Katu Bible Literal Text
2 Tê-sa-lô-ni-ka 2
Adhi anó ơơi, dyơq leq rau bhral ưng Chuôq nôôq he, nek Chuôq Jê-su Paq Manưih, lơq rau tarlum karong ưng nôôq he palơq Ađó, nôôq yi nhan adhi anó kơi adhi anó óóq dhê dhaai bâân grơ ngơơt môôiq kadrêq kadrơn kalóóng lóóm karnóq ađêi, kung óóq tââq mưi yaang, môôiq tââq mưi taruuih, môôiq tââq mưi tala thơ đơơp ngóq tơk tââq nôôq yi, xók praaq kơi tangêi ưng Chuôq ơi abhral aq. Nhan yươq manak manâ ting dhơ n'đó kơi ve chóóm galơơk chachââr adhi anó, Ơi la kah rau têêng tamôôp taruuih bhral laloom, lơq akóón manưih ưng rau kah ve gani bâân tapakah, hơq nek panong akóón ưng rau leng kaxiêt, nek đu jaklâk jơl lơq tư yuur padyók ađêi tarjơl jaklâk palơq dyóp rau bâân đóók nek yaang môôiq nek rau đu bhuôih haanh. Tơk mơ, tư ađó tơơt kalóóng đong bhanuôih ưng Yaang Pleng, pakah kơi chênh ađêi nek Yaang Pleng. Adhi anó kah hei kơi, xók dyơq tơơt palơq adhi anó, aku biêh ơi đóng adhi anó n'nal nôôq tarnêêng ađô ng'kơi? Lơq xók ađôk adhi anó ơi n'nal hau rau dyơq takajơq, buôn ađó chapiên bâân tabhral mót dhalam ganah ưng ađó. Ơi rau đu lalââp ưng rau kah ve gani ơi xók vôôiq veq, Yaang mưi giêl dyơq đương kajơq ađó xók ađôk bhiêk dyơq đóng tơk bhêêl Yaang achêk gluh lơh dham đương kajơq dhalam m'pơng, lơq hayơq đu kah ve gani e bâân tapakah, nek đu hơq Chuôq Jê-su e leng kaxiêt palơq parhââm ưng bóóp Ađó, lơq e têêng ađó val xar hư bil tââq cha-iil tabah rau bhral tơk ưng Ađó, hơq rau tabhral ưng đu kah ve gani tôôh nek đươi leq tarnêêng têêng ưng Sa-taan palơq tabhơt mataai karơ palơq kanal chrih, kung kơi gun raman galơơk chachââr, lơq palơq dyóp kơi galơơk chachââr lơt môôp pakoom đóng nôôq đu chêt bil, hơq piđó chêt bil nek taai piđó ơi kah pơh đơơp lóóm tanhơr paraaq dhalam đóng ađêi buôn bâân paq. Lơq ơi taai ađek, Yaang Pleng pajaau piđó leq ting pâng ưng rau lơt xraang buôn piđó huuiq rau galơơk chachââr, buôn đóng tabhơt piđó e bâân xêi matu, hơq nek nôôq đu kah huuiq paraaq dhalam, hơq vil bhuui kiêng rau môôp lơt.
Bơơi, adhi anó ơơi, nek nôôq manưih bâân Chuôq nh'nhơr, nôôq yi phaai taluôn ma-ơơn Yaang Pleng leq adhi anó. Taai Yaang Pleng ơi chââih adhi anó kơi nôôq pale tââp bóóng buôn đơơp ơơn paq jóói đươi rau pasek paliêm ưng Yaang Liêm lơq lóóm huuiq dhiq paraaq dhalam. Taai buôn đơơp ơơn achêk, Ađó ơi dhaloong adhi anó dhiq Taruuih Liêm ưng nôôq yi, tơk palơq rau đơơp đươi cha-iil tabah ưng Chuôq nôôq he, nek Chuôq Jê-su Paq Manưih. Taai kơi achêk, adhi anó ơơi, phaai dyương tamưng lơq jư panhơm nôôq taruuih kaxu đu adhi anó ơi bâân pató pachóóm, dhơ dhakơi palơq bóóp paraaq môôiq palơq thơ ưng nôôq yi.
Nhan chênh Chuôq nôôq he, nek Chuôq Jê-su Paq Manưih, lơq Yaang Pleng, Ama nôôq he, Yaang nh'nhơr nôôq he lơq ơi đóng leq nôôq he rau tabhơơl pahêêl tơk nh'chró nek palơq rau lóóm rââm liêm kre tââq ơơn phươk liêm, nhan Ađó bhơơl pahêêl lơq têêng đóng mưng karơ tââq lóóm adhi anó kalóóng dyóp rau têêng vôôiq palơq bóóp paraaq liêm kre.
Katu Bible Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.