Skip to content
BibleKenya

Dao Ao Dai Literal Text

Hipđ-lu 5

Wâyc zuc muif lanh stayb munh pyây, six tuz sên tăng songx munh setb taih, wâyc nongc tayv songx munh ayx cumh pâuz phunz Zâu Tênb-Huungh, yâuc nongc stungx jax dlaih cloon stanyb lanyh stav stoif; Nănh lauf naih đoonh nyăngz jau, wâyc nây Nănh songđ hayh hâuđ lênh tauv wax đomc munh oongx cloon ninyh longđ jau nyăngz munh. Yâuc wâyc nâyx, nănh songđ zuc nzâyz stanyb lanyh ninyh congx nongc tayv cănh nyăngz stoif, cloon songx munh nyăngz stoif. Max naih mănv cănh hayh stipx tuz nâyx huungđ cumh pâuz, wâyc cungb Zâu Tênb-Huungh cănh sên taih cuungv, lauf cayx năngđ A-lôn nâyx. Lauf tinyh năngđ, Zâu Jix-Tuz lauf max cănh njăpc Nănh ayx stayb munh pyây. Six tăng coong ănz Nănh wax Tauh coong:

“Mâyh six Yaz nyăngz Toonz;

nâyx noib Yaz steengb Mâyh taih.”

Nzof yămz pitc đoif Nănh zef naih coong:

“Mâyh six ayx stayb munh tauv banc stâyv banc đaic,

âyz năngđ Mên-ci-sê-đek wax phănc nâyx.”

Zâu Jix-Tuz năngx jinh yămz wa stinb a nyăngz săngx huđ, Nănh songđ cloo Zâu hamv stingb lub haoh mâyc womz tuih yâuc joođ naih lanyf hayh njâuv tuz phunz Nănh max zâuđ zuc tayc wax Tauh, yâuc wâyc Nănh stimz nyâuđ gongx, songđ tuz tauz wac. Max cun Nănh six ayx Toonz, Nănh yâuc hoođ mungv wac yămz Nănh zuc tanyđ zâuđ nyăngz jau. Tauv Nănh ayx tuz clăkx clunh nzuf, songđ săngh tuz njâuv nyăngz coonz tay tauv banc stâyv banc đaic phunz yetx stong mungv Nănh nyăngz wac wax đomc munh, yâuc tuz Zâu Tênb-Huungh njăpc taih ayx stayb munh pyây âyz năngđ Mên-ci-sê-đek wax phănc nâyx, coong tauv nâyx huungđ jau têx, pănh naih đuungx huungđ nongc coong nzongf, yâuc pob manyf zâuđ, wâyc zuc nyâuh max zeengx hayh mungv tuz manyh pec. Gâyf hoođ tauv nâyx zanyf nyâuh lôx săngh stênx steengb nzof gôh, six nâyx zanyf yâuc năngx jinh sămv zuc munh zoz Zâu Tênb-Huungh wax đomc gâyf njăng taih nzaox phunz nyâuh, nyâuh năngx jinh sămv zuc hopb nu max zeengx nhlinc tuz năngv! Wâyc zuc laiv lanh cungb hopb nu cuungv, six max zeengx pâyz tuz peengh stimz nyăngz gâyf, wâyc nănh six năngx jinh ayx munh sây jenz. Nzof năngv six nongc phunz munh lub nhlinc, six senz vaic zah hoođ yâuc hayh pâyz tuz laiv huungđ six gongx laiv huungđ six huđ wax đomc munh.

Dao Ao Dai Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.