Skip to content
BibleKenya

Dao Ao Dai Literal Text

1 Cô-lin-tô 8

Coong tauv congx miuc hanyh nyăngz tax huungđ: Pănh pâyz tuz coong pănh muif lanh six naih bănh sangz, six bănh sangz hayh ayx phunz pănh nzetx lub, nzof stăngz nyăngz jau six zâyv quef staox. Năngđ coong laiv lanh laic nănh pâyz tuz tix huungđ, wax tauh munh six max zeengx pâyz năngđ nănh hoopđ zuc pâyz nâyx. Six laiv lanh stăngz Zâu Tênb-Huungh, Zâu Tênb-Huungh lauf pâyz wax lanh. Năngđ nây, coong tauv nhlinc congx miuc hanyh nyăngz tax huungđ: Pănh pâyz tuz coong nây bamh canz nyăngz miuc hanyh six max setb laiv huungđ, nzof blătc nzuf Zâu Tênb-Huungh ah Tauh six max naih laiv tauh manđ đăngb. Manyf naih đuungx huungđ tuz hipđ manđ, yămz cah zâyc guungh max six yămz cah đi nib, cayx năngđ naih đuungx tauh “manđ” cloon đuungx tauh “zâu”, six yămz pănh six cungb naih ah tauh Zâu Tênb-Huungh six Pha, senz ayx coonz muif huungđ wax Tauh, nzof pănh yâuc huungv staox Nănh ninyh, lauf cungb naih ah tauh Zâu, six Zâu Yê-su Jix-Tuz, păngc Nănh bix muif huungđ tuz zuyx taih, yâuc păngc Nănh pănh bix tuz naih.

Six nâyx huungđ bănh sangz max zâyf muif lanh tuz. Wâyc naih đuungx lanh munh tăng cah đangc congx miuc hanyh quênx tauv nâyx zanyf, stiz nhlinc wax đomc tax huungđ six numđ cayx năngđ nhlinc congx miuc hanyh nyăngz tax huungđ nâyx, songđ ayx phunz stiz nyăngz stimz nyâuđ naih wâyx. Nzof, nhlinc hopb six max ênz pănh ninyh yămz stătx Zâu Tênb-Huungh; năngđ coong max nhlinc, pănh lauf max cănh stâyb luungđ, bix năngđ coong nhlinc pănh lauf max cănh tuz luungđ. Six nyâuh oix zuc bôngh stimz, săngx đanyf, nyâuh pungx stimz nyăngz jau bix zef ayx phunz wax đomc đoonh nyăngz munh zuc longđ. Wâyc năngđ coong naih tix lanh phătc nyâuh naih bănh sangz nyăngz munh stâyv yămz wa miuc hanyh pyau nhlinc, ha max zâyf stiz nyâuđ đoonh nyăngz munh zef âyz nyâuh ninyh nhlinc coongx miuc hanyh nyăngz tax huungđ haz? Năngđ nây, tăng mâyh naih bănh sangz nyăngz munh, bix ayx phunz wax lanh nyâuđ đoonh nyăngz munh zuc mêtc, senz Zâu Jix-Tuz tayc tayv nyăngz munh. Nzof, laiv zanyf mâyh ayx longđ cloon cănh nyăngz yâuf pez năngđ nâyx yâuc ayx phunz stiz đoonh nyăngz stimz nyâuđ zuc longđ, mâyh six longđ stoif cloon Zâu Jix-Tuz. Wâyc nây năngđ coong nhlinc hopb bix ayx phunz yaz nyăngz yâuf pez zuc longđ stoif, yaz six nođ stâyv quâyx max nhlinc a, phunz yaz nzăngđ max ayx bâyf yaz nyăngz yâuf pez zuc longđ stoif.

Dao Ao Dai Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.