phunz nyâuh; Nănh nyăngz puf nzauf săngb, Nănh six nyumv dlăngc Nănh bopc nyăngz blauh, zoz zub ănz nzac Nănh nyăngz njămf ninyh. Six buib cloon bah gao, Nănh nongc stâyv quâyx max hayh tayc nyăngz tâuf pu.”
Wax zanyf, Zâu Yê-su tăng Ga-li-lê ninyh wa Njoh-đen wăngx, Yô-hanx wa, oix tuz Yô-hanx ayx quaix-gâyf phunz. Six Yô-hanx njinh luh cangđ Nănh, coong: “Yaz nzăngđ hoopđ zuc tuz Mâyh ayx quaix-gâyf phunz, Mâyh zef năngx taih êu yaz heh?” Six Zâu Yê-su tauz nănh coong: “Nâyx zanyf, phanv ayx nâyx gôh, pănh oix zuc ayx muif huungđ peengh stimz nyăngz jau năngx clăkx clunh nzuf.” Tăng wa Nănh phunz Yô-hanx ayx. Wax zanyf, ayx quaix-gâyf, Zâu Yê-su tăng womz ah setb taih wax zanyf, phanv mangc, muif tab guungh jeengh coib goib phunz Nănh, Nănh mangc phătc Zâu Tênb-huungh nyăngz Singx-Lingh nzac taih cayx năngđ nooc bah côz nâyx, taih bopb Nănh, phanv mangc, naih stingb yămz wa guungh coong: “Nây six Yaz stăngz nyăngz Toonz. Yaz senz numđ nyađ nâyx tauh Sây.”
Dao Ao Dai Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.