Katu Bible Literal Text
2 Kô-rin-tô 3
Ve alua nôôq yi vil tââp tarnââp tư haanh ađêi? Môôiq kơi mưi masôôq manưih, ve kơq nôôq yi kơng thơ chanót achak pagơơi tơk adhi anó hamôôiq tââq adhi anó? Chênh adhi anó nek tala thơ ưng nôôq yi, ơi bâân xaraq kalóóng lóóm nôôq yi, bâân dyóp ngaai n'nal lơq đok, Taai bâân pakah drêh dróói kơi adhi anó nek tala thơ ưng Chuôq Paq Manưih, ơi bâân nôôq yi lêi gamang, eh rau bâân xaraq palơq mưk, bơơi palơq Yaang Liêm ưng Yaang Pleng taluôn mamông, eh rau dhiq tala dhơl, hơq nek dhiq tala lóóm palơq m'bech. Mat lââng, tââq Chuôq Paq Manưih, nôôq yi ve lóóm huuiq tamưng kơi achêk nek palơq Yaang Pleng. Eh rau taai nôôq yi ve dyóp praan tââq dhiq kala achak buôn kanóq kơi ngóq mưi tarnêêng n'đó ađek nek ve mayưưm tââq chênh ađêi. Klóóih dhiq ađek, ve đuôh ưng nôôq yi nek tââm tââq Yaang Pleng, nek Yaang kung ơi têêng nôôq yi ve đuôh têêng manưih yaauq ưng raket bóóp tame, eh rau palơq bha-aar xaraq, bơơi nek palơq Yaang Liêm; taai bha-aar xaraq leng chêt, hayơq Yaang Liêm têêng đóng mamông. Mat lââng, la tarnêêng têêng ưng rau chêt, bâân kóóch chan palơq chư dhiq dhơl, ơi bâân yuur pakah kalóóng cha-iil tabah, tơk mơ akóón anaaq I-sơ-ra-êên kah ve đuôh lêi taje leq mat Môôi-se ơi taai cha-iil tabah bâân alaq a-aai ưng mat ađó, nek kah alua tarnêêng têêng ưng Yaang Liêm e ve mat kalóóng cha-iil tabah dhaang bơk lơh, n'nal mơ? Ơi la cha-iil tabah dyơq đóng leq tarnêêng têêng ưng tarnêêng patu, nek tarnêêng têêng ưng rau bhơt liêm dhaang bing bhlaai cha-iil tabah bơk lơh dyơq! Alua, taai rau ơi glêh bâân cha-iil tabah nek kah bâân cha-iil tabah kalóóng tarlum kơi ađôk, ơi taai rau cha-iil tabah yuur yaal lơh. Ơi la rau bâân alaq a-aai ơi tơk palơq cha-iil tabah, nek rau taluôn dyơq e tơk kalóóng cha-iil tabah dhaang bơk lơh bhlơng!
Taai ađek, xók ve lóóm đương rââm kơi achêk, nôôq yi lóng đâh kapươk palơq lóóm lóng nhóól, lơq kah thê kơi Môôi-se, ađó ơi klum mưi tala bhaai dhiq mat ađêi malóóm tơk tarnêêng kah lơơi akóón anaaq I-sơ-ra-êên lêi taje leq chamiit ưng cha-iil tabah bâân alaq a-aai. Dhơ kơi ađek, lóóm karnóq piđó ơi bâân ka-óng dhơl, ơi đóng patơk tangêi ađôk, mađó mưi tala bhaai achêk bhiêk dyơq tơơt dhiq tarnêêng đok raket bóóp ti, taai kah bâân hayươt lóng, achêk nek tââq kalóóng Chuôq Paq Manưih, ađó hayơq bâân alaq a-aai. Kơi achêk bơơi, đóng tơk tangêi ađôk, hơq n'đó xók gani Môôi-se bâân đok, nek mưi tala bhaai dhuum leq lóóm piđó. Hayơq la n'đó xók ngaai ađek palâh malóóm leq Chuôq, nek tala bhaai ađek bâân pei hayươt. Mat lââng, Chuôq nek Yaang Liêm, lơq Yaang Liêm ưng Chuôq tơơt n'dhiq, nek ve rathaai tơơt dhiq ađek. Hayơq pabhơt nôôq he, palơq moh mat kah đơp đơl, dyóól taklaaq cha-iil tabah ưng chuôq, nek xók bâân paxar val kơi mađó mưi a-ô tââq cha-iil tabah tơk cha-iil tabah, dhiêp kơi tââq Chuôq, nek Yaang Liêm.
Katu Bible Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.