Phi-liip 1:6

1Phaau-lô lơq Ti-mô-thê, dhơn ratơơq ưng Jê-su Chuôq Paq Manưih, pagơơi leq tabhơt manưih huuiq liêm kalóóng Jê-su Chuôq Paq Manưih, nek nôôq manưih huuiq liêm tơơt dhiq kanóón Phi-liip, kung palơq nôôq muk sư lơq chơp sưưq. 2Rââm ơơn phươk liêm lơq yươq rauha tââq Yaang Pleng, nek Ama lơq Chuôq nôôq he, nek Jê-su Chuôq Paq Manưih, tơơt dhiq adhi anó.

3Aku ma-ơơn Yaang Pleng ưng aku dhiq dyóp rau lóóm hei ayô tơk leq adhi anó, 4kalóóng dyóp paraaq gavơh nhan ưng aku leq tabhơt adhi anó, taluôn tapôông paraaq gavơh nhan palơq lóóm marhaal marlaat 5Ơi taai rau tapâng phơn ưng adhi anó kalóóng Taruuih Liêm tââq tangêi tarnââp patơk xók ađôk; 6tââq huuiq mưng leq chênh rau ađô, kơi Yaang ơi tââp tarnââp têêng tarnêêng liêm kalóóng adhi anó e têêng paxong đóng patơk tangêi ưng Jê-su Chuôq Paq Manưih; 7ting kơi palơq aku, alua nek rau chênh đaang buôn kanóq kơi achêk leq tabhơt adhi anó, taai aku jư adhi anó kalóóng lóóm ađêi, tabhơt adhi anó maar nek nôôq ting poor tarnêêng palơq aku tââq ơơn phươk liêm, miq kalóóng tarlêi xiêng klooiq ưng aku, palơq kalóóng rau paraaq paq lơq lêi alua leq Taruuih Liêm. 8Taai Yaang Pleng nek Yaang lalua ưng aku, n'đó kơi aku bhơt lóóm đương rââm tabhơt adhi anó palơq lóóm nh'nhơr bhlơng ưng Jê-su Chuôq Paq Manưih. 9Lơq rau aku gavơh nhan ađek nek lóóm tanhơr ưng adhi anó bhiêk hóói xưa bhlaai, bhiêk yuur tatrul dhaang lơh kalóóng bhriêl tabech palơq dyóp rau n'nal, 10buôn adhi anó ve chóóm lêi pâng n'đó rau nek liêm tââm, hơq đóng adhi anó bâân tabah sek lơq yươq dhiq trêh jươm đóng tơk tangêi ưng Chuôq Paq Manưih, 11bâân bing bhlaai pô pale ưng rau bhơt liêm đươi Jê-su Chuôq Paq Manưih, malóóm tơk rau cha-iil tabah lơq rau babóóch haanh Yaang Pleng.

12Nhan móón adhi anó, aku kiêng adhi anó n'nal kơi nôôq rau vaaih tơk palơq aku nek lalua ơi yuur vaaih taai rau garuul tơk ưng Truuih Liêm. 13Tơk mơ, kalooiq klooiq ưng aku kalóóng Chuôq Paq Manưih ơi val kơi drêh dróói tơơt dhiq m'pơng tabhơt linh đương đong kuôn gamak palơq dyóp ngaai lââng, 14lơq nh'jang bơk adhi anó, đươi glóóng klooiq ưng aku, ơi mưng lóóm huuiq dhiq Chuôq, dhaang tabhlơng lóóm buôn truuih đuui taruuih Chuôq kơi yươq kakhin kapơn. 15Dhơ patơk mơ mưi phơn manưih truuih đuui Chuôq Paq Manưih taai makhinh lơq tarjeng tarjô, bơơi kung ve manưih truuih đuui palơq karnóq liêm, 16nek nôôq manưih taai lóóm tanhơr, n'nal kơi aku bâân chaleq patơơt đóng ââi paq Taruuih Liêm, 17bơơi nôôq manưih taai jahaam hiin kiêng ađêi giêl, piđó truuih đuui Chuôq Paq Manưih kơi kah bhơt lóóm, ngóq trul kơơq panhok karnóq leq glóóng klooiq ưng aku. 18Kơi achêk nek ng'kơi? Dhơ đóng nek tââq n'đó kơi, hamôôiq nek xanaan môôiq nek tapat dhalam, nek Chuôq Paq Manưih bâân truuih đuui, lơq aku bhuui marhaal leq rau ađek! Mat lââng, aku kung e bâân têêng đóng bhuui marhaal, 19taai aku n'nal kơi rau ađô e đââng rau paq jóói tơk đóng aku, đươi rau gavơh nhan ưng adhi anó lơq rau poor jóói tââq Yaang Liêm ưng Jê-su Chuôq Paq Manưih, 20ting kơi rau mamââk rââm đương lơq rau lóóm rââm ưng aku, ađek nek aku e yươq bâân têêng đóng kachiit mat kalóóng dhơ dharau chiên, bơơi grâ nhóól kalóóng dyóp rau, buôn xók ađôk kung kơi dhơ dhaxók, Chuôq Paq Manưih e bâân bhi payaal dhiq achak araang aku, dhơ dhakơi mamông môôiq chêt. 21Taai ting kơi palơq aku, mamông nek Chuôq Paq Manưih, lơq chêt nek rau malơơi. 22Dyơq la bhiêk mamông kalóóng ng'kar m'bech, nek ting kơi palơq aku achêk nek tarnêêng m'bhô yưưm malơơi đóng tarnêêng têêng, hayơq aku kah n'nal ađêi e lưa chââih n'đó hót. 23Aku tagliêq dhiq m'pơng bơơr hót. Xók ve rââm kiêng buôn yuur vôôiq lơq tơơt palơq Chuôq Paq Manưih, taai ađek nek rau liêm lơh lóng bơk, 24bơơi bhiêk tơơt lóóiq kalóóng ng'kar m'bech nek rau kơng lơh đóng adhi anó. 25Xók ơi huuiq tamưng rau ađek, aku n'nal kơi ađêi e tơơt lóóiq lơq dyơq tơơt kơơq palơq tabhơt adhi anó, taai rau gamak taha lơq rau bhuui kalóóng lóóm huuiq ưng adhi anó, 26buôn rau tarhơơnh ưng adhi anó kalóóng Jê-su Chuôq Paq Manưih leq aku e xưa bhlaai dhiq tarnêêng aku tơk lum adhi anó machu dyơq. 27Chapiên ve rau adhi anó phaai mamông ng'kơi đaang palơq Taruuih Liêm ưng Chuôq Paq Manưih, buôn dhơ xók aku tơk lơq chamet lêi adhi anó môôiq xók kah ve mat, nek aku ve bâân xâng leq adhi anó kơi adhi anó dyương mưng kalóóng mưi lóóm kanóq, palơq mưi lóóm karnóq palơq tarjơl tajeng taai lóóm huuiq ưng Taruuih Liêm, 28lơq yươq bâân nôôq manưih jơl jaklâk têêng đóng kakhin kapơn kalóóng bhơt dhơ dharau. Ađô nek kanal leq rau hư jir đóng leq piđó, bơơi nek kanal leq rau paq jóói ưng adhi anó, lơq rau ađô tââq Yaang Pleng. 29Taai đươi Chuôq Paq Manưih, ơơn phươk ơi bâân đóng leq adhi anó eh mưi buôn huuiq dhiq Ađó, bơơi kung buôn đơơp jarnah taai Ađó, 30xók ve mađó rau tarjeng tarjơl hơq adhi anó ơi lêi dhiq aku, lơq ađôk dyơq xâng dhiq aku.