Rô-ma 4

1Kơi chêk, nôôq he e móón Ap-ra-haam, abhươp avuôq ưng nôôq he ting kơi bâân lêi achak araang, ơi tabâân n'nal harau? 2Ơi la Ap-ra-haam bâân đóók bhơt liêm tââq tarnêêng têêng, nek ađó ve kơi chóóm buôn pajơơr, bơơi eh rau nek toom Yaang Pleng. 3Ơi Bha-aar Yaang Pleng praaq harau? “Ap-ra-haam huuiq ganơơm Yaang Pleng, lơq tarnêêng ađek bâân đóók nek bhơt liêm đóng ađó.” 4Kơi lââng, ting kơi palơq ngaai têêng tarnêêng, nek jêên chaner kah bâân đóók kơi ơơn, bơơi nek kơi manơơq. 5Dyơq ting kơi palơq ngaai kah têêng tarnêêng, hơq huuiq dhiq Yaang têêng manưih kah huuiq chóóm bhơt liêm, nek lóóm huuiq ưng manưih ađek bâân đóók nek bhơt liêm. 6Patơk mơ kơi Đa-viit kung móón leq ơơn phươk ưng manưih hơq Yaang Pleng đóók nek bhơt liêm eh tââq tarnêêng têêng.

7“Phươk đóng ngaai dhơơm hơq nôôq tarnêêng lơt aak ađêi ơi bâân tarlơơi,

lơq nôôq matu lơt ađêi ơi bâân jađơr pađơp.

8Phươk đóng ngaai hơq Chuôq dhakơi ơi yươq yaap tơk matu lơt ưng ađó.”

9Kơi chêk nek, phươk liêm ađô pakoom đóng ngaai đơơp iêt ng'kar, môôiq kung pakoom đóng ngaai kah iêt ng'kar? Hơq nôôq he xók móón: “Lóóm huuiq achêk bâân đóók nek bhơt liêm đóng Ap-ra-haam.” 10Kơi chêk, lóóm huuiq ađek ơi bâân lêi ng'kơi kiq? Lơq dhiq xók ơi iêt ng'kar môôiq dhiq xók kah ơi iêt ng'kar? Eh rau dhiq xók ơi iêt ng'kar, bơơi nek dhiq xók kah ơi iêt ng'kar. 11Ađó ơi đơơp kanal iêt ng'kar kơi pakanal ưng rau bhơt liêm tââq lóóm huuiq, hơq nek lóóm huuiq dhiq xók kah ơi iêt ng'kar, buôn đóng ađó nek abhươp avuôq ưng tabhơt nôôq ngaai ve lóóm huuiq dhơ kah ơi iêt ng'kar, đââng tơk rau bhơt liêm bâân đóók đóng nôôq manưih achêk; 12kung lơơi đóng ađó nek abhươp avuôq ưng manưih đơơp iêt ng'kar ting kơi palơq nôôq ngaai eh mưi yuur gluh tââq pheep iêt ng'kar, hơq dyơq nek nôôq manưih ting đuui lóih dyung lóóm huuiq ưng Ap-ra-haam abhươp avuôq nôôq he, dhiq xók kah ơi iêt ng'kar.

13Taai paraaq hươq pakoom đóng Ap-ra-haam môôiq pakoom đóng akóón chachau ưng ađó, hơq nek buôn đóng ađó nek manưih pei đơơp talaang katiêk, eh rau đươi gani bơơi nek đươi rau bhơt liêm ưng lóóm huuiq. 14Ơi la nôôq ngaai ting đơơp gluh tââq gani, nek lóóm huuiq bâân bil kah parđươi, lơq paraaq hươq bâân m'peq lơơi. 15Tââq gani đââng lóóiq ganhuh pagrâ janah, bơơi n'đó dhiq kah ve gani nek kung kah ve rau têêng lơt. 16Ơi taai rau ađek, hayơq nôôq manưih bâân đơơp nek gluh tââq lóóm huuiq, hơq đóng ting đuui kơi ưng ơơn phươk liêm, buôn paraaq hươq nek dhakơi đóng dyóp akóón chachau, eh đóng ngaai chapiên gluh tââq gani hơq giêl, bơơi nek đóng ngaai kung gluh tââq lóóm huuiq ưng Ap-ra-haam, hơq ađó nek abhươp avuôq ưng tabhơt nôôq he, 17Kơi ơi bâân xaraq kơi ađô: “Aku ơi tavaaih akóón têêng ama ưng bơk dhanuôr manưih,” dhiq toom mat Yaang hơq amei huuiq ganơơm, hơq nek Yaang Pleng, Yaang têêng đóng manưih chêt ve parmông lơq đóók nôôq tarnêêng kah ve xar kơi ve; 18hơq amei nek manưih ơi huuiq ganơơm dhiq rau lóóm rââm jalơh piing bhơt rau đương rââm, buôn đóng amei bâân val xar ama ưng bơk dhanuôr manưih, ting kơi rau ơi bâân paraaq: “Dhong nooi ưng akóón e nek kơi ađek.” 19Lơq dhơ yươq mơ dhur tabhlêh kalóóng lóóm huuiq, ađó ơi đơơp lêi achak araang chênh ađêi kơi bâân chêt aq (taai bâân mơ mưi hariêng tuôi), palơq nek bhơt xeu xó dhiq bhanaq akóón ưng Sa-ra. 20Bơơi malóóm tơk paraaq hươq ưng Yaang Pleng, ađó ơi yươq paangra lóóm blah karnóq leq rau kah huuiq, palâh lóóiq, ađó ơi bâân praan karơ lơh kalóóng lóóm huuiq, xók tapôông cha-iil tabah leq Yaang Pleng, 21lơq ơi tabhơt bâân praaq pakah kơi hau rau Ađó ơi hươq, nek Ađó kung ve karơ mataai buôn yuur têêng. 22Nek hayơq “lóóm huuiq achêk bâân đóók nek bhơt liêm đóng ađó”. 23Kơi lââng, paraaq ơi bâân xaraq kơi: “lóóm huuiq achêk bâân đóók nek bhơt liêm đóng ađó”, eh rau chapiên taai ađó, 24hơq dyơq ơi nôôq he, nek đóng nôôq manưih hơq lóóm huuiq achêk e bâân đóók nek bhơt liêm, hơq nek đóng nôôq ngaai huuiq dhiq Yaang ơi têêng Chuôq Jê-su, Chuôq nôôq he, mamông lóóiq tââq akan chêt, 25hơq Ađó ơi bâân pajaau ơi rau têêng lơt ưng nôôq he, lơq ơi bâân têêng đóng mamông lóóiq taai rau đóók bhơt liêm ưng nôôq he.