Skip to content
BibleKenya

Dao Ao Dai Literal Text

1 Cô-lin-tô 10

Yâuf pez lex, yaz max oix nongc nyâuh max pâyz tuz coong, pănh nyăngz claof jex yetx stong yămz ah tungđ vănx cah đi, yetx stong tuz clăngv quaix coiđ, yetx stong lêpc Mô-sê ninyh tuz ayx quaix-gâyf yămz ah tungđ vănx cloon coiđ đi, yetx stong lauf tuz songc nhlinc ah huungđ yuungf meengc nyăngz nhlinc hopb, nzof yetx stong lauf tuz songc hopb ah huungđ yuungf mengc nyăngz womz, wâyc stiz hopb tăng ah nomz yuungf mengc njăuz lêpc stiz, nzof wax nomz njăuz six Zâu Jix-Tuz. Six, Zâu Tênb-Huungh songđ max numđ nyađ wax đomc nyăngz ah phanx munh, wâyc nây stiz songđ zuc glinyf jămc lâyc ninyh tayc yămz wa stâyz phangz blănf. Nzof, nâyx đomc six lauf săngh ah huungđ gao nongc toon pănh, phunz pănh max ninyh ayx âyz huđ nyăngz gao cayx năngđ stiz oix ayx nâyx. Yâuc năngx gâyf pênx wax đomc congx miuc hanyh nyăngz munh cayx năngđ stiz ah phanx munh nâyx; wâyc naih ja coong: “Pec stingx stâyv nhlinc yâuc hopb tuz, songđ nyoongz quef ninyh nyađ.” Pănh lauf max tuz ayx pongz lauh cayx năngđ stiz ah phanx munh ayx nâyx, bix toongx ah noib, nhlic săpc stamz tinb lanh munh zuc tayc. Yâuc năngx gâyf stâyv Zâu cayx năngđ stiz naih ah phanx munh stâyv Zâu bix zuc nangz tapc tayc nâyx. Yâuc năngx gâyf yônx cayx năngđ stiz naih ah phanx munh yônx nâyx, bix zuc hayh mêtc munh wax tauh tayx tayc. Nâyx đomc dlayc setb taih phunz stiz six săngh ah huungđ gao, yâuc tuz ja taih nongc toon pănh, senz yămz stătx muif nzêuh nyăngz stâyz phangz đanyf nyăngz munh. Wâyc nây, laiv lanh nyâyh coong nănh stâuđ wăn, oix zuc năngx cayb bôngh săngx đanyf hayh glinyf. Nyâuh pongh wax đomc stâyv nyâuđ nyăngz jau, six max naih laiv huungđ blătc bamh munh nyăngz jab; nzof, Zâu Tênb-Huungh six neetb stimz, Nănh six max phunz nyâuh pongh stâyv nyâuđ blătc nyâuh nyăngz jab, nzof yămz wax đomc stâyv nyâuđ nyăngz jau, Nănh six coib jau, phunz nyâuh hayh tanyđ tuz.

Wâyc nây, yaz stăngz nyăngz yâuf pez lex, oix zuc pyenv goib paix miuc hanyh nyăngz jau. Yaz coong ănz nyâuh cayx năngđ cay coong ănz tongb manyh munh nâyx. Nyâuh oix zuc cănh zah mangc yaz coong nyăngz wac. Pănh sâuf hâuđ wax nomz zan, max zâyf songc cloon Zâu Jix-Tuz nyăngz samđ haz? Nzof pănh watz wax nomz nzu taih, max zâyf lauf songc cloon Zâu Jix-Tuz nyăngz stinb haz? Wâyc cungb naih ah nomz nzu cuungv, pănh hănđ đuungx lanh, six lauf cungb ah nomz stinb cuungv, wâyc pănh muif lanh songc yămz ah nomz nzu. Phanv mangc I-sa-la-ên munh âyz nây stinb a. Max zâyf laiv lanh nhlinc congx nyăngz stanyb lanyh, six tuz songc yămz wa congx tinc nyăngz phănc haz? Yaz coong năngđ nâyx six ayx laix? Congx miuc hanyh nyăngz tax huungđ bix naih luungđ, Nzof miuc hanyh bix setb luungđ? Hănđ năngđ nâyx, wax đomc pitc stingx munh congx nyăngz tax huungđ six congx phunz manđ, max zâyf phunz Zâu Tênb-Huungh. Nzof yaz yâuc max oix nongc nyâuh ninyh cloon wax đomc manđ songc phănc! Nyâuh max hayh hopb Zâu nyăngz zan bix zef ninyh hopb manđ nyăngz zan. Nyâuh yâuc max hayh songc Zâu nyăngz hinh bix zef ninyh songc manđ nyăngz hinh. Max six pănh oix nhlef phunz Zâu numđ nhlenx? Ha pănh bix năngx njoongh têx Nănh mah?

“Muif huungđ six naih gâyf ayx,” six max zâyf muif huungđ hayh phunz pănh tuz gongx. “Muif huungđ six naih gâyf ayx,” six max zâyf muif huungđ hayh stăngc tuz pănh. Năngx gâyf naih mănv cungb tâuh cănh tuz gongx, six oix zuc ayx phunz pitb lanh munh tuz gongx. Maic yămz lâyc caiz sangc nyăngz muif huungđ six phanv nhlinc, stimz nyâuđ yâuc năngx gâyf nyâyh wangb luungđ. Wâyc “nib cloon yămz nây nib minc nyăngz muif huungđ six săngh Zâu nyăngz nzuf.” Năngđ coong naih tix lanh max zen nyăngz munh êu nyâuh ninyh tayđ, nyâuh yâuc oix ninyh têx, six phanv nhlinc stiz bênc taih nyăngz muif huungđ, stimz nyâuđ yâuc năngx gâyf nyâyh wangb luungđ. Six năngđ coong naih munh coong ănz nyâuh coong: “Nâyx six congx phunz manđ nzof,” six năngx gâyf nhlinc, wâyc wax tauh munh coong phunz nyâuh pâyz, yâuc wâyc stimz nyâuđ — yaz max zâyf coong tauv nyâuh cănh nyăngz stimz nyâuđ, six coong tauv wax tauh munh nyăngz stimz nyâuđ. Wâyc săngh laix yaz tuz pungx goib nyăngz jau bix zef zuc pitc lanh munh nyăngz stimz nyâuđ stămđ? Năngđ coong yaz sâuf hâuđ tuz nzăngđ nhlinc, săngh laix yaz bix năngx zuc munh coong tauv yaz sâuf hâuđ bix nhlinc wax huungđ? Wâyc nây, max cun nyâuh nhlinc max six hopb, max six ayx laiv huungđ, oix zuc ayx muif huungđ phunz Zâu Tênb-Huungh tuz gwăngz eeng. Năngx gâyf ayx huđ nyăngz gao phunz Yu-tai munh cloon Hi-lapc munh cloon Zâu Tênb-Huungh nyăngz jiux pangx longđ stoif, cayx năngđ yaz cănh nyunc wâyc muif lanh munh ayx cumh pâuz nâyx, yaz max tâuh cănh tuz gongx, six wâyc phunz đuungx lanh munh tuz gongx, phunz stiz hayh tuz njâuv.

Dao Ao Dai Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.