Dao Ao Dai Literal Text
1 Cô-lin-tô 16:14
Verse 14 is marked below, with the whole chapter around it. Read from the start
Coong tauv goopx nyanh phunz wax đomc đăngb zeengh munh nyăngz jau, nyâuh oix zuc ayx cayx năngđ cay yaz bux yămz wa Ga-la-ti stâyz phangz, wax đomc jiux pangx ayx nyăngz nâyx. Muif nomz gâyf paix nyăngz tah yetx noib, năngđ coong nyâuh laiv lanh munh tuz sađ phunz laiv huungđ jax dlaih bix cănh ston lanyc nzâyz taih goopx, tauv yaz ninyh wax zanyf, nzăngđ max zâuđ goopx luungđ. Tauv yaz ninyh, yaz six paiđ nyâuh sên taih nyăngz munh, nzâyz nyâuh goopx taih nyăngz nyanh cloon yaz nyăngz jenx ninyh wa Yê-lu-sa-lem. Nzof năngđ coong wax cuyb cumh pâuz hoopđ zuc nongc yaz ninyh, stiz six lauf cloon yaz ninyh. Six yaz clăngv quaix wa Ma-si-đô-ni stâyz phangz muf tuz. Yaz nzăngđ ninyh nyâuh wa, wâyc yaz zuc clăngv quaix wa Ma-si-đô-ni stâyz phangz muf. Nzof naih dlih yaz lôx cloon nyâuh yămz wa, max cayb lôx năngx yămz wa tuz blătc guungh song, phunz nyâuh hayh tuz stungx yaz setb jau ninyh, năngđ coong yaz oix quaix laiv ninyh. Wâyc yaz max zâyf cungb oix pitb wa bix pongh nyâuh cuungv, năngđ coong Zâu phunz, yaz six oix tuz cloon nyâuh yămz wa ah dlapc. Yaz six năngx yămz wa Ê-phê-sô ayx tuz tauv Pên Tê Coot stêtz, wâyc yămz wa naih ah tungđ jeengh lub coib goib phunz yaz nyăngz cumh pâuz, six naih đuungx huungđ yâuc jinh đangh cangđ yaz.
Năngđ coong Ti-mô-tai ninyh tauv wa, oix zuc stipx phunz nănh tuz pungx stimz cloon nyâuh yămz, wâyc nănh six ayx Zâu nyăngz cumh pâuz, cayx năngđ yaz nâyx. Wâyc nây, năngx gâyf phunz mănv mangc nănh stam. Six oix zuc stăngc nănh tuz peengh oonz setb jau ninyh, phunz nănh hayh tuz lauf pongh yaz, wâyc yaz jinh đangh zu nănh cloon wax đomc yâuf pez lauf. Năngx naih pănh nyăngz yâuf pez A-bô-lô, yaz quinb bux êu nănh cloon nâyx tauh yâuf pez ninyh nyâuh wa, six nănh nâyx zanyf max zeengx oix ninyh. Zu tauv laiv zanyf naih congv nănh nzăngđ ninyh.
Oix zuc bôngh stimz; nzac jab zen năngx tăngđ; oix zuc tam lub; yâuc njoongh staox. Nyâuh ayx nyăngz muif huungđ oix zuc naih lanh stăngz lanh.
Six, yâuf pez lex, yaz quinb nyâuh (nyâuh pâyz coong, yămz wa A-ca-ya stâyz phangz six Sa-tê-pha-nat nyăngz pyau munh zen Zâu đangc, stiz yâuc nongc nzuf nyâuđ bokc dlic wax đomc đăngb zeengh munh), nyâuh oix zuc zanyb nâyx đomc munh cloon wax đomc yetx stong songc ayx cumh pâuz zâuđ nyăngz munh. Yaz numđ nyađ Sa-tê-pha-nat, Pho-tu-na-tat, cloon A-cai-cat, wâyc zuc laiv huungđ nyâuh stăngc max tuz tauv, stiz yâuc taih stăngc nzuf; wâyc stiz ayx phunz yaz cloon nyâuh nyăngz stimz nyâuđ tuz numđ naih jab staox. Năngđ nây, oix zuc stipx nyunc wax đomc munh năngđ nâyx.
Yămz Ê-si stâyz phangz wax đomc jiux pangx pungx wac đeh tauv nyâuh, A-qui-la, cloon Bitc-sin-la, cloon yămz stiz nyăngz pyau căpx dlonf nyăngz jiux pangx, numđ nyađ pungx wac đeh tauv nyâuh yămz Zâu cah njaf nyăngz munh. Yetx stong yâuf pez tinyh đoih đeh tauv nyâuh, oix zuc nongc đăngb zeengh nyăngz tomz lanh đeh lanh.
Nâyx zâux đeh nyăngz wac six yaz cănh nongc puf ja — Phao-lô. Năngđ coong laiv lanh max lêpc gongx Zâu, wax tauh six zuc zaux! Zâu lex buz joođ Mâyh taih! Cloo Zâu Yê-su nyăngz pôz cloon nyâuh yămz. Yaz nyăngz stăngz cloon nyâuh tinyh đoih yămz Zâu Yê-su Jix-Tuz nyăngz cah njaf. A-meen.
Dao Ao Dai Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.