Katu Bible Literal Text
Hê-bơ-rơ 13
Lóóm tanhơr adhi anó phaai bhiêk dyơq taluôn. Óóq lơơi havil lóóm pơh yaauq tamóói, taai tââq rau ađô, mưi phơn manưih ơi kah n'nal dhơ pơh yaauq nôôq dhơn pleng. Phaai hei tơk nôôq manưih takról kalóóng đong kanam, kơi ngóq takról madhiq palơq piđó, lơq nôôq manưih pâng tajanah, kơi ngóq chênh adhi anó kung xók tơơt kalóóng mưi achak araang. Tarđơơp phaai nek rau bhi chap pa-ô m'pơng dyóp ngaai, lơq dharââng pajum nek phaai yươq anhuq, taai Yaang Pleng e praaq xêi nôôq manưih taniêt lơq manưih têêng tapiing. Lóóm kanóq adhi anó hayơq phaai óóq n'thaam jêên, xók lêi dyóp palơq nôôq rau đaang ve, taai chênh Ađó ơi praaq: “Aku e kah mơ lơơi changaai akóón, Aku e kung kah mơ ve m'peq lơơi akóón,” đóng patơk mơ, taai bâân lóóm nhóól, nôôq he praaq:
“Chuôq nek Yaang Poor Jóói aku lơq aku e yươq kakhin kapơn.
Palââng ng'kơi e têêng aku?”
Phaai hei tơk nôôq manưih kađââng ađêi, nek nôôq manưih truuih pachóóm Paraaq ưng Yaang Pleng đóng adhi anó, xók chamet lêi xariêq tơơt mamông ưng piđó, phaai ting đuui lóóm huuiq ưng piđó. Jê-su Chuôq Paq Manưih tangêi manua, tangêi mađôk lơq đóng tơk nh'chró nek dyơq kơi ađek. Óóq bâân đuui parxuq tââq dyóp rau paraaq pachóóm chrih lââng. Taai rau liêm kre đóng lóóm kanóq nek bâân mưng tââq ơơn phươk liêm, eh rau tââq nôôq rau cha padyơk, hơq palơq nôôq rau achêk, nôôq manưih mamông tââq nôôq ađek kah bâân malơơi malaai rauriq. Nôôq he ve mưi para bhanuôih, hơq tââq ađôk, nôôq manưih têêng tarnêêng kalóóng đong bhanuôih kah ve chóóm cha. Taai ahaam pók matu, nek phơn gluh tââq nôôq akóón adhah, bâân đââng tamót leq nôôq dham liêm tââq takóh kadhâng bhanuôih bhơt liêm, phơn chak ưng nôôq adhah nek bâân boh hót nguôi pơơq linh. Taai ađek, Chuôq Jê-su kung ơi đơơp janah hót nguôi palóng kariing kanóón, đóng Ađó ve chóóm paliêm pasek dhanuôr manưih tââq ahaam ưng chênh ađêi. Kơi ađek hayơq, nôôq he phaai vôôiq palơq Ađó hót nguôi pơơq linh, pei đơơp rau kađiq tamôôp ưng Ađó. Taai nôôq he kah ve mưi kanóón lââng dyơq taluôn dhiq ađô, palâh lóóiq, nôôq he dyơq chik-chêk mưi kanóón ravang bhral. Đươi Ađó, nôôq he chóóm tapôông adhah bhanuôih babóóch haanh leq Yaang Pleng dhiq dyóp rau, ađek nek pô pale ưng bưưr bóóp đơơp pakah dhanóók Ađó. Dyơq tarnêêng têêng rau liêm lơq rau blah đóng jóói poor nek óóq lơơi havơơi taai Yaang Pleng bâân bhuui lóóm tơk nôôq bhanuôih adhah kơi ađek. Phaai xâng bóóp lơq huuiq đuui nôôq manưih kađââng adhi anó, taai piđó đương jư ting kơi palơq ravaai adhi anó kơi ngóq e pagluh paraaq truuih đuui, buôn đóng piđó ve chóóm têêng tarnêêng achêk palơq lóóm bhuui marhaal hơq yươq pambhoonh, tââq rau ađôk kah malơơi malaai đóng adhi anó.
Phaai gavơh nhan đóng nôôq yi, taai nôôq yi bâân n'nal kơi ađêi ve lóóm kanóq liêm, xók rââm kiêng mamông kơi kre dhalam kalóóng dyóp rau tarnêêng. Bơơi aku dhaang chut lóóm adhi anó têêng kơi ađek bơk lơh dyơq, đóng aku đâh bâân val chô palơq adhi anó.
Yaang Pleng yươq rauha, Yaang ơi payuur Yaang Jư Trưưu Gamak, hơq nek Chuôq Jê-su nôôq he, tââq kalơng chêt đươi ahaam paraaq raket tơk nh'chró, nhan Ađó ravang lơơi adhi anó palơq dyóp rau liêm kre đóng têêng ting karnóq kiêng ưng Ađó, xók têêng rau liêm kanóq toom mat Ađó kalóóng nôôq he, đươi tââq Jê-su Chuôq Paq Manưih, nek Yaang hơq cha-iil tabah malóóm leq Ađó đóng patơk nh'chró kah mơ móón. A-meen.
Nhan paraaq palơq adhi anó, aku pahei yayeen adhi anó bhơt lóóm palơq taruuih tabhơơl ađôk, taai aku ơi xaraq đóng adhi anó chapiên bơơr pe rau hơq giêl. Adhi anó n'nal kơi manưih adhi anó Ti-mô-thê ưng nôôq he ơi bâân pachô rathaai, hơq palơq ađó achêk aku e lum mat adhi anó la ađó achêk bhral đâh.
Nhan bâân chap yayar tabhơt nôôq manưih kađââng adhi anó palơq tabhơt nôôq manưih huuiq liêm. Nôôq manưih huuiq liêm tââq I-ta-li chap yayar adhi anó.
Rââm nhan ơơn phươk liêm tơơt palơq tabhơt adhi anó.
Katu Bible Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.