Ma-tai 1

1Zâu Yê-su Jix-Tuz nyăngz stu stongz, Đa-witx nyăngz sây stunz, cloon Apx-la-ham sây stunz: 2Apx-la-ham steengb I-sakx, I-sakx steengb Ya-côpx, Ya-côpx steengb Yu-đa cloon nănh nyăngz yâuf pez, 3Yu-đa cloon nănh nyăngz au Ta-ma steengb Bê-lêtx cloon Zê-la, Bê-lêtx steengb Hêtx-lôn, Hêtx-lôn steengb Lam, 4Lam steengb A-mi-na-đapx. A-mi-na-đapx steengb Na-soon. Na-soon stengb Sanx-môn. 5Sanx-môn cloon nănh nyăngz au La-hapx steengb Bô-atc, Bô-atc cloon nănh nyăngz au Lu-tê steengb Ô-bêtc, Ô-bêtc steengb Jêtc-si, 6Jêtc-si steengb Đa-witx huungh, Đa-witx cloon U-đi nyăngz au steengb Sa-lô-môn.

7Sa-lô-môn steengb Lê-hô-bô-am, Lê-hô-bô-am steengb A-bi-ya, A-bi-ya steengb A-sa, 8A-sa steengb Yê-hô-sa-phatx, Yê-hô-sa-phatx steengb Yô-lam, Yô-lam steengb Utc-si-ya. 9Utc-si-ya steengb Yô-tam, Yô-tam steengb A-hatx, A-hatx steengb Hê-sê-ci-ya, 10Hê-sê-ci-ya steengb Ma-natb-se, Ma-natb-se steengb A-môn, A-môn steengb Yô-si-ya, 11Yô-si-ya steengb Yê-cô-ni-ya cloon nănh nyăngz yâuf pez, toix stiz zuc luiđ pyăux ninyh Ba-bi-lôn.

12Zuc pyăux ninyh Ba-bi-lôn blătc, Yê-cô-ni-ya steengb Sê-an-ti-ên, Sê-an-ti-ên steengb Sê-lup-ba-bên, 13Sê-lup-ba-bên steengb A-bi-yut, A-bi-yut steengb Ê-li-ya-cim, Ê-li-ya-cim steengb A-sô, 14A-sô steengb Sa-đok, Sa-đok steengb A-cim, A-cim steengb Ê-li-ut, 15Ê-li-ut steengb Ê-lê-a-sa, Ê-lê-a-sa steengb Mat-tan, Mat-tan steengb Ya-côpx, 16Ya-côpx steengb Yô-sepx, Ma-li-ya nyăngz langh. Tăng Ma-li-ya, Zâu Yê-su, tuz hipđ ayx Zâu Jix-Tuz wax tauh tuz steengb taih. 17Năngđ nây, muif stâyv, stâyv stipx stâyv staox taih, tăng Apx-la-ham tauv Đa-witx six săpc stâyx stâyv, Tăng Đa-witx tauv zuc luiđ pyăux ninyh Ba-bi-lôn six săpc stâyx stâyv, zef Tăng zuc luiđ pyăux ninyh Ba-bi-lôn tauv Zâu Jix-Tuz six săpc stâyx stâyv.

18Zâu Yê-su Jix-Tuz steengb stâyv nyăngz jau lâuc six năngđ nây nâyx, Zâu Yê-su nyăngz nzif, Ma-li-ya, cloon Yô-sepx nyunc tinyh zoz, six stiz max zeengx tinyh cloon phâyx tiny, năngđ naz Ma-li-ya zef max cungb stinb six tăng Zâu Singx-Lingh taih. 19Yô-sepx, Ma-li-ya nyăngz langh, six munh gongx munh, wâyc max oix toongx songx lutb Ma-li-ya nyăngz minb mâyc, nănh songđ cayx đa nimx nimx ninyh queengx max nongc Ma-li-ya. 20Six nănh jinh đangh nyâyh nâyx đomc jau, six phanv mangc, naih Zâu nyăngz stinz munh hinđ setb taih pongh nănh yămz ah tauh bâyx, bux nănh coong: “Đa-witx nyăngz sây stunz Yô-sepx lex, mâyh năngx gâyf nzêmh bix max nongc Ma-li-ya ayx au, wâyc nănh naih wax tauh sây six tăng Zâu Singx-Lingh taih. 21Nănh six steengb tuz ah lanh toonz, mâyh six zuc oonz wax lanh sây bux hipđ ayx Yê-su, wâyc wax tauh sây six njâuv nănh nyăngz pec stingx gâyh đutb stiz nyăngz stoif.” 22Nâyx đomc dlayc setb taih six tuz toix nzuf cah đangc Zâu nongc tâuc wac munh coong nyăngz wac, coong:

23“Phanv mangc, naih ah lanh munh sab đăngb, nănh six naih stinb steengb tuz ah lanh toonz. Munh oix oonz wax lanh toonz nyăngz manyh bux hipđ ayx I-ma-nu-ên” — âyz gâyf six coong “Zâu Tênb-Huungh cloon pănh yămz.”

24Tauv điub taih, Yô-sepx ayx âyz năngb năngđ Zâu nyăngz stinz munh bux nyăngz wac, songđ zoz Ma-li-ya lauf nongc ayx nănh nyăngz au. 25Six nănh max cloon Ma-li-ya songc tinc phâyx, tuz tauv Ma-li-ya steengb ah lanh toonz. Nănh songđ oonz wax lanh sây bux hipđ ayx Yê-su.