Rô-ma 1

1Phaau-lô, dhơn ratơơq ưng Jê-su Chuôq Paq Manưih mưi sưưq-đô bâân dhaloong kayua, bâân palalei đóng Taruuih Liêm ưng Yaang Pleng, 2nek rau hơq Ađó ơi hươq tââq n'loom dhiq nôôq manưih loom đââng taruuih ưng Ađó kalóóng Bha-aar Paraaq Yaang Pleng, 3leq Akóón Ađó — Yaang bâân yuur n'niên tââq dhong nooi ưng Đa-viit ting kơi achak araang. 4Yaang bâân đóók dhalam nek Akóón Yaang Pleng tââq mataai raman dhiq rau mamông lóóiq tââq kan chêt ting Yaang Liêm sek tabah — hơq nek Jê-su Chuôq Paq Manưih Chuôq nôôq he, 5hơq đươi Ađó, nôôq yi ơi pei đơơp phươk liêm lơq tarnêêng sưưq-đô pơh tơk rau xâng bóóp ưng lóóm huuiq dhiq m'pơng tabhơt nôôq dhanuôr manưih katiêk lââng, ơi taai dhanóók Ađó, 6kalóóng nôôq ađek adhi anó kung nek nôôq manưih bâân dhaloong kayua mađó leq Jê-su Chuôq Paq Manưih. 7Pagơơi tơk tabhơt nôôq ngaai xók tơơt dhiq Rô-ma, nek nôôq manưih bơk nh'nhơr ưng Yaang Pleng, nek nôôq manưih huuiq bâân dhaloong: Nhan phươk liêm tơk palơq adhi anó palơq yươq rauha tââq Yaang Pleng, Ama nôôq he, lơq tââq Chuôq, nek Jê-su Chuôq Paq Manưih.

8Laloom bhơt, đươi Jê-su Chuôq Paq Manưih, aku ma-ơơn Yaang Pleng ưng aku leq tabhơt adhi anó, taai lóóm huuiq ưng adhi anó, bâân yuur truuih plok tabhơt talaang katiêk. 9Taai Yaang Pleng, nek manưih truuih ưng aku, Yaang hơq aku têêng yaauq palơq lóóm karnóq ađêi kalóóng taruuih liêm ưng Akóón Ađó, achêk nek aku kah katơng ve rau praaq pahei leq adhi anó n'đó alua, 10xók taluôn luôn mââl nhan kalóóng paraaq gavơh nhan ưng ađêi kơi la ve chóóm bâân, buôn hayơq mót bhêêl đôk môôiq bhêêl lââng, aku e ve jal vôôiq liêm kre tââq kanóq kiêng ưng Yaang Pleng buôn tơk palơq adhi anó. 11Taai aku rââm mamââk bâân lum adhi anó, hơq đóng aku ve chóóm paak blah palơq adhi anó ve ađó ơơn phươk liêm mak ađó, buôn adhi anó bâân mưng karơ, 12hơq tarnêêng ađek nek buôn aku kung bâân têêng tabhơơl palơq adhi anó, đươi rau tơơt kalóóng ting chanak, hơq nek lóóm huuiq ưng tabhơt adhi anó lơq aku. 13Nhan móón adhi anó, aku kah kiêng adhi anó kah bâân n'nal kơi bơk chu aku ơi ve kanóq kaniêng tơk palơq adhi anó (hơq aku ơi bâân takajơq patơk bhêêl đôk), hơq đóng aku kung ve chóóm xóót leh yưưm n'đó ađek dhiq m'pơng adhi anó, kung kơi m'pơng nôôq dhanuôr manưih katiêk lââng. 14Aku nek manưih manơơq miq manưih Hi-laap palơq manưih kah ve tabech, tabhơt manưih tabech galang palơq manưih ngôôk ngaak. 15Kơi chêk hayơq, ting kơi palơq aku, alua nek puih lóóm buôn kung truuih karơ Taruuih Liêm đóng adhi anó, nek nôôq manưih dhiq Rô-ma.

16Taai aku yươq kachiit mat leq taruuih liêm, tââq ađek nek mataai raman ưng Yaang Pleng buôn rau paq jóói pakoom đóng tabhơt nôôq ngaai huuiq, hơq nek pakoom laloom tââm đóng manưih Jo Thaaiq, palơq pakoom đóng manưih Hi-laap. 17Tââq rau bhơt liêm ưng Yaang Pleng, bâân tapakah kalóóng Taruuih Liêm ađek, tââq lóóm huuiq tơk lóóm huuiq, kơi ơi bâân xaraq kơi ađô: “Nôôq manưih bhơt liêm e mamông tââq lóóm huuiq.”

18Taai ganơt pagrâ janah ưng Yaang Pleng tââq pleng bâân tapakah makhich palơq dyóp rau kah huuiq lơq rau môôp lơt ưng palââng, nek nôôq manưih têêng tamôôp paraaq dhalam kalóóng rau kah liêm, 19taai rau bâân n'nal leq Yaang Pleng nek drêh dróói dhiq m'pơng piđó, tââq Yaang Pleng ơi tapakah rau ađek leq piđó. 20Taai tââq xók tââp tavaaih pleng katiêk, nôôq rau kah chóóm lêi ưng Ađó, hơq nek miq mataai karơ palơq Yaang karnóq tơk nh'chró ưng Ađó, maar bâân đơơp n'nal drêh dróói, xók bâân chóóm n'nal rau dhiq nôôq tarnêêng tavaaih ưng Ađó, buôn đóng piđó kah ve rau chóóm dyiin. 21Achêk nek Taai dhơ đơơp n'nal Yaang Pleng, piđó ơi kah bhuôih haanh Ađó nek Yaang Pleng, kung kah ma-ơơn Ađó. Klóóih dhiq ađek, piđó ơi val kơi kah malơơi kalóóng nôôq karnóq ađêi, lơq lóóm kah vaaih kanóq ưng piđó ơi bâân rau kanam kadhiiq jađơr pađơp. 22Xók tư móón nek tabech galang, piđó ơi pakah ađêi ngôôk ngaak, 23lơq piđó ơi raxal cha-iil tabah ưng Yaang Pleng kah bil palơq kơi kiêng thê leq dyaang a-ô ưng akóón manưih chêt bil, kung kơi ưng achim, adhah, lơq rau tatơ.

24Đóng hayơq, Yaang Pleng ơi pajaau mak kơi piđó leq nôôq malóóch kiêng ưng lóóm ađêi malóóm tơk leq rau kah sek tabah, buôn achak araang piđó bâân têêng takađiq dhiq m'pơng kabhuh piđó, 25hơq nek nôôq manưih ơi raxal paraaq dhalam ưng Yaang Pleng palơq rau galơơk chachââr, lơq ơi bhuôih haanh palơq têêng yaauq kabhêi paklóóih đóng Yaang Tââp Tavaaih, nek Yaang đaang bâân bhi haanh patơk nh'chró. A-meen.

26Ơi taai kơi ađek, Yaang Pleng ơi pajaau mak kơi piđó đóng nôôq malóóch kiêng nhơơp xrơơm, ơi nôôq manưih pađiil ưng piđó ơi raxal kơi bêch tơơt kaxu xar lơt kơi kaxu, 27kung kơi ađek, manưih padruuih kung thê kơi ađek, xong xók m'peq lơơi kơi bêch tơơt kaxu palơq manưih pađiil, nek đơơp puih chahaang kalóóng lóóm takiêng ưng piđó leq xóng piđó, bhêêl padruuih palơq padruuih têêng chiên kah matich, hayơq đơơp lóóiq dhiq chênh ađêi kala rau janah, nek rau glap palơq tarnêêng lơt môôp ưng piđó.

28Kung ting kơi hơq piđó ơi kah chamet lêi phaai ve Yaang Pleng kalóóng karnóq ađêi nek liêm kre, nek Yaang Pleng ơi pajaau mak kơi piđó đóng lóóm karnóq ngôôk lơt, buôn têêng nôôq tarnêêng kah pâng dhalam, 29taai ơi bâân buur tabil dyóp rau kah liêm, lơt aak, n'thaam, huông aak; bing bhlaai nôôq tarnêêng ưng rau makhinh palââng, leng đet, tarkaai tarlak, galơơk chachââr, kah ka-er; nôôq paraaq uôr xêi, 30baauq uôn, gaam geet Yaang Pleng, xaróh chachââr, praaq parlaach, pakah jơơr, bơk gluh paraaq lơt aak, kah xâng bóóp akonh akan, 31kah xưa tabech, kah markơi lóóm, kah kayô, kah ve lóóm nh'nhơr ka-er. 32Achêk nek nôôq manưih dhơ ơi đơơp n'nal xêi xanêi bhơt liêm ưng Yaang Pleng, kơi ngaai têêng lơt nôôq tarnêêng kơi chêk nek đaang achêt, bơơi piđó eh mưi têêng lơt nôôq rau chêk, hơq piđó dyơq markơi lóóm đóng nôôq ngaai nak têêng lơt.