Siddi Bible
ಹಬ 1
ಹಬಕ್ಕುಕ್ ಪರ್‍ವಾದ್ಯಾಕ್ ಗಾವಲ್ಲೆ ಸರ್ವೆಸ್ಪರಾಚೆ ದರ್ಶನ್.
ಅನ್ಯೊವಾಚ್ಯಾ ವಿಶಯಾತ್ ಹಬಕ್ಕುಕಾಚಿ ಫಿರ್‍ಯಾದ್
ಸರ್ವೆಸ್ಪರಾ, ಮಿಯಾ ಕವ್ಡ್ಯಾ ಪತರ್ ಮಜ್ಜತಿ ಸಾಟ್ನಿ ಮಾಗುಚೆ, ತಿಯಾ ಕಶ್ಯಾಕ್ ಆಯ್ಕಿ ನಾ ಹೊಲೆಯ್? ತರಾಸ್ ಮನುನ್ ತುಜ್ಯಾಕ್ಡೆಬಿ ಬೊಬ್ ಮಾರುನ್ ಘೆಟ್ಲ್ಯಾರ್ಬಿ ರಾಕ್ವನ್ ಕರಿ ನಸ್ತಾನಾ ರಾತೈ. ಬುರ್ಸೆಪಾನ್ ಮಾಜ್ಯಾ ಡೊಳ್ಯಾಕುಚ್ ದಿಸಿ ಸಾರ್ಕೆ ಕಶ್ಯಾಕ್ ಕರ್ತಯ್? ಕಶ್ಟ್ ಕಶ್ಯಾಕ್ ಮಾಕಾ ದಾಕ್ವುಲಾಗಲ್ಲೆ? ತರಾಸ್ ಕಸ್ಟಾ ಮಾಜ್ಯಾ ಡೊಳ್ಯಾಚ್ಯಾ ಇದ್ರಾಕ್ ಹಾತುಚ್ ಹಾತ್; ತಂಟೆ ಹೊವ್ಲಾತ್ ಝಗ್ಡೆ ಉಟುಲ್ಲಾತ್. ಅಸೆ ರ್‍ಹಾತಾನಾ ನ್ಯಾಯಾಚಿ ಝಡ್ತಿ ಕರುನ್ ಹೊತಾ, ನ್ಯಾಯ್ ಕನ್ನಾಬಿ ಸೊಡಿನಾ. ಬುರ್ಶಿ ಲೊಕಾ ಬರ್ಯಾ ಲೊಕಾಕ್ನಿ ತಾಬೆತ್ ಕರುನ್ ಘೆಟ್ಲಾ. ತೆಚ್ಯಾ ಸಾಟ್ನಿ ಚುಕೆಚಿ ಝಡ್ತಿ ಬಾರ್ಯ್ ಯೆತಾ.
ಸರ್ವೆಸ್ಪರಾಚೆ ಜಾಬ್
ತನ್ನಾ ಸರ್ವೆಸ್ಪರ್ ಅಪ್ನಾಚ್ಯಾ ಲೊಕಾಂಚ್ಯಾ ಮದ್ದಿ ಚಲ್ತಲೆ ನದರ್ ಲಾವ್ನ್ ಬಗಾ. ಅಜಿಬ್ ಹೊತ್ಯಾಸಿ! ತುಮ್ಚ್ಯಾ ಎಳಾರ್ ಮಿಯಾ ಎಕ್ ಕಾಮ್ ಕರ್ತಾ, ತೆ ತುಮ್ಕಾ ಕಳ್ವುನ್ ಸಾಂಗ್ಲ್ಯಾರ್ಬಿ ತುಮಿ ತೆ ವಿಶ್ವಾಸ್ ಕರಿನ್ಯಾಸಿ. ಅಬಕ್, ಭಯಂಕರ್ ಅನಿ ಆರ್ಮುಟ್ ಕಸ್ದಿಯಾ ಲೊಕಾಕ್ನಿ ಉಟ್ವುತಾ. ತೆನಿ ಅಪ್ನಾಚೆ ನ್ಹಯ್ ಹೊಲ್ಲೆ ಜಾಗೆ ಸಗ್ಳೆ ತೆಂಚ್ಯಾ ತಾಬೆತ್ ಕರುನ್ ಘೆವ್ನ್ ಸಗ್ಳ್ಯಾ ಜಗಾತ್ ಫಿರುನ್ ಖೆಳ್ತಾತ್. ತೆನಿ ಕ್ರುರ್, ಭಯಂಕರ್ ಲೊಕಾ; ಅಪ್ನಾಕುಚ್ ಅಪ್ನಿ ಮಾನ್ ಕರುನ್ ಘೆತಾತ್, ಮೊಟೆ ಪಾನ್ ದಾಕ್ವುತಲಿ ಲೊಕಾ.
ತೆಂಚೆ ಘೊಡ್ಕೆ ಕಿರ್ಬಾಟಾಂಚ್ಯಾ ಕಿಂತಾ ಭಿರುಸ್, ಝುಲ್ ಕುತ್ರ್ಯಾಂಚ್ಯಾನ್ಕಿ ಚುರುಕ್, ತೆಂಚೆ ಘೊಡ್ಕೆ ಚಾಲ್ವುನಾರೆ ಲೈ ಹುಡುನ್ ಯೆತಾತ್, ಶಿಕಾರಿಕ್ ಖಾವ್ಕ್ ಲೈ ಗಡ್ಬಡಿನ್ ಹುಡುನ್ ಯೆತಲ್ಯಾ ಘಾರಿಚ್ಯಾ ಗತಿನ್ ಹುಡುನ್ ಯೆತಾತ್.
ತೆನಿ ತರಾಸ್ ದಿವ್ಚೆ ಮನುನ್ ಗುಸುನ್ ಫಿಡೆ ಯೆತಾತ್, ರೆತಿ ಸಾರ್ಕೆ ಮೆಜುಕ್ ಹೊಯ್ನಾ ತವ್ಡ್ಯಾ ಲೊಕಾಕ್ನಿ ಬಂಧಿ ಕರ್‍ತಾತ್. ತೆನಿ ರಾಜಾಕ್ನಿ ದಿಕ್ಕಾರ್ ಕರುನ್ ಎಡ್ಸಡ್ತಾತ್, ಅಧಿಕಾರಿಯಾ ತೆಂಚ್ಯಾ ಎಡ್ಸಡ್ತಲ್ಯಾಕ್ ಗುರಿ ಹೊತಾತ್. ಎಕೆಕ್ ಖಿಲ್ಲ್ಯಾಕ್ನಿ ಬಂಧಿ ಕರುನ್ ಧುಳಿಚ್ಯಾ ಸಾರ್ಕೆ ಹುಡ್ವುನ್ ಟಾಕ್ತಾತ್. ವ್ಹಾರೆ ವಾದಾಳಾ ಸಾರ್ಕೆ ನಾಪತ್ತೊ ಹೊತಾತ್; ಅಪ್ನಾಚಿ ತಾಕತುಚ್ ದೆವ್ ಮನ್ತಲೆ ಅಪ್ವಾದಿ ತೆನಿ.
ಹಬಕ್ಕುಕ್ ಸರ್ವೆಸ್ಪರಾಕ್ಡೆ ಅನಿ ಪರ್‍ತುನ್ ಫಿರ್‍ಯಾದ್ ಸಾಂಗ್ತಲೆ
ಸರ್ವೆಸ್ಪರ್ ಮಾಜ್ಯಾ ದೆವಾ, ಮಾಜ್ಯಾ ನಿತಳ್ಲ್ಯಾ ದೆವಾ, ತಿಯಾ ಕನ್ನಾಬಿ ಝಿತ್ತೊ ರ್‍ಹಾತೆ, ಹೊಯ್ ಸರ್ವೆಸ್ಪರಾ, ತಿಯಾ ತೆಂಕಾ ಶಿಕ್ಷ್ಯಾ ದಿಯ್ ಸಾರ್ಕೆ ನೆಮ್ಲೆ, ತಿಯಾ ಮಾಜೊ ಖಡಾಪ್. ಸರ್ವೆಸ್ಪರಾ, ಅಮ್ಚ್ಯಾ ನ್ಯಾಯ್ ಕರ್‍ತಲ್ಯಾ ಝಡ್ತಿತ್ ತೆಂಕಾ ನೆಮಸ್ಲೆ. ಬುರ್ಸೆ ಬಗಿನಸಲ್ಲ್ಯಾ ತವ್ಡೆ ಚುಕ್ ನಸಲ್ಲೆ ತುಜೆ ಡೊಳೆ, ಬುರ್ಸೆ ಪಾನ್ ಸೊಸುಕ್ ಹೊಯ್ ನಸಲ್ಲೊ ತವ್ಡೊ ನಿತಳ್ ತಿಯಾ.ಅಸೆ ರಾತಾನಾ ಬುರ್ಸ್ಯಾ ಮಾನ್ಸಾಕ್ ಬಗುನ್ ಕಶ್ಯಾಕ್ ಗಪ್ ಹಾಸ್? ಅಪ್ನಾಚ್ಯಾನ್ಕಿ ಬರ್‍ಯಾಕ್ನಿ ಲೈ ಬುರ್ಶಿ ಲೊಕಾ ಗಿಳಿ ಪತರ್ ತಿಯಾ ಕಶ್ಯಾಕ್ ಗಪ್ ರ್‍ಹಾತೆ?
ಮಾನ್ಸಾಕ್ನಿ ಸಮುಂದರಾಚ್ಯಾ ಮಾಸೊಳ್ಯಾಂಚ್ಯಾ ಸ್ಥಿತಿಕ್ ಕಶ್ಯಾಕ್ ಹಾನ್ಲೆ, ರಾಜ್ವಟ್ಕಿಕಾರ್ ನಸಲ್ಲ್ಯಾ ಕಿಡ್ಯಾಂಚ್ಯಾ ಗತಿಕ್ ಕಶ್ಯಾಕ್ ಹಾನ್ಲೆ. ಆಹಾ, ತೆಂಕಾ ಸಗ್ಳೆ ಅಪ್ನಾಚ್ಯಾ ಗರಿತ್ನಾ ವರ್‍ತಿ ವಡ್ತಾ, ತೆಚ್ಯಾ ಜಾಳ್ಯಾತ್ನಾ ಧರ್‍ತಾ, ಅನಿ ತೆಂಕಾ ಗೊಳಾ ಕರ್ತಾ;ಅನಿ ತೆನಿ ಲೈ ಖುಸಿ ಹೊತಾತ್. ತೆಂಚ್ಯಾ ಜಾಳ್ಯಾಕ್ ಬಲಿ ದಿತಾತ್, ಧುಪ್ ಘಾಲ್ತಾತ್; ತೆಚ್ಯಾ ವೈಯ್ ತೆಂಚಿ ಜಿವನ್ ಘಟ್, ತೆಂಚೆ ಜೆವಾನ್ ಸಾವ್ಕಾರ್ಕಿಚೆ.
ಅಸೆ ರ್‍ಹಾತಾನಾ, ತೆನಿ ಅಪ್ನಾಚ್ಯಾ ಜಾಳೆ ಕನ್ನಾಬಿ ಸಾರಿನಸ್ತಾನಾ, ದಯಾ ನಸ್ತಾನಾ ದೆಸಾಕ್ನಿ ಸದ್ದಾಬಿ ಜಿವ್ ಕಾಡಿತ್ ರ್‍ಹಾವ್ಚೆ ಕಾಯ್?
Siddi Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.