Hê-bơ-rơ 12:1

1Tââq kơi ađek đóng hayơq, dhiq xók ve mưi gaboq dhaluk lóng gamak ưng bơk manưih đương lêi xavaang praang ađêi, nek nôôq he, lơh xók m'peq lơơi dyóp rau ganưi haleng lơq matu lơt buôn dhê têêng kaleh kabak, palơq kiêng phaai mut tahươk pajươi bâân patơơt toom mat ađêi palơq rau makơi lóóm, 2chamet padrêh lêi leq Chuôq Jê-su, Yaang Tavaaih lơq Yaang Têêng Bhơt Liêm ưng lóóm huuiq, nek Yaang taai rau bhuui marhaal lơơi toom mat ađêi ơi đơơp đuôl m'baang chatông, kah chap rau kađiq tamôôp, palơq Ađó ơi tơơt dhiq hót atươm tanơơt Yaang Pleng. 3Phaai chamet lêi kanóq tơk Yaang ơi đơơp jruôn rau jơl jaklâk mơ achêk tââq nôôq manưih matu lơt palâh leq piđó, đóng adhi anó yươq nhưh nhok kalóóng lóóm ađêi, kađââng tơk dhur lóóm.

4Adhi anó ơi yươq jơl jaklâk tơk mơ tantoh ahaam xók tajơl tarleng jaklâk lóóiq matu lơt, 5hơq adhi anó ơi havil bhơt paraaq pató pachóóm, nek praaq chaleq kayua adhi anó kơi akóón, kơi ađô:

“Akóón ưng aku ơơi, óóq lêi lơơi rau klôôq pachóóm ưng Chuôq,

kung óóq dhur lóóm xók bâân Ađó teng jươm.

6Taai ngaai Chuôq nh'nhơr, nek Ađó trêh teng,

lơq Ađó vei m'bhiiq dyóp panong akóón hơq Ađó đơơp nh'nhơr.”

7Adhi anó xók đơơp jruôn dhiq rau trêh teng; hơq nek Yaang Pleng xók tơơt têêng palơq adhi anó kơi akóón. Taai n'đó panong akóón hơq akonh kah klôôq padheep? 8Bơơi la adhi anó kah đơơp jruôn rau klôôq padheep, nek rau hơq tabhơt akóón anaaq ơi val vaaih kơi nôôq manưih phaai đơơp, kơi ađek nek adhi anó nek nôôq akóón bharvươl, hơq eh rau nek nôôq akóón lalua. 9Lơh dyơq, nôôq he ve nôôq manưih ama phơn achak dhiq hóng katiêk ưng ađêi, kơi nôôq manưih klôôq padheep, lơq nôôq he dyơq bhi chap; dyơq ting kơi palơq Ama kadhâng yaang ravaai, eh dhơq nôôq he e phaai huuiq xâng dhaang bơk lơh, lơq nôôq he e mamông kah alua? 10La dhơ ama dhiq hóng katiêk klôôq padheep nôôq he dhiq m'bưưiq tangêi ting rau thê kơi nek liêm tââm ting kơi palơq piđó, bơơi Ama kadhâng yaang ravaai klôôq padheep ơi taai malơơi đóng nôôq he, đóng tapâng phơn mót dhiq rau tabah liêm ưng Ađó. 11Dhơ dyóp rau klôôq padheep dhiq xók yuur vaaih kah ve lêi rauriq nek bhuui bhe, palâh lóóiq nek ka-ai karuôq, bơơi leq tatun, rau ađek vaaih bóóng pale yươq rauha ưng rau bhơt liêm đóng ngaai nôôq ơi bâân pachóóm pakeen tââq ađó. 12Taai kơi ađek, phaai payuur đâh lóóiq nôôq tapaang têi bâân rabóót rabiq lơq nôôq tarkól bâân hayer vaveu, 13lơq phaai têêng tapat nôôq kalơng vôôiq đóng dyung adhi anó, đóng manưih khuch ve chóóm yươq bâân m'bhlêch kalơng, hơq klóóih dhiq ađek nek bâân payươh yươh.

14Phaai ting taviêng rau khe liêm palơq dyóp ngaai, palơq rau chóóm sek tabah, hơq kah ve rau ađô nek kah ngaai e bâân chaling lêi Chuôq, 15Palơq kơi chagơn gamang lêi, óóq ve ngaai tabhuch bil lơh tââq ơơn phươk liêm ưng Yaang Pleng, kapơn vaaih riêh atang n'tââq tiq yuur chat têêng panhok, lơq bơk ngaai e vaaih bâân anhuq taai ađó, 16vaaih ngaai ađek tapiing taniêt hamôôiq n'thaam kơi Ê-saau, nek manưih ơi pei raxal mưi rau cha hơq ơi baan kataai têêng taha ưng ađêi. 17Tââq adhi anó n'nal kơi tơk mơ xong ađek, xók rââm kiêng bâân phươk liêm, nek ađó bâân pagluh lơơi, taai ađó kah bâân chêk lêi tangêi kapươk klôôq lóóm, dhơ đóng chik chêk ađó madhiq palơq đơơk mat.

18Taai adhi anó ơi kah vôôiq đan palơq mưi rau ve chóóm mót kadhâng chóóm, palơq óih róh rahôôq, palơq bóng kanam, palơq rau dhaluk dhaveeng, lơq palơq adhiiq adhir 19kung palơq dhariêng tar-auq ưng karyóól, lơq palơq dhariêng xuul ưng nôôq paraaq hơq nôôq manưih xâng ơi gavơh nhan đóng piđó yươq phaai đơơp grơơt mưi paraaq lââng dyơq. 20Taai piđó kah đuôh jruôn paraaq ơi praaq, kơi ađô: “La n'đó akóón adhah tơk mơ chapiên xuui leq bôôl booiq, ađó e glêh taglơm dhơl.” 21Lơq tarlum lêi rau bâân pakah nek kakhin kapơn tơk mơ Môôi-se ơi praaq: “Aku kakhin kapơn lơq hayer vaveu.” 22Dhơ kơi ađek, adhi anó ơi vôôiq tơk leq Bôôl Si-ôôn lơq kanóón ưng Yaang Pleng mamông taluôn, palơq Jê-ru-sa-leem dhiq pleng; palơq kaaq-bhaan dhơn pleng, xók bhiêk gamak bhuui, 23palơq kabhuh akóón dhơn Chuôq ưng nôôq akóón taha ơi bâân xaraq achak dhiq nôôq klaang pleng, palơq Yaang Pleng nek Yaang Xêi Xanêi ưng dyóp ngaai, palơq nôôq ravaai ưng nôôq manưih bhơt liêm ơi bâân têêng đóng dyóp liêm, 24tơk palơq Chuôq Jê-su, Yaang Dhiq M'pơng ưng paraaq raket tame, lơq palơq ahaam ưng rau yuur havươch ve dhariêng praaq mapraan karơ lơh marchơng palơq A-bêên. 25Phaai hêch lêi, vaaih adhi anó kah đươi Yaang xók praaq pachóóm. Ơi la nôôq manưih tôôh ơi kah bâân xooq lơh xók kah đươi manưih praaq pahei ađêi tơơt dhiq katiêk, nek nôôq he dhaang kadhaap lơh bơk, xók nek nôôq manưih palâh hóng palơq Yaang gluh tââq pleng, 26hayơq dhariêng ưng Yaang achêk ơi têêng katiêk veq dha-ơr bhêêl xók ganah ađek, dyơq xók ađôk Ađó ơi hươq kơi ađô: “Mưi chu dyơq chênh Aku e têêng veq dha-ơr, kah mơ katiêk, hơq nek tabhơt dhiq pleng.” 27Bơơi paleh paraaq “Mưi chu dyơq”, kiêng pakah pagiit, tarnêêng m'peq lơơi nôôq rau bâân veq dha-ơr, kơi nôôq n'dreh m'ma ơi bâân tavaaih kadhơng, buôn đóng nôôq rau yươq bâân dha-ơr ve chóóm dyơq lóóiq. 28Taai ađek, nôôq he phaai ve lóóm n'nal ơơn xók pei đơơp mưi katiêk yươq veq dha-ơr, hơq tââq ađek nôôq he ve chóóm bhuôih haanh ting kơi liêm lóóm Yaang Pleng, palơq lóóm kanóq bhi chap palơq bhi kakhin, 29Taai Yaang Pleng ưng nôôq he nek par-aang óih óch róh.