Skip to content
BibleKenya

Dao Ao Dai Literal Text

Ma-cô 2

Phunb đangz lauf wa Ca-bê-na-um dlanyh cah njaf batz noib cah đangz. Songx munh pâyz tuz coong Nănh yămz wa pyau. Munh đuungx songđ taih căpx dlonf ayx tuz max naih tinc yămz, hănđ wa jeengh ninyh lauf yâuc max naih tinc cuungv, Zâu Yê-su songđ nzaox gâyf phunz stiz mungv. Naih ah đomc munh taih Nănh wa, ênz cloon ah lanh munh quac taih, naih pyâyz lanh munh zeengz. Wâyc munh hongđ nzongf max hayh ninyh tauv stătx Zâu Yê-su, stiz songđ zeb toix Zâu Yê-su yămz cah zâyc wax đomc tungh homđ, ayx tuz naih cotb, stiz songđ pungx munh quac cloon nănh phâyx wax cuib siu nzac taih. Phătc stiz nyăngz zen stimz, Zâu Yê-su songđ coong ănz munh quac: “Sây lex, mâyh nyăngz stoif tuz quanyf nzof gôh!”

Six wax đomc nzaox gâyf stênx steengb, năngx jinh stâyv yămz wa nyâyh ănz nyâuđ. “Săngh laix tauh munh bix coong năngđ nâyx? Tauh munh senz coong pamf! Blătc nzuf Zâu Tênb-Huungh ah lanh, mănv naih lanyf quanyf tuz stoif?”

Zâu Yê-su nyăngz stimz nyâuđ songđ pâyz coong stiz jinh đangh nyâyh ayx năngđ nâyx, Nănh songđ coong ănz stiz: “Săngh laix nyâuh bix nyâyh lâyc đomc ănz nyâuđ? Coong ayx laix ănz munh quac six năngx hâyđ têx, ‘Mâyh nyăngz stoif tuz quanyf nzof gôh!’ max six coong ‘Nyoongz quef, đamz mâyh nyăngz siu muf!’? Six phunz nyâuh pâyz tuz coong, Bamh Munh yămz nây bamh canz naih lokc jangx quanyf stoif”, Nănh coong bux munh quac: “Yaz bux mâyh, oix zuc nyoongz quef, đamz mâyh nyăngz siu, bix muf mâyh nyăngz pyau.”

Tăng wa nănh songđ nyoongz quef lênh dlih đamz siu, quaix munh tinyh đoih cah đangc muf, ayx tuz munh tinyh đoih numđ nyâyc ganc songđ tanv Zâu Tênb-Huungh, coong: “Pănh max zeengx naih laiv zanyf phătc nâyx đomc dlayc năngđ nâyx.”

Zâu Yê-su zef quaix coiđ sinh ninyh, naih munh đuungx taih Nănh wa, Zâu Yê-su songđ nzaox nănh stiz. Jinh đangh pitb quaix ninyh wax zanyf, Zâu Yê-su phătc An-phê-atc nyăngz toonz Lê-wi, stâyv yămz wa sâub sôiv zamf, Zâu Yê-su songđ coong bux nănh: “Taih lêpc yaz gôh!” Lê-wi songđ nyoongz quef, lêpc Zâu Yê-su. Zâu Yê-su năngx jinh đangh yămz Lê-wi nyăngz pyau nhlinc năngv wax zanyf, naih nâyx đomc dlayc setb, naih stâub sôiv munh đuungx cloon stoif nyăngz munh, stâyv wa cloon Zâu Yê-su căn Nănh wax đomc stayb sây nhlinc năngv, wâyc naih munh đuungx lêpc Nănh. Wax đomc nzaox gâyf stênx steengb, six Pha-li-si wax peob munh, phătc Zâu Yê-su cloon wax đomc stoif munh cloon sâub sôiv munh nhlinc năngv, stiz songđ coong ănz Zâu Yê-su nyăngz stayb sây: “Săngh laix Nănh bix cloon sâub sôiv munh cloon naih stoif nyăngz munh nhlinc năngv?” Numđ nâyx đomc wac, Zâu Yê-su songđ coong ănz stiz: “Munh zoongx max sămv zuc mađ stangc, six săngh gumc munh sămv. Yaz max zâyf taih êu munh gongx, six taih êu stoif munh.” Six Yô-hanx wax đomc stayb sây cloon Pha-li-si munh jinh đangh njif nhlinc, nănh stiz songđ taih naic Zâu Yê-su: “Wâyc săngh laix bix Yô-hanx nyăngz stayb sây cloon Pha-li-si munh nyăngz stayb sây njif nhlinc, six Mâyh nyăngz stayb sây yâuc max njif nhlinc?”

Zâu Yê-su coong ănz stiz: “Săngb langh nyăngz zeb munh năngx yămz ayx coonx hinh waz zanyf stiz six max hayh njif nhlinc, zâyf max? Six laiv zanyf săngb langh năngx jinh cloon stiz yămz, stiz six senz max hayh njif nhlinc. Six tauv laiv noib, săngb langh zuc ênz ninyh gâyh stiz blătc, tauv wax zanyf, yămz wax đomc noib, stiz nzăngđ njif nhlinc. Max naih mănv va ah cuib săngb buyx ănz lôx guyz, năngđ coong naih mănv ayx năngđ nâyx, six cungb ayx phunz nyootz wax byenđ guyz nyăngz tungh va tinc byaif, săngb buyx cloon lôx buyx nyăngz tungh va tinc, zef byaif năngx lub têx. Max naih mănv zoz săngb tiu taox ănz lôx đupx tic, six năngđ coong naih mănv ayx năngđ nâyx, săngb tiu six hayh ayx đupx tic byaif, njinh tiu cloon đupx tic zuc tađ nzuf, năngđ nâyx, săngb tiu six ănz săngb đupx tic.”

Toix tingc congz noib, Zâu Yê-su clăngv quaix wax đomc njingh blauh ninyh, jămc jau ninyh wax zanyf Nănh wax đomc stayb sây songđ mătx blauh witx songz. Pha-li-si munh coong ănz Zâu Yê-su: “Mangc geh, săngh laix stiz bix ayx, yămz tingc congz noib max tuz ayx nyăngz dlayc?”

Nănh tauz stiz: “Nyâuh max toc quaix Đa-witx — huungh cloon lêpc nănh wax đomc munh — nyâuđ sab sămv nyăngz săngx huđ nănh stiz ayx laix haz? Ayx năngđ laix Đa-witx bix nzac bongc Zâu Tênb-Huungh nyăngz pyau ninyh yămz A-bi-ya-ta ayx stayb munh pyây wax stâyv, yâuc zoz congx quaix nyăngz nzu nhlinc, wax đomc nzu six max cuib nhlinc, cungb wax đomc stayb munh nzăngđ tuz nhlinc, Đa-witx yâuc tanb phunz cloon lêpc nănh wax đomc munh?”

Nănh coong ănz stiz: “Tingc congz noib njăpc taih six wâyc bamh munh, max zâyf njăpc bamh munh wâyc tingc congz noib. Wâyc nây, Bamh Munh, six ayx tingc congz noib nyăngz Zâu.”

Dao Ao Dai Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.