Skip to content
BibleKenya

Katu Bible Literal Text

1 Kô-rin-tô 6

Xók ve bhiêk chiên huông palơq manưih lââng, ngaai ađek kalóóng adhi anó khin lơơi bâân xêi lơt toom mat nôôq manưih kah liêm, hơq eh rau toom mat nôôq manưih huuiq liêm alua? Môôiq adhi anó kah n'nal kơi nôôq manưih huuiq liêm e xêi lơt manưih hóng katiêk? Lơq la manưih hóng katiêk e bâân xêi lơt tââq adhi anó, nek adhi anó kah dyóp praan karơ leq nôôq kaauq bhiêk chiên kuôq katưưiq-katit ađô alua? Adhi anó kah n'nal kơi nôôq he e xêi lơt nôôq dhơn Pleng alua? Hau praaq tơk nôôq tarlum kadhaap ưng đơơi ađôk? Kơi achêk nek, dhơ adhi anó ve nôôq kaauq bhiêk chiên mađó leq đơơi ađôk, hau kơi adhi anó patơơt nôôq manưih ađek tơơt xêi xanêi, hơq nek nôôq manưih bâân lêi kah rau ve phơn kalóóng akóón dhơn Chuôq? Aku xók praaq leq rau đaang kachiit mat ưng adhi anó. Kơi achêk ve kơq kah ve ngaai manưih tabech galang kalóóng adhi anó, nek manưih e ve chóóm xêi praaq tơơt m'pơng adhi anó ađêi alua? Palâh lóóiq, adhi anó ađô đơơp yuur pakah xêi xanêi huông lóóiq adhi anó tôôh, lơq rau bhiêk chiên ađek dhiq toom mat nôôq manưih kah huuiq! Kơi achêk hayơq, tarlum chiên ađô biêh nek mưi rau kah tarting pabhơt nek palơq adhi anó ơi. Taai adhi anó ve nôôq bhiêk chiên kaauq m'pơng chênh ađêi. Taai hau n'jang nek đơơp bil? Taai hau n'jang nek đơơp galơơk chachââr? Dhơ kơi ađek, adhi anó praaq têêng lơt môôp lơq kamuuch kanam, hayơq têêng kơi achêk palơq adhi anó ađêi! Môôiq adhi anó kah n'nal kơi manưih kah liêm e kah bâân pei đươi katiêk Yaang Pleng? Óóq lơơi bâân galơơk chachââr; kah ngaai manưih têêng tapiing, manưih bhuôih kabhêi, manưih têêng taniêt, padruuih baan achak, manưih đơơp pađiil xóng pađiil padruuih xóng padruuih, manưih tatông papei, manưih n'thaam, manưih ból plơ, manưih baauq uôn, môôiq manưih bhlơp galơơk, e kah bâân đươi katiêk Yaang Pleng. Lơq mưi phơn kalóóng adhi anó ơi glêh kơi achêk. Dhơ kơi ađek, adhi anó ơi bâân raau kajut, ơi bâân liêm sek, ơi bâân đóók bhơt liêm kalóóng dhanóók Chuôq, nek Jê-su Chuôq Paq Manưih, lơq tââq Yaang Liêm ưng Yaang Pleng nôôq he.

“Dyóp rau nek palơq aku nek chóóm pheep têêng,” bơơi eh alua dyóp rau đââng tơk malơơi. “Dyóp rau nek palơq aku nek chóóm pheep têêng,” bơơi aku e kah têêng xól tââq bhơt dhơ dharau. “Chana dhanah đóng leq palung, lơq palung đóng leq chana dhanah,” bơơi Yaang Pleng e pahư tabil bhơt beq ađô lơq beq tôôh. Bơơi achak araang eh rau đóng leq rau kiêng tapiing, hơq đóng leq Chuôq, lơq Chuôq đóng leq achak araang. Yaang Pleng ơi têêng Chuôq mamông lóóiq, kung e têêng nôôq he mamông lóóiq tââq karơ mataai ưng Ađó. Adhi anó kah n'nal kơi achak araang ađêi nek maphơn achak ưng Chuôq Paq Manưih alua? Kơi achêk nek, xong xók pei maphơn achak ưng Chuôq Paq Manưih, aku chóóm paxar piđó xar maphơn achak ưng pađiil baan achak? Kah chóóm mơ ve chiên ađek! Môôiq adhi anó kah n'nal kơi ngaai tơơt jum chênh ađêi palơq pađiil baan achak nek mưi ng'kar m'bech palơq ađó? Ơi ve xaraq: “Bơơr chanak e val xar mưi ng'kar m'bech.” Bơơi ngaai tơơt jum chênh ađêi palơq Chuôq hơq nek mưi achak đuui Chuôq palơq Ađó. Phaai viêr changaai rau tapiing taniêt! Dyóp rau matu hơq palââng têêng ve kơq nek tơơt dhiq nguôi achak araang, bơơi manưih têêng rau tapiing taniêt nek têêng lơt palơq chênh achak araang ađêi. Môôiq adhi anó kah n'nal kơi achak araang ađêi nek đong bhanuôih ưng Chuôq Yaang Liêm tơơt kalóóng adhi anó, nek Yaang hơq adhi anó đơơp tââq Yaang Pleng? Lơq adhi anó eh mađó leq chênh ađêi, taai adhi anó ơi bâân pók kơl palơq janaaq yaal ơi. Taai kơi achêk, phaai têêng cha-iil tabah Yaang Pleng palơq achak araang ađêi.

Katu Bible Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.