1 Yô-hanx 5

1Laiv lanh zen coong Zâu Yê-su six Zâu Jix-Tuz, six tuz tăng Zâu Tênb-Huungh steengb taih, nzof laiv lanh stăngz steengb nănh taih wax Tauh, lauf stăngz tăng Nănh steengb taih nyăngz munh. 2Wâyc nây, pănh pâyz tuz coong pănh stăngz Zâu Tênb-Huungh nyăngz toonz sab, six wâyc pănh stăngz Zâu Tênb-Huungh, yâuc âyz Nănh nyăngz lanyf ayx. 3Stăngz Zâu Tênb-Huungh nyăngz jau six năngđ nây, pănh six oix zuc âyz Nănh nyăngz lanyf ayx. Nănh nyăngz lanyf six max zâyf coong ayx max tuz. 4Wâyc laiv lanh tuz tăng Zâu Tênb-Huungh steengb taih, six tuz hingh quaix bamh canz. Nzof tuz hingh bamh canz nyăngz jau, six yămz pănh nyăngz zen stimz. 5Laiv lanh six hingh quaix bamh canz nyăngz munh, ha max zâyf wax đomc munh zen coong, Zâu Yê-su six Zâu Tênb-Huungh nyăngz Toonz wax đomc haz? 6Nây six nongc womz cloon samđ taih wax Tauh: Zâu Yê-su Jix-Tuz — max zâyf cungb nongc womz cuungv, six nongc womz cloon nongc samđ. Nzof Singx-Lingh yâuc cănh ayx zanyx manyf, wâyc Singx-Lingh six senz gâyf. 7Wâyc nây, naih pôz huungđ ayx zanyx manyf: 8Singx-Lingh cloon womz cloon samđ, nzof pôz huungđ yâuc cungb songc ah huungđ. 9Năngđ coong pănh stipx bamh munh nyăngz zanyx manyf, nzof Zâu Tênb-Huungh nyăngz zanyx manyf six năngx nongc sen quaix. Nây six Zâu Tênb-Huungh nyăngz zanyx manyf, Nănh six ayx zanyx manyf coong tauv Nănh nyăngz Toonz. 10Laiv lanh zen păngc Zâu Tênb-Huungh nyăngz Toonz six naih nâyx huungđ zanyx manyf yămz nănh cah njaf. Laiv lanh max zen Zâu Tênb-Huungh, six ayx cayx năngđ cay Zâu Tênb-Huungh coong puv maoh nâyx, wâyc nănh max zen Zâu Tênb-Huungh ayx zanyx manyf coong tauv Nănh nyăngz Toonz wax đomc wac. 11Nây six zanyx manyf wac, six senz Zâu Tênb-Huungh sađ phunz pănh tuz stâyv quâyx nyăngz mengc, nzof nâyx huungđ săngh mengc, six yămz Nănh nyăngz Toonz cah njaf. 12Laiv lanh naih Zâu Tênb-Huungh nyăngz Toonz six naih săngh mengc. Laiv lanh max naih Zâu Tênb-Huungh nyăngz Toonz six max naih săngh mengc.

13Yaz ja nâyx đomc wac phunz nyâuh, six phunz nyâuh pâyz tuz coong nyâuh naih stâyv quâyx nyăngz mengc, senz zen Zâu Tênb-Huungh nyăngz Toonz nyăngz manyh wax đomc munh. 14Nây six pănh senz tuz pungx stimz yămz Zâu nyăngz cah đangc, năngđ coong pănh âyz Nănh nyăngz zux ix joođ toix laiv huungđ, Nănh six mungv pănh. 15Nzof năngđ coong pănh pâyz coong, max cun pănh joođ laiv huungđ Nănh yâuc mungv pănh, pănh lauf pâyz coong pănh tuz stipx, pănh cloo Zâu joođ Nănh wax đomc. 16Năngđ coong laiv lanh phătc nănh nyăngz yâuf pez longđ stoif, bix max zeengx jic tuz zuc tayc, nănh six oix zuc joođ, Zâu Tênb-Huungh nzăngđ sađ săngh mengc phunz wax tauh yâuf pez, nây six coong tauv longđ stoif max zeengx jic tuz zuc tayc nyăngz munh. Lauf naih stoif jic tuz zuc tayc; yaz max zâyf coong êu nyâuh wâyc wax đomc stoif cloo Zâu. 17Muif huungđ max peengh stimz nyăngz jau six stoif nzuf, yâuc naih stoif max zeengx jic tuz zuc tayc.

18Pănh pâyz tuz coong laiv lanh tuz tăng Zâu Tênb-Huungh steengb taih six max longđ stoif, wâyc laiv lanh tăng Zâu Tênb-Huungh steengb taih six cănh leđ tuz nănh, manđ yâuc max hayh hoiđ tuz nănh. 19Pănh pâyz coong pănh six săngh Zâu Tênb-Huungh nyăngz munh, nzof lomc nây guungh đi six yămz manđ nyăngz puf đi nzuf. 20Six pănh pâyz coong Zâu Tênb-Huungh nyăngz Toonz nzac taih, sađ phunz pănh tuz manyh pec, yâuc phunz pănh pâyz tuz Senz nyăngz Wax Tauh. Nzof pănh yâuc yămz Senz nyăngz Wax Tauh cah njaf, six Nănh nyăngz Toonz, Zâu Yê-su Jix-Tuz. Wax tauh Toonz six Senz Zâu Tênb-Huungh, yâuc senz stâyv quâyx nyăngz mengc. 21Sây lex, oix zuc leđ cănh năngx gâyf ninyh paix miuc hanyh.