Katu Bible Literal Text
Hê-bơ-rơ 7
Taai Mêên-chi-xê-đeek ađôk, hơq nek bhua ưng Sa-leem, takóh kadhâng bhanuôih ưng Yaang Pleng Bhơt Yaal, ađó ơi lum Ap-ra-haam bhêêl xók val chô tââq tarjơl đươk lơh nôôq bhua, lơq ơi nhan phươk đóng ađó, hơq Ap-ra-haam kung ơi lơơi n'tua mưi phơn majêt tââq tabhơt rau dhơơm bâân jeng đóng bhua achêk, laloom nek, Mêên-chi-xê-đeek bâân ngi kluôh nek “bhua bhơt liêm,” hơq xong ađek kung nek bhua ưng Sa-leem, kiêng móón nek “bhua yươq rau ha,” bhua kah ve akonh, kah ve akan, kah ve dhong nooi, kung kah ve nôôq tangêi tââp tarnââp môôiq tangêi parluch mamông, bơơi bâân yuur thê kơi Akóón Yaang Pleng, bhua bhiêk dyơq nek takóh kadhâng bhanuôih đóng tơk taluôn luôn.
Bơơi nek chamet lêi bhua achêk bhi chap ng'kơi, hơq abhươp avuôq Ap-ra-haam ơi tapôông đóng mưi phơn majêt tââq kalóóng nôôq rau dhơơm bâân pei jeng liêm tââm. Dyơq nôôq manưih tââq dhong nooi Lê-vi, xók gamang tarnêêng kadhâng bhanuôih, nek ve paraaq kayua buôn pei ting gani đóng pagoop mưi phơn majêt tââq dhanuôr manưih ting kơi gani, nek tââq adhi anó ađêi, dhơ đóng maar gluh tââq dhong nooi Ap-ra-haam. Dhơ kơi ađek, xók kah bâân payaap kalóóng dhong nooi gluh tââq piđó, bhua ađôk ơi đơơp mưi phơn kalóóng majêt phơn tââq Ap-ra-haam, lơq ơi nhan phươk leq manưih ve nôôq paraaq hươq. Mat lââng, kah ve dhơ dharau tarkaai tarjeng lââng xók manưih êêp lơh bâân nhan phươk tââq manưih yaal lơh. Lơq xók tarlum ađôk, nôôq manưih xók ravang chêt đơơp pei phơn majêt, dyơq xók tarlum kơi tôôh, abhua chêk bâân pakah lêi nek bhiêk dyơq mamông. Ve chóóm praaq mưi rau kơi ađô, Lê-vi, manưih karong nôôq phơn majêt, kung ơi bâân karong mưi phơn majêt tơk Ap-ra-haam, taai ađó dyơq bhiêk tơơt kalóóng lóóm ưng abhươp avuôq ađêi xók Mêên-chi-xê-đeek tarlum Ap-ra-haam.
Kơi ađek, la bâân liêm kre nek tââq tarnêêng kadhâng bhanuôih ưng manưih Lê-vi (taai dhiq nôôq tarnêêng ađek, dhanuôr manưih ơi bâân đóng gani), nek hau đươi phaai hayuur tabơk takóh kadhâng bhanuôih lââng ting dhong nooi Mêên-chi-xê-đeek hơq kah bâân đóók ting dhong nooi A-rôôn? Taai xók tarnêêng takóh kadhâng bhanuôih bâân tadhơ, nek taai lóóm kanóq kajuq, rau tadhơ leq gani kung phaai yuur vaaih. Tââq Ađó, Yaang hơq nôôq rau ađôk xók bâân praaq tơk, tââq mưi dhong nooi lââng, hơq tââq kalóóng dhong nooi achêk kah ve ngaai glêh têêng yaauq dhiq para bhanuôih. Taai drêh dróói kơi Chuôq nôôq he gluh tââq Ju-đa, hơq ting kơi palơq dhong nooi achêk, Môôi-se ơi kah praaq rauriq pâng tơk leq nôôq takóh kadhâng bhanuôih. Rau ađô patơk mơ dhaang drêh dróói lơh dyơq la mưi takóh kadhâng bhanuôih lââng yuur vaaih ting a-ô Mêên-chi-xê-đeek, nek Yaang val xar takóh kadhâng bhanuôih kah ting gani đóng leq ng'kar m'bech, bơơi nek ting praan mataai karơ ưng rau mamông kah chóóm pahư bil. Taai Ađó bâân truuih đuui kơi ađô:
“Akóón nek takóh kadhâng bhanuôih patơk nh'chró ting dhong nooi Mêên-chi-xê-đeek.”
Tââq mưi mat, bhiêk m'peq lơơi gani pachóóm n'loom hei yuur vaaih taai ađó dhur lơq kah rau malơơi (achêk taai gani kah têêng đóng chóóm liêm rauriq), lơq mat lââng nek tarnêêng đââng lóóiq lóóm parââm liêm kre lơh, hơq đươi ađek nôôq he bâân tơk đan Yaang Pleng. Lơq eh rau bâân tabhơt nôôq rau achêk hơq kah ve paraaq ng'kóh, ơi dhơ nôôq manưih tôôh kah ve praaq ng'kóh nek ơi val xar nôôq takóh kadhâng bhanuôih, bơơi Ađó dharing palơq mưi paraaq ng'kóh, tââq Yaang praaq palơq Ađó:
“Chuôq ơi ng'kóh lơq e yươq dhơ kanóq:
‘Akóón nek takóh kadhâng bhanuôih đóng tơk nh'chró.’” —
hayơq ting kơi lóng grơơt lơh achêk, Chuôq Jê-su ơi val xar Yaang tamưng đóng mưi praaq raket liêm kre lơh. Lơq dhơ nôôq ngaai glêh val xar takóh kadhâng bhanuôih nek bơk lơh, taai ơi bâân akan chêt jơl kajơq đóng bhiêk patet têêng, dhơ kơi ađek, Ađó jư tarnêêng takóh kadhâng bhanuôih kah chóóm dhơ raxal, taai Ađó taluôn dyơq đóng patơk nh'chró, hơq tââq kơi ađek, Ađó kung ve karơ mataai đóng paq jóói tơk mơ tabhơt dyóp nôôq manưih tơk đan Yaang Pleng tapâng Ađó, nek Yaang taluôn mamông đóng gavơh nhan klóóih đóng piđó. Taai mưi takóh kadhâng bhanuôih bhơt liêm kơi ađek lalua dhalam nek koom đóng nôôq he: Yaang tabah liêm, yươq ve matu, sek chadhah, bâân pantua lơh tââq nôôq manưih matu lơt, lơq val kơi bhi chap lơh nôôq talaang pleng; nek Yaang yươq vaaih rau kiêng đươi dyóp tangêi thê kơi nôôq takóh kadhâng bhanuôih lââng, phaai tapôông bhanuôih adhah, laloom tabhơt nek klóóih đóng matu lơt ưng mưi ađêi, xong ađek nek matu lơt ưng dhanuôr manưih, taai Ađó ơi têêng paxong tarnêêng achêk lơh xók ơi pajaau đââng chênh ađêi mưi chu dyóp bhơt. Tââq gani pajaau têêng nôôq akóón manưih ve rau dhur lóóm têêng takóh kadhâng bhanuôih bhơt liêm, bơơi paraaq ng'kóh, nek rau bhral tatun gani, nek chaleq kayua Akóón, nek Yaang ơi bâân yuur têêng dyóp liêm đóng patơk nh'chró.
Katu Bible Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.