Skip to content
BibleKenya

Katu Bible Literal Text

Ê-phê-sô 3

Ơi taai kơi ađek, aku, Phaau-lô, nek manưih tơơt đong kanam ưng Jê-su Chuôq Paq Manưih ơi taai adhi anó dhanuôr katiêk lââng — taai alua nek adhi anó ơi xâng leq tarnêêng jư lêi ơơn phươk liêm ưng Yaang Pleng, nek rau ơi bâân pajaau đóng aku taai adhi anó, ting rau tapalêi ơi bâân pakah đóng aku, hơq nek rau kadrêi palââp kơi aku ơi xaraq kơi gađóq dhiq papiing. Xók đok tơk rau achêk, adhi anó e ve chóóm bâân hei rau m'bưưiq n'nal ưng aku leq rau kadrêi lalââp ưng Chuôq Paq Manưih, nek rau ơi kah bâân pakah đóng akóón anaaq akóón manưih kalóóng nôôq klaang manưih laloom, dhiq bhêêl xók đôk, tââq Yaang Liêm, rau achêk ơi bâân pakah đóng nôôq sưưq-đô huuiq liêm ưng Ađó palơq nôôq đââng taruuih — ađek nek: nôôq dhanuôr lââng manưih makơi đơơp karvaan, nek nôôq dyung têi moh mat kalóóng mưi achak, lơq nek nôôq manưih kung blah nh'xóóng paraaq hươq kalóóng Jê-su Chuôq Paq Manưih pakah tââq Taruuih Liêm, taai Taruuih Liêm ađek hơq aku ơi bâân val kơi mưi dhơn ratơơq ganương dhiq kliim kaliim ơơn phươk liêm ưng Yaang Pleng, nek rau ơi bâân đóng leq aku ting rau tarnêêng têêng ưng mataai raman Ađó. Ơơn phươk liêm achêk ơi bâân đóng leq aku, manưih parneq bhlơng kalóóng tabhơt nôôq manưih huuiq, đóng truuih pachóóm leq nôôq dhanuôr lââng rau karvaan kabhôôq kah bâân n'nal ưng Chuôq Paq Manưih, lơq lơơi têêng brương braang đóng dyóp ngaai n'đó nek tarnêêng kadhâng akoq rau kadrêi palââp, nek rau ơi bâân kadrêi lââp vôôiq lơh nôôq klaang đơơi kalóóng Yaang Pleng, Yaang tavaaih dyóp n'dreh m'ma, buôn đóng xók đôk, tââq Akóón Dhơn Chuôq, rau tarbech galang dyóp kơi kiq vaaih ưng Yaang Pleng ve chóóm bâân pakah đóng nôôq takóh kadhâng akoq lơq nôôq manưih têêng kala tơơt nôôq dhiq m'piing pleng, ting rau lóóm kiêng taluôn nh'chró đu Ađó ơi têêng xong kalóóng Jê-su Chuôq Paq Manưih, Chuôq nôôq he, hơq kalóóng Yaang achêk, nôôq he ve lóóm grâ nhóól lơq kalơng vôôiq tơk đan Yaang Pleng lơq rau khin huuiq ve lóóm huuiq dhiq Ađó. Kơi achêk hơq, aku nhan adhi anó óóq bha yuih lóóm taai nôôq hadhơơp jarnah ưng aku ơi taai adhi anó, hơq nôôq hadhơơp jarnah achêk nek rau cha-iil tabah ưng adhi anó.

Ơi taai kơi ađek, aku chakoh takól toom mat Ama, nek Yaang đu tââq Ađó, dyóp kabhuh katooh m'piing pleng lơq n'raal katiêk bâân đóók achak, đóng nhan Ađó, ting mơ rau karvaan kabhôôq ưng cha-iil tabah Ađó, têêng adhi anó bâân karơ gamak palơq raman mataai tââq Yaang Liêm ưng Ađó dhiq akóón manưih hót kalóóng, đóng Chuôq Paq Manưih tơơt jaq kalóóng lóóm adhi anó tarklóng tââq lóóm huuiq, xók ơi bâân mariêh lơq mưng bhanơn kalóóng lóóm tanhơr, buôn đóng adhi anó kung palơq tabhơt nôôq manưih huuiq liêm, ve dyóp praan đóng n'nal bhơt ng'kơi kiq nek bhươh, yaal kagan, yaal tadhơng, dhơuq, lơq đóng bâân n'nal rau jalơh lơh rau tarbech n'nal, chênh nek lóóm nh'nhơr ưng Chuôq Paq Manưih, buôn đóng adhi anó bâân n'toh bing palơq dyóp rau bing dyóp ưng Yaang Pleng.

Nhan malóóm leq Yaang ve chóóm têêng jalơh lơh dyóp rau đu nôôq he gavơh nhan hamôôiq kanóq, ting mataai raman dyơq matêêng kalóóng nôôq he, Nhan Yaang Pleng bâân cha-iil tabah kalóóng Akóón Dhơn Chuôq lơq kalóóng Jê-su Chuôq Paq Manưih vôôiq lơh dyóp klaang manưih nh'chró kah bil. A-meen.

Katu Bible Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.