Katu Bible Literal Text
2 Tê-sa-lô-ni-ka 1
Phaau-lô, lơq Siin-ven nek palơq Ti-mô-thê, pagơơi đóng Akóón Dhơn Chuôq Tê-sa-lô-ni-ka kalóóng Yaang Pleng, nek Ama lơq Chuôq nôôq he, nek Chuôq Jê-su Paq Manưih. Nhan ơơn phươk liêm lơq yươq rauha tư tââq Yaang Pleng, nek Ama, lơq Chuôq, nek Chuôq Jê-su Paq Manưih, tơơt dhiq adhi anó.
Adhi anó ơơi, nôôq yi phaai taluôn ma-ơơn Yaang Pleng leq adhi anó, kơi ađek nek rau dhalam pâng, taai lóóm huuiq adhi anó ting tangêi n'dhương karơ, lơq lóóm tanhơr ưng ting chanak manưih kalóóng tabhơt adhi anó nek palơq xóng ađêi bhiêk yuur tatrul; taai ađek, nôôq yi pajơơr ađêi dhiq adhi anó kalóóng m'pơng nôôq akóón dhơn ưng Yaang Pleng leq rau mưng lóóm ưng adhi anó lơq lóóm huuiq m'pơng dyóp rau galuh jarnah xarngaat ưng adhi anó, nek palơq nôôq bhrê hư hơq adhi anó dyơq phaai jruôn, ađek nek pan-nal leq rau xêi xanêi bhơt liêm ưng Yaang Pleng, pakoom đóng adhi anó buôn bâân đóók nek đu đaang palơq katiêk ưng Yaang Pleng, taai katiêk ađek hơq adhi anó kung dyơq đơơp jarnah; taai alua nek bhơt liêm xók Yaang Pleng chróót rau bhrê hư dhiq nôôq đu tavaaih bhrê hư leq adhi anó, lơq đóng leq adhi anó, nek nôôq manưih đơơp bhrê hư, rau dhêi drơq palơq nôôq yi xók rau bhral tơk ưng Chuôq Jê-su gluh pakah tââq pleng palơq nôôq dhơn pleng gamak karơ ưng Ađó. Kalóóng par-aang óih rahôôq, đââng rau têêng janah tơk đóng nôôq đu kah lêi n'nal Yaang Pleng lơq đóng nôôq đu kah xâng huuiq Taruuih Liêm ưng Chuôq nôôq he nek Chuôq Jê-su, Piđó nek nôôq đu e pei geng janah nek rau chêt bil nh'chró, changaai tââq mat Chuôq lơq tââq cha-iil tabah ưng mataai raman Ađó. Xók Ađó tơk buôn bâân bhi haanh tââq nôôq manưih huuiq ưng Ađó lơq bâân ngel móng m'pơng dyóp ngaai ơi patơơt lóóm huuiq, tââq paraaq truuih ưng nôôq yi tơk palơq adhi anó kalóóng tangêi ađek ơi bâân đơơp huuiq. Ơi taai ađek, nôôq yi bhiêk taluôn gavơh nhan đóng adhi anó buôn Yaang Pleng nôôq he đóók adhi anó nek ađaang palơq rau dhaloong, lơq buôn Ađó têêng paxong dyóp rau rââm kiêng leq rau liêm lơq tarnêêng ưng lóóm huuiq tââq raman mataai, hơq đóng dhanóók ưng Chuôq nôôq he, nek Chuôq Jê-su, bâân bhi haanh dhiq adhi anó lơq adhi anó bâân cha-iil tabah tââq Ađó, ting ơơn phươk liêm ưng Yaang Pleng lơq Chuôq nôôq he, nek Chuôq Jê-su Paq Manưih.
Katu Bible Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.