2 Kô-rin-tô 1

1Phaau-lô, sưưq-đô Jê-su ưng Chuôq Paq Manưih tââq kanóq kiêng ưng Yaang Pleng, lơq manưih adhi anó Ti-mô-thê, pagơơi đóng Akóón Dhơn Chuôq ưng Yaang Pleng tơơt dhiq Kô-rin-tô, palơq đóng pabhơt nôôq manưih huuiq tơơt dhiq kalóóng plok parah A-chaai: 2Nhan ơơn phươk liêm lơq yươq rauha tââq Yaang Pleng, Ama nôôq he, lơq Chuôq, Jê-su Chuôq Paq Manưih, tơk dhiq adhi anó!

3Đaang bhi haanh Yaang Pleng lơq ama ưng Chuôq nôôq he, Jê-su Chuôq Paq Manưih, hơq nek Ama ưng rau ka-yô ka-er, lơq Yaang Pleng ưng dyóp rau bhơơl pahêêl, 4nek Yaang bhơơl pahêêl nôôq yi kalóóng dyóp rau bhrê hư ưng nôôq yi, đââng tơk tarnêêng têêng đóng nôôq yi ve chóóm bhơơl pahêêl nôôq ngaai tơơt kalóóng dyóp rau bhrê hư palơq rau bhơơl pahêêl hơq chênh nôôq yi bâân bhơơl pahêêl tââq Yaang Pleng. 5Ơi kơi nôôq kadhaap jarnah ưng Chuôq Paq Manưih hóói bhlaai dhiq nôôq yi n'đó kơi, nek rau bhơơl pahêêl ưng nôôq yi tapâng dhiq Chuôq Paq Manưih kung hóói bhlaai kơi achêk. 6Bơơi la nôôq yi đơơp bhrê hư, hơq achêk nek taai rau bhơơl pahêêl lơq rau paq jóói ưng adhi anó, la nôôq yi bâân bhơơl pahêêl hơq achêk nek taai rau bhơơl pahêêl ưng adhi anó, nek rau bâân n'nal kơi kalóóng tarnêêng đơơp jruôn palơq nôôq kadhaap jarnah hơq chênh nôôq yi kung dyơq jruôn. 7Lơq rau lóóm rââm ưng nôôq yi leq adhi anó nek dhakơi, xók n'nal kakơi kơi adhi anó nek nôôq manưih ting pâng phơn kalóóng rau kadhaap jarnah n'đó kơi, nek kung pâng phơn kalóóng rau tabhơơl pahêêl kơi achêk.

8Nhan móón adhi anó, taai nôôq yi kah kiêng adhi anó kah bâân n'nal leq nôôq kadhaap jarnah ơi vaaih tơk đóng nôôq yi dhiq A-si, kơi nôôq yi ơi đơơp gưi geng kuôq lalơh, lơh piing praan karơ tơk mơ nôôq yi patơk mơ pabhơt kah ve rau rââm buôn mamông. 9Dhơ kơi ađek, chênh nôôq yi biêh ơi ve bha-aar tanóóm leng dhiq kalóóng ađêi, hơq đóng nôôq yi kah ve chóóm ganơơm dhiq ađêi kala, bơơi nek dhiq Yaang Pleng, Yaang têêng manưih chêt mamông lóóiq, 10nek Yaang ơi jóói paq nôôq yi lơh tââq rau chêt gamak kơi tôôh, nek Ađó e paq jóói nôôq yi, hơq nek tââq dhiq Ađó, nôôq yi ve lóóm rââm kơi Ađó kung e hayơq paq jóói nôôq yi dyơq, 11Xók adhi anó kung tapâng phơn poor jóói dhiq rau gavơh nhan ơi taai nôôq yi, hơq đóng yuur vaaih tââq bơk ngaai, ơơn liêm bhral dhiq nôôq yi, Yaang Pleng đơơp pei nôôq paraaq ma-ơơn tââq bơk ngaai ơi taai nôôq yi.

12Ơi rau tarhơơnh ưng nôôq yi nek nô kơi: paraaq truuih ưng lóóm kanóq nôôq yi, kơi nôôq yi ơi cha tơơt m'pơng manưih hóng katiêk kalóóng rau sek chadhah lơq lalua dhalam ưng Yaang Pleng, eh rau tââq tarbech galang ting manưih ti, bơơi tââq ơơn phươk liêm ưng Yaang Pleng, hơq tââm nek palơq adhi anó. 13Ơi nôôq yi kah xaraq đóng adhi anó harau đu lââng, lơh nôôq rau hơq adhi anó chóóm đok lơq chóóm n'nal. Bơơi aku rââm kơi adhi anó e n'nal đóng bhơt, 14kung kơi adhi anó ơi n'nal nôôq yi m'bưưiq, kơi nôôq yi nek rau tarhơơnh ưng adhi anó, nek adhi anó kung kơi achêk nek palơq nôôq yi, kalóóng tangêi ưng Chuôq nôôq he, nek Chuôq Jê-su.

15Lơq palơq rau huuiq ganơơm achêk, n'loom ahei aku kanóq tơk palơq adhi anó, buôn adhi anó ve nh'jau ve ơơn liêm chu đu bơơr, 16Hayơq tââq dhiq adhi anó buôn vôôiq lalơh tơk Ma-xê-đoan, lơq tââq Ma-xê-đoan vil tơk palơq adhi anó, hayơq bâân adhi anó chalaang vôôiq kalơng tơk Ju-đê. 17Taai kơi achêk, xók kanóq ravang tarnêêng ađô, nek ve alua kơq nek aku ơi têêng praaq kalóóng rau kah markơi? Môôiq aku kanóq têêng rau ađêi kanóq lơơi ting manưih ti, buôn hayơq kalóóng aku nek “Alua, alua” palơq “Kah, kah” kơq?

18Bơơi Yaang Pleng nek yươq tadhơ, kơi achêk hayơq paraaq ưng nôôq yi đóng leq adhi anó nek eh rau bhêêl “Alua” bhêêl “Kah” mơ. 19Ơi Akóón Yaang Pleng, nek Jê-su Chuôq Paq Manưih, Yaang ơi bâân truuih đuui m'pơng kalóóng adhi anó tââq nôôq yi — hơq nek tââq aku lơq Siin-ven, palơq Ti-mô-thê — eh rau nek bhêêl “alua” bhêêl “kah” hơq kalóóng Ađó biêh taluôn nek “alua”. 20Ơi n'nal mơ paraaq hươq ưng Yaang Pleng maar nek “alua” kalóóng Ađó. Taai ađek, kung đươi Ađó paraaq “A-meen” tââq nôôq he tapôông leq Yaang Pleng taai cha-iil tabah Ađó. 21Mat lââng, Yaang Pleng nek Yaang têêng tavaaih nôôq yi palơq adhi anó kalóóng Chuôq Paq Manưih, lơq ơi xut dhơu đóng nôôq yi, 22Kung nek Yaang ơi teeng kanal nôôq yi lơq đóng rau karnal ưng Yaang Liêm mót kalóóng lóóm nôôq yi.

23Hayơq aku nek gavơh nhan Yaang Pleng têêng manưih truuih đuui đóng yaang ravaai aku kơi taai jruôn parngau palơh lơơi đóng adhi anó, aku ơi kah vôôiq leq Kô-rin-tô dyơq. 24Eh dhơq tââq nôôq yi ve mataai karơ dhiq lóóm huuiq adhi anó, bơơi tââq nôôq yi nek nôôq parjơơk marau tarnêêng taai bhuui marhaal ưng adhi anó, taai adhi anó ơi dyương mưng kalóóng lóóm huuiq ơi.